Morgunblaðið - 08.01.1988, Blaðsíða 29

MORGUNBLAÐÍÐ', FÖÖTUDAGUR '8. JANÚAR 1988
fi
29
Nýtt búvöruverð;
Rjóminn hækkar um 25%
BÚVÖRUVERÐ var reiknað upp
á nýtt í gær í kjölfar álagningar
söluskatts og áukningar á niður-
greiðslum rikissjóðs. Útsöluverð
á dilkakjöti og mjólk breytist
ekki en ýmsar aðrar búvörur
hækka í verði. Til dæmis hækkar
ijómi um 25%, nautakjöt um 10%
og ostur um 9,5%.
Hámarkssmásöluverð á nauta-
kjöti í heilum og hálfum skrokkum
hækkar úr 346,90 kr. kílóið í
381,50, eða um 10%. Er þá búið
að taka tillit til álagningar 25%
söluskatts og draga frá niður-
greiðslu ríkissjóðs á heildsöluverði
sem nemur 38,50 kr. á kíló. Allir
verðflokkar eru niðurgreiddir, líka
það kjöt sem fer til vinnslu, þannig
að unnar kjötvörur eiga ekki að
þurfa að hækka um nema 10—12%,
samkvæmt upplýsingum Verðlags-
stofnunar.
Blönduós:
Stóra „tívolíbomb-
an“ finnst ekki
Blönduósi.
ENN hefur sex tommu tívolíbom-
ban sem stolið var úr húsakynn-
um hjálparsveitar skáta á
Blönduósi ekki komið i leitirnar.
Enn fremur hurfu níu sýningar-
flugeldar og 400 skota sýningar-
sprengja, sem er hálfur metri á
kant.
Að sögn Jakobs Jónssonar, form-
anns hjálparsveita skáta, getur
stuldurinn hafa átt sér stað frá 1.
til 6. janúar og eru engin merki um
innbrot. Jakob sagði að gengið hefði
verið frá öllum flugeldum sem ekki
seldust á gamlársdag í læstum
skáp, en þar sem fyrirhugað var
Verslunin H.
Biering hætt
— tvær nýjar
verslanir opnaðar
að Laugavegi 6
BÚSÁHALDAVERSLUNIN h.
Biering, sem starfrækt hefur
verið að Laugavegi 6 sl. 63 ár,
skipti um eigendur um áramótin
og er nú rekin af Austurbakka
hf undir nafninu Búsáhaldaversl-
unin. íþróttavöruverslun mun
einnig taka til starfa í hluta hús-
næðisins á næstunni.
Henrik P. Biering rak verslunina
síðustu 27 árin, en hún var stofnuð
árið 1925 af föður hans, Henrik
Biering. „Við munum halda áfram
með þær vörur sem H. Biering
verslaði með, en jafnframt auka
vöruúrval sem höfðar til yngra
fólks." sagði Garðar Einarsson,
verslunarstjóri nýju búsáhaldaversl-
unarinnar. I neðri hluta húsnæðis-
ins mun íþróttaverslunin Frísport
verða starfrækt, og er stefnt að því
að opna hana í dag, laugardag.
Mýrdalur:
Ófærð í
Mýrdal
Litla Hvammi.
JAFNFALLINN snjór í skóvarp
setti niður hér í Mýrdal á mið-
vikudag. Síðan fór að kalda hér
á fimmtudagsmorgun með nok-
kurri ofankomu og spilltist færð.
Vegurinn í gegnum Mýrdal varð
af þessum sökum ófær mestan
hluta dagsins. Vegna slæms
skyggnis og einnig vegna þess að
fokið hafði saman í fannstæður
komust fólksbflar ekki leiðar sinnar.
Veður gekk mikið niður undir
kvöldið og vegir taldir færir jeppum
og tveggja drifa bflum, en ekki
verður vegurinn ruddur fyrr en í
dag, þar sem ennþá skóf nokkuð í
gærkvöldi.
Sigþór
að halda flugeldasýningu á gaml-
árskvöld hefðu sýningarflugeldar
ekki verið læstir niðri. Flugeldasýn-
ingunni á gamlárskvöld var hins
vegar frestað vegna veðurs.
Dagana 2. og 3. janúar stóð yfir
umfangsmikil leit að týndum
manni, Inga Jóhanni Hafsteinssyni,
og var þá mikil umferð um hús-
næði hjálparsveitarinnar. En þegar
til sýningarflugeldanna átti síðan
að taka á þrettándanum voru þeir
horfnir. Jakob Jónsson gat þess,
að sex tommu tívolíbomban væri
stórhættuleg í höndum þeirra sem
ekki kynnu með að fara. Hólki þeim,
sem tívolíbombunni er skotið úr, var
ekki stolið, og eykur það líkumar
á því að þessi sprengja sé stór-
hættuleg í meðförum. Jabob
Jónsson sagði, að eitt óhapp hefði
átt ser stað er 1 tommu bombu var
skotið á loft á gamlárskvöld.
Sprengjan lenti í höfði manns, en
gleraugun björguðu honum frá stór-
slysi. Jafnframt vissi Jakob tvö
dæmi þess að hólkar utan um 1
tommu tívolísprengjumar hefðu
sprungið í tætlur. Jakob Jónsson
vildi koma á framfæri við þá sem
hefðu þessa flugelda undir höndum
að skila þeim og yrðu þá engir eftir-
málar. T, „.
Jon Sig.
Verð á nýmjólk er óbreytt og til
þess að halda því eru auknar niður-
greiðslur á hvern lítra úr 5,83 kr.
í 14,54 kr. Rjómapelinn hækkar úr
74,50 í 93,10 kr., eða sem svarar
söluskattinum, en niðurgreiðslur
eru ekki auknar. Ostur, 45%, hækk-
ar úr 402,10 í 440,20 kr. kílóið, eða
um 9,5%. Þar hafa niðurgreiðslur
verið auknar úr 11,10 kr. í 58,42
kr. Verð á smjöri breytist ekki, en
niðurgreiðslur hafa þá verið auknar
úr 333,67 í 390,73 kr. á kíló.
Útsöluverð á dilkakjöti í heilum
og hálfum skrokkum breytist ekki,
þar sem niðurgreiðslur á hvert kíló
1. flokks hækka úr 52,27 í 111,76
kr. á kíló, svo dæmi sé tekið. Niður-
greiðslan nær einnig til kjöts sem
fer til vinnslu þannig að unnar kjöt-
vömr eiga ekki að þurfa að hækka
um nema 10—15%.
Verðlagsstofnun reiknar með að
útsöluverð svínakjöts hækki um
6,5%, þar sem á móti hækkun sölu-
skatts kemur endurgreiðsla kjarn-
fóðurgjalds, 41 kr. á kíló, sem
nemur 15% af framleiðendaverði.
Samplast
skemmd-
ist í eldi
Húsavík
ELDUR kom upp í verksmiðjunni
Samplast við Garðarsbraut á
Húsavík aðfaranótt fimmtudags.
Nokkrar skemmdir urðu, en greið-
lega gekk að ráða niðurlögum
eldsins. Upptök hans eru ókunn.
Vegfarandi varð var við reyk frá
verksmiðjunni, sem er í gömlum
bragga, um tvöleytið um nóttina.
Þegar lögreglan kom á staðinn reynd-
ist eldur loga í öðrum enda braggans
og tókst lögreglunni að slökkva hann
að mestu með handslökkvitækjum,
áður en slökkviliðið kom á vettvang.
Efni til plastgerðar skemmdust og
steypt bátskel, sem var þar inni. Sam-
plast framleiðir plastbáta og ker fyrir
fiskeldisstöðvar.
Fréttaritari
Morgunblaðið/Sigurður Jónsson
Jólasveinar veifuðu börnunum áður en þeir héldu til fjalla að
loknu jólaamstri á Suðurlandi.
Selfoss:
Fjölmenni í blysför við
þrettándabrennu og
á flugeldasýningu
Selfossi.
SELFOSSBÚAR og nágrannar
fjölmenntu í blysför og á þrett-
ándabrennu á íþróttavellinum,
þar sem einnig var mikil flug-
eldasýning. Unglingadansleikir
voru haldnir í nýrri félagsmið-
stöð og á Hótel Selfossi. Þrett-
ándakvöldið leið án stórvægi-
legra óhappa.
Blysför jólasveina og annarra
úr dulheimum eftir Austurvegin-
um frá Tryggvatorgi á íþróttavöll-
inn er árlegur viðburður og
fjölskylduskemmtun. Greinilegt er
að fólk nýtur þess að koma saman
og brenna út jólin. Mikið íjöl-
menni var á íþróttavellinum við
brennuna þó svo nokkuð kalt
væri í veðri. I hópnum var mikið
um fjölskyldur úr nágranna-
byggðum, enda börnin spennt að
sjá jólasveinana hverfa úr manna-
byggð.
Unglingamir dönsuðu út jólin
á Hótel Selfossi þar sem dansinn
dunaði fram yfir miðnætti. Einnig
var dansað af krafti í nýrri félag-
smiðstöð. Greinilegt var að ungl-
ingamir nutu þess að skemmta
sér og dansa þetta kvöld.
Mikil umferð var á götum bæj-
arins um kvöldið og fram á nótt.
Nokkrar rúður voru brotnar og
eitthvað um tilfæringar í óspekta-
átt sem lítið varð úr. Slökkviliðið
var kvatt að ónotuðu sumarhúsi,
utan ár, sem kveikt hafði verið í.
Eldur var lítill og auðveldur viður-
eignar. Bæjarstjóri hefur lagt á
það áherslu við lögreglu að þeir
sem unnu skemmdaverk verði
látnir sæta ábyrgð. Að hans sögn
er vitað að í hlut eiga menn,
komnir eru af unglingaskeiði.
Tilkynningar bámst um það til
beggja sjónvarpsstöðvanna að til
óláta kæmi á Selfossi. Frammá-
menn á Selfossi telja að þeir sem
fyrir tilkynningunum stóðu hafi á
vissan hátt náð fram tilgangi
sínum, því fréttamenn frá Stöð 2
voru á ferð um götur bæjarins
um nóttina.
— Sig. Jóns.
Bókun borgarráðsfulltrúa Sjálfstæðisflokksins:
Fossvogsbraut eina viðunandi
lausnin á umferðarvandanum
Borgarráðsfulltrúar Sjálf-
stæðisflokksins lögðu fram
bókun á síðasta fundi borgar-
ráðs, vegna Aðalskipulags
Reykjavíkur 1984 - 2004. Þar
er meðal annars fjallað um
væntanlega Fossvogsbraut en
387 íbúar í Kópavogi, ásamt
bæjarstjórn Kópavogs hafa lagt
fram mótmæli vegna lagningu
Fossvogsbrautar. í bókuninni
er vitnað til fyrri samninga
bæjarfélaganna um nýtingu
Fossvogs og bent á að ólíklegt
sé að aðrar viðunandi lausnir
fáist á umferðarvanda höfuð-
borgarsvæðisins en þær sem
miðast við byggingu Fossvogs-
brautar.
í bókun borgarráðsfulltrúanna
er vitnað til umsagnar sem sam-
þykkt var á fundi skipulagsnefnd-
ar 9. desember en þar kemur
meðal annars fram að í staðfestu
aðalskipulagi Reykjavíkur fyrir
1962 til 1983 sé gert ráð fyrir
legu stofnbrautar um Fossvogs-
dal. í tillögu að aðalskipulagi
Reykjavíkur 1984 til 2004 er enn
gert ráð fyrir stofnbraut um Foss-
vogsdal en legu brautarinnar
hefur þó verið breytt lítillega í
samræmi við samnrng milli
Reykjavíkurborgar og Kópavogs-
kaupstaðar frá 9. október 1973.
„Skv. 5. gr. nefnds samnings
var ákvörðun um breytingu á
mörkum kaupstaðanna skotið á
frest, en tekið fram í 6. gr. að
leiði endurskoðun á umferðarkerfi
höfuðborgarsvæðisins í ljós, að
nauðsynlegt reynist að ráðast í
gerð Fossvogsbrautar, þ.e. að í
ljós komi, að ekki finnist aðrar
viðunandi lausnir á umferðarkerfi
höfuðborgarsvæðisins að dómi
beggja aðila, skuli suðurbrún
Fossvogsbrautar verða mörk
kaupstaðanna. Jafnframt að
Kópavogskaupstaður láti
Reykjavík í té kvaðalaust og án
endurgjalds land það, er hann á
í Fossvogsdal og lendir innan
marka Reykjavíkur (22.2 ha), en
með nefndum samningi lét borg-
arsjóður Kópavogskaupstað í té
án endurgjalds um 33 ha lands,
þar sem nú er iðnaðarsvæði við
Skemmuveg.
í fyrirliggjandi aðalskipulags-
tillögu er mörkum Reykjavíkur
og Kópavogs ekki breytt, en lega
brautarinnar er nú sýnd í sam-
ræmi við áðurnefndan samning,
sem bæjarstjóm Kópavogskaup-
staðar er jafn bundin af og
borgarstjóm Reykjavíkur. í sam-
ræmi við þann samning mun
Reykjavíkurborg krefjast breyt-
inga á mörkunum, þegar gerð
brautarinnar er endanlega ákveð-
in.“
í greinargerð með skipulagstil-
lögunni, sem fylgir umsögninni,
segir að Fossvogsbraut verði með
mislægum gatnamótum og því
verði engar tafir eða hætta á
árekstmm við gatnamót. Brautin
muni draga verulega úr umferð á
Nýbýlavegi og á Bústaðavegi og
með tilkomu hennar mun um-
ferðarkerfi Kópavogs ótvírætt
batna, ekki síður en Reykjavíkur.
„Með því að hafa Fossvogs-
braut að hluta til niðurgrafna og
umlukta tijám og hljóðmön mun
truflun vegna umferðar þarna
verða lítil. Minnsta fjarlægð milli
húsa þvert yfir Fossvogsdal er
u.þ.b. 180 m á móts við götuna
Eyrarland í Reykjavík. Til saman-
burðar má nefna, að fjarlægð
milli húsa þvert yfír Bústaðaveg
er 83 m við Efstaland og þvert
yfir Miklubraut milli blokka við
Safamýri og Hvassaleyti eru
111.5 m. Enginn vandi er því að
koma gönguleiðum og gróðrar-
beltum fyrir meðfram Fossvogs-
braut á þrengstu stöðunum, en á
milli þeirra má koma fyrir útivist-
arsvæðum."
í tillögu að Aðalskipulagi Kópa-
vogs er gert ráð fyrir útivistar-
svæði í Fossvogsdal. Að sögn
Kristjáns Guðmundssonar bæjar-
stjóra, fékkst tillagan ekki stað-
fest hjá skipulagsstjórn ríkisins
sem óskuðu eftir fresti til að stað-
festa skipulag Fossyogsins innan
marka Kópavogs. I bréfi skipu-
lagsstjómar til bæjarstjómar
Kópavogs kemur fram að skipu-
lagsstjórnin hyggst einnig fresta
ákvörðun um tillögu Reykjavíkur-
borgar á nýtingu dalsins og þar
sem vænst sé frekari hugmynda
um nýtingu dalsins.
Skipuð hefur verið nefnd full-
trúa bæjarfélaganna, sem fjalla á
um nýtingu Fossvogsdalsins og
hefur fyrsti fundur nefndarinnar
verið boðaður í lok janúar. Fulltrú-
ar Reykjavíkurborgar eru þeir Jón
G. Tómasson borgarlögmaður,
Þórður Þ. Þorbjarnarsoii borgar-
verkfræðingur og Vilhjálmur Þ.
Vilhjálmsson formaður skipulags-
nefndar. Fyrir Kópavogsbæ eru
þeir Kristján Guðmundsson bæj-
arstjóri og bæjarfulltrúamir
Valþór Hlöðversson og Bragi
Mikaelsson.