Morgunblaðið - 30.12.1984, Blaðsíða 40

40
MORGUNBLAÐIÐ, SUNNUDAGUR 30. DESEMBER 1984
Gæði hráefnis, matsaðferðir og
verðlagning hafa verið mikið til
umræðu og athugunar á árinu.
Staðreynd er að viðhafðar mats-
og verðlagsaðferðir eru ekki jafn
hvetjandi og þar sem fiskverð
ákvarðast fyrst og fremst af gæð-
um, framboði og eftirspurn á
frjálsum markaði þar sem skyn-
bragð kaupandans og þess sem
verkar ræður.
Aukin gæði bæta afkomu sjó-
manna og útgerðar. Það má því
einskis láta ófreistað að fá meiri
hvatningu í sambandi við verð-
lagningu hráefnis hafandi það í
huga að veiðar og meðhöndlun á
fiski er fagvinna og fagvinna er
aldrei það vel framkvæmd að ekki
megi gera betur.
Sala flestra sjávarafurða hefur
gengið þolanlega á árinu. Þó hefur
gengisþróun Bandaríkjadollars
haft afgerandi áhrif og valdið
röskun milli markaðssvæða. Sam-
keppnisaðstaða okkar krefst þess
nú fremur en nokkru sinni fyrr að
einskis sé látið ófreistað að fram-
leiðsluvörur fari frá landinu á
þann veg sem markaðurinn krefst,
hvort heidur er litið til gæða eða
ytri frágangs. Fullyrða má, að
sölusamtök okkar í sjávarútvegi
hafi í mörgum tilfellum unnið
stcrvirki á undanförnum áratug-
um, við að halda hærra verði á
gæðaafurð sjávarafla en aðrar
þjóðir hafa náð.
Rétt nýting fiskmiðanna bygg-
ist á búsetu og heppilegum fiski-
skipum fyrir viðkomandi ver-
stöðvar. Tilkoma skuttogaranna
varð mörgu byggðarlaginu lyfti-
stöng en þeir henta ekki allstaðar.
Stöðnun og kyrrstaða í endurnýj-
un fiskiskipa er hættuleg. Hún
gæti fyrr en varði kallað á nýja
endurnýjunarskriðu. Allt tal um
of stóran fiskiskipaflota virkar
neikvætt. Það er sárt að horfa á
eftir góðum skipum úr landi komi
ekki önnur betri í staðinn. Það er
bráðnauðsynlegt að gera íslenskri
skipasmíði kleift að annast endur-
nýjunina, sem hún í mörgum til-
fellum hefur sýnt og sannað að
hún gerir betur en sú erlenda.
Sameiginleg áramótaósk okkar
allra er sú, að á komandi ári og í
framtíðinni berum við gæfu til að
umgangast þá auðlind, sem er
undirstaðan að lífskjörum okkar í
landinu það varlega að eigi hljót-
ist af óbætanlegur skaði, með því
að rányrkja ekki fiskistofnana í
lögsögu íslands.
Gleðilegt ár.
Kristján Thorlacius
Kristján Thorlacius, for-
maður Bandalags starfs-
manna ríkis og bæja:
Láglaunastefna
og hávaxtapólitík
Sú fjöldahreyfing sem varð i
verkfalli opinberra starfsmanna á
sl. hausti var vissulega engin til-
viljun. Hún var bein afleiðing af
því ástandi sem ríkir í kjaramál-
um í þjóðfélaginu. Það sem vakti
mikla athygli var, hve samstaðan í
verkfallinu var mikil og náði langt
út fyrir raðir opinberra starfs-
manna.
Allt stafar þetta augljóslega af
því að misréttið í kjaramálum er
orðið meira en svo, að lengur verði
við unað. Verst kemur þetta niður
á ungum fjölskyldum og eigna-
lausu eftirlaunafólki.
Ástandið í húsnæðismálum er
sífellt að færast nær því sem var
fyrir stríð, þegar það voru forrétt-
indi að eiga íbúð eða hafa leigu-
húsnæði, þannig að fólk þyrfti
ekki að hrekjast með stuttu milli-
bili úr einum stað til annars.
Þetta ástand er afleiðing af því
hve atvinnurekendur og stjórn-
völd hafa haldið almennum launa-
kjörum niðri og hins vegar verð-
tryggingu á lánum ásamt háum
vöxtum.
Almennur launamaður sem ekki
hefur eignast íbúð fyrir nokkrum
árum á fárra kosta völ í húsnæð-
ismálum. Sú láglaunastefna og
hávaxtapólitík, sem haldið er uppi
kreppir að sífellt fleira fólki.
Síðan á árinu 1971 hefur átt að
heita svo að Islendingar byggju
við 40 stunda vinnuviku. í reynd
hefur það verið almennt að yfir-
vinna væri a.m.k. 10 tímar á viku.
Þetta þýðir að þegar fólk fer á
ellilífeyri er hann miðaður við
dagvinnulaun. Ellilífeyririnn fylg-
ir því ekki raunverulegum launa-
tekjum.
Það er sífellt verið að þrengja
kosti almennings. Tekjurnar sem
þorri fólks fær duga einfaldlega
ekki fyrir nauðsynlegum útgjöld-
um. Tekjum manna er ójafnt
skipt. Möguleikar fólks m.a. í hús-
næðismálum eru mjög misjafnir.
Þetta eru meginástæðurnai
fyrir því að menn sætta sig ekki
við þá stefnu í efnahags- og kjara-
málum, sem rekin er.
BSRB krafðist þess á sl. hausti
að stigið yrði skref f jafnréttisátt.
Því var algerlega hafnað. Stjórn-
völd vildu engan lit sýna á því að
leiðrétta kjörin fyrr en eftir fjög-
urra vikna verkfall.
Gengisfellingin og verðhækkan-
ir sem skellt var á eftir samning-
ana hefur rýrt kaupmátt hinna
umsömdu launahækkana um
fjórðung frá því samið var.
Það gefur auga leið að bann við
verðbótum á laun jafnframt því
sem lán til íbúða eru látin fylgja
verðhækkunum og bera háa vexti
leiðir í fullkomnar ógöngur.
Barátta samtaka launafólks til
sóknar og varnar í kjaramálum
launafólks hefur staðið frá stofn-
un samtakanna og henni mun
verða haldið áfram á árinu 1985.
meginþorra
þjóöarinnar
daglega!
Auglýsinga-
síminn er224 80
2HuT£unT>Iflí»
Hátíð
í Háskólabíói
sunnudaginn 30.
desember 1984
kl. 15.00
ALLIR VELKOMNIR
Valdir textar úr Guöbrandsbiblíu og nýjustu biblíuútgáfunni lesnir.
Lokaorð: Herra Pétur Sigurgeirsson, biskup íslands.
GaðbRandsbíbLfa
Kristinn Sigmundsson Sigríður Ella
og Mótettukórínn syngja.
Kristján Jóhannsson
Setningarávarp: Dr. theol. Sigurbjörn Einarsson biskup.
island á 16. öld: Helgi Þorláksson sagnfræöingur.
Guðbrandur biskup Þorláksson og útgáfustarf hans: Jónas Gíslason
dósent.
HiA íslenska biblíulélag • Hið fs-
lenska bókmenntafólag • Stúd-
entafélag Reykjavíkur • Sögufé-
lag • Félag bókagerðarmanna
• Félag íslenska prentiðnaðar-
ins • Félag íslenskra bóka-
útgefenda
400 áua