Morgunblaðið - 28.10.1988, Blaðsíða 45
MORGUNBLAÐIÐ, FÖSTUDAGUR 28. OKTÓBER 1988
45
VELVAKANDI
SVARAR I SÍMA
691282 KL. 10-12
FRÁ MÁNUDEGI
TIL FÖSTUDAGS
éám
m
Þessir hringdu . .
Heimila ætti hægri beygju
á rauðu ljósi
G.Á. hringdi:
„Er ekki orðið tímabært að
breyta umferðarlögum hér á landi
og heimila hægri beygju á rauðu
ljósi þar sem ekki eru afleggjar-
ar? Þetta myndi greiða fyrir í
umferðinni. Víða erlendis, t.d. í
Bandaríkjunum, er heimilt að
beygja til hægri á rauðu ljósi ef
engin umferð er frá vinstri. Oft
myndast mikil biðröð við hægri
akrein en slíkar biðraðir myndu
styttast að mun ef þessi breyting
yrði gerð.“
Gula línan
Guðrún hringdi:
„Mig langar til að koma á fram-
færi þakklæti til Gulu línunnar.
Eg hef oft leitað til þeirra þar og
yfirleitt fengið þær upplýsingar
sem ég hef þurft á að halda.“
Stöndum fast
á rétti okkar
S.K. hringdi:
„Ég tel að við eigum að standa
fast á rétti okkar í hvalveiðimál-
inu. Ef við látum undan erum við
búin að skerða sjálfstæði okkar.
Við þyrftum að koma okkar sjón-
armiðum á framfæri erlendis og
fá góða penna til að- skrifa í er-
lend blöð t.d. Times og Life. Við
ættum að hafa okkur meira í
frammi í þessu máli en ekki láta
nægja að lesa um hverning erlend-
ir sérhagsmunahópar vilja að nýt-
um auðlindir okkar. Ef til þess
kemur hljótum við að geta samið
við aðrar þjóðir um sölu á fiski
t.d. Kínvetja eða Japani.“
Góðar greinar
um óljóð
Guðleif hringdi:
„Ég vil lýsa stuðningi við skrif
Guðmundar Guðmundarssonar
um óljóðin. Það eru fárir sem
nenna að segja meiningu sína um
þennan skáldskap, svo ómerkileg-
ur er hann. En sem betur fer eru
margir á sömu skoðun og Guð-
mundur þótt þeir þegi. Ég vil
þakka honum fyrir góðar grein-
ar.“
Ljóðið eftir Freystein
Auðun Bragi hringdi:
„Á miðvikudagsmorgun var
sönglagið „Ég man það enn“ flutt
í útvarpinu og sagði þulurinn að
höfundur væri ókunnur. Það er
ekki rétt. Þetta ljóð er eftir Frey-
stein Gunnarsson."
Barnaúr
Barnaúr fannst við Vífilsgötu
fyrir nokkru. Upplýsingar í síma
20286.
Hringnr
Trúlofunar- eða giftingarhring-
ur fannst á Umferðarmiðstöðinni
fyrir skömmu. í hringinn er
greypt: “Þinn Siggi“. Upplýsingar
í síma 22300 .
Hjól
Rautt drengjahjól af tegundinni
Bici-cross fannst við Lynghaga
fyrir nokkru. Upplýsingar í síma
27949.
Kettlingnr
Lítill síamskettlingur fannst á
Laugavegi á sunnudag. Eigandi
hans er beðinn að hringja í síma
77393 hið fyrsta.
Kvenúr
Gyllt kvenúr, vel merkt, tapað-
ist fyrir skömmu í Norðurmýri.
Finnandi er vinsamlegast beðinn
að hringja í síma 19271.
Trúarskoðanir Bahá’ía
Ágæti Velvakandi.
Þann 21. okt. síðastliðinn birtir
þú grein eftir Björn Siguijónsson,
en þar fjallar Björn um Bahá’í-trú
og trúarskoðanir Bahá’ía. Skoðanir
Björns eru vissulega hans eigið
æál, en í greininni kemur fram að
þekking hans á Bahá’í-trú, eðli
hennar og sambandi við Krist og
kristna trú er ábótavant og vona
ég að Björn taki það ekki illa upp
þó að eftirfarandi verði birt, honum
og öðrum til upplýsingar.
Það er satt að Bahá’íar búast við
sameiningu mannkynsins, en sú
sameining mun ekki, að áliti
Bahá’ía eða Bahá’u’lláh stofnanda
Bahá’í-trúarbragðanna, verða undir
forystu neins manns. Sameiningu
mannkynsins er í Bahá’í-trúar-
brögðunum lýst sem eðlilegu þróun-
arskrefi í þróunarferli mannsættar-
innar.
Grundvöllurinn að þessu skrefi
hefur verið lagður í kenningum
boðbera Guðs, en þeir hafa birst í
niismunandi löndum í aldanna rás
samkvæmt vilja Guðs. Kenningar
þeirra og lög álíta Bahá’íar allar
guðlegar að uppruna og að mis-
muna þeim á einn eða annan hátt
algerlega í ósamræmi við boð Ba-
há’u’lláh.
Kristur er sannarlega talinn með-
al opinberenda Guðs, og er vegsam-
aður sem slíkur. I hugum Bahá’ía
er Kristur ásamt öðrum sendiboðum
guðs upphafinn yfir menn, sem
tengiliður milli Guðs og manna, eða
það verkfæri sem Guð hefur útvalið
til að opinbera sjálfan sig í gegn
um. Að þekkja opinberanda Guðs
er þar af leiðandi að þekkja Guð.
Af þessu leiðir að Bahá’íar til-
biðja aðeins Guð, þ.e.a.s. hinn eina
sanna Guð, sem nefndur hefur ver-
ið mörgum nöfnum á hinum ýmsu
tungumálum heimsins, en hefur
aðeins eina raunveru sem aðeins
hann sjálfur þekkir til fulls. Engin
tilbeiðsla fer fram í Bahá’í-trú eða
meðal Bahá’ía á öðru en Guði al-
máttugum. Það að Guð er einn og
aðeins, hann beri að tilbiðja, er í
fullu samræmi við fyrsta boðorð
Móse.
Bjöm víkur að gerð tilbeiðslu-
húsa Baháía í grein sinni, en þau
eru byggð með hvolfþaki sem er
táknrænt fyrir einingu trúar Guðs,
og hinar níu dyr tilbeiðsluhúsanna,
táknrænar fyrir megintrúarbrögð
mannkynsins. Tilbeiðsluhúsin em
opin öllu fólki sem tilbiðja vill Guð,
og standa í engu sambandi við dul-
hyggju eða talnafræði.
Það að Bahá’íar álíta að
Bahá’u’lláh sé ekki endanleg opin-
bemn guðs, og að mannkynið megi
í framtíðinni vænta komu annarra
sendiboða, er í fullu samræmi við
það loforð Guðs að hann muni aldr-
ei láta mannkyn eitt og muni ætíð
leiðbeina því og sýna því hinn rétta
veg, loforð sem hann hefur að sönnu
efnt fram til þessa, þó að mannkyn-
ið hafi að mestu hafnað þeirri leið-
beiningu og tekið sinn skilning og
vilja fram yfir guðs. Um þetta vitn-
ar saga allra trúarbragða og saga
Krists og kristninnar hvað skýrast,
og á ég þá við þær móttökur sem
Kristur og kenning hans fékk hjá
þorra samtímamanna sinna.
Birni er að lokum bent á að frek-
ari upplýsingar um Bahá’í-trú sé
hægt að fá á skrifstofu Bahá’í-
samfélagsins á Óðinsgötu 20 í
Reykjavík.
Svanur Gísli Þorkelsson,
fréttafulltrúi Bahá’í-sam-
félagsins.
Okrístileg j óladagskr á
Kæri Velvakandi.
Fyrir skömmu var verið að kynna
vetrardagdrá í ríkisútvarpsins, sjón-
varps. Þegar kom að því að kynna
jóladagskrána féllust mér hendur,
eins og oft áður í sambandi við jóla-
dagskrá sjónvarpsins. I ár verður
nefnilega ekkert brugðið frá vanan-
um.
Það þykir sjálfsagt að bjóða fólki
upp á glæpamyndir, afbakaðan
fagnaðarboðskap um jólasveina og
aðrar þjóðsögur, eins og draugasög-
una um djáknann á Myrká. En fal-
legar kvikmyndir um ævistarf og
dauða Krists þykir víst og eru
kannski ekki nútímafólki bjóðandi.
Víst er það að um jólin sem og
annan árstíma gerast grimmileg
myrkraverk, menn telja sig hafa
fundið sannleikann eða unnið
glæstan sigur og gleðjast, og
draugasögur eru víst ávallt að ger-
ast.
En hvemig væri að nota tímann
þegar jólin fara í hönd til að minna
skírða og fermda á það hvers vegna
við höldum jólin hátíðleg. Meirihluti
íslensku þjóðarinnar er skírður til
nafns föðurins, sonarins og hins
heilaga anda. Hvemig væri að sýna
þeirri þjóð kristilegt efni og minna
hana á dauða drottins síns, og upp-
risuna sem öll hennar trú byggist
á? Ekki er vanþörf á því og hvers
vegna ekki að nota jólin til þess.
Einar Ingvi Magnússon
AA samtökin
0PINN
KYNNINGARFUNDUR
í HÁSKÓLABÍÓI
sunnudaginn 30. október kl. 14.00
AA samtökin (Alcoholics Anonymus) eru þúsund-
um íslendinga leið til betra lífs úr heljargreipum
áfengis- og vímuefnaneyslu.
Er AA leið fyrir þig?
Heldur þú að AA geti hjálpað ættingja þínum eða
öðrum nákomnum þér, sem þú hefur áhyggjur af?
Komdu og kynnstu því hvaða leið AA býður til
bata - leið sem þúsundir hérlendis og milljónir
erlendis hafa farið í átttil nýs og hamingjuríks lífs.
AA deildirnar í Reykjavík