Morgunblaðið - 05.06.1991, Qupperneq 17

MORGUNBLAÐIÐ MIÐVIKUDAGUR 5. JUNI 1991
17
Að loknum kosningum
eftir Karl Ormsson
Nú þegar kosningar eru um garð
gengnar og ríkisstjórn Davíðs Odds-
sonar hefur tekið við er ekki úr
vegi að láta hugann reika um liðna
daga. I fyrsta lagi um það stjórn-
leysi, sem ríkt hefur undanfarin ár
og síðan þá breytingu sem nú þeg-
ar hefur orðið síðan þessi stjórn tók
við og um þann einfalda og trúverð-
uga stjórnarsáttmála, sem saminn
var að mestu af tveimur mönnum
á mettíma.
Ráðherrar vinstri stjórnar Stein-
gríms Hermannssonar, sem létu af
völdum, sjá nú andskotann í hveiju
homi hjá þeim er nú fara með völd.
Nú á að nota ijölmiðlana til að æsa
upp og búa til ágreining ef ekki
vill betur til að skapa vantrú á
stjórninni. Ekki efa ég að Eiður
Guðnason og Halldór Blöndal leysi
sín mál án aðstoðar annarra ef
nokkur ágreiningur er þá fyrir
hendi. Fólk skyldi varast að trúa
þeim fréttum, sem spunnar eru um
ágreining þeirra. Nú þegar hefur
þessi stjórn sýnt að hún hefur unn-
ið sér traust, sem ég man ekki eft-
ir að aðrar stjórnir hafi gert á lýð-
veldistímanum, en það er að halda
ríkisstjórnarfundi að kvöldi, um
helgi og á sumardaginn fyrsta.
Þetta sýnir manni að þarna virðast
vera menn, sem hafa áhuga á að
stjórna, kom sér sem fyrst inn í öll
mál, taka til hendinni og sýna í
verki að ríkisstjórnir eru kosnar til
að stjórna, en ekki láta reka á reið-
anum og draga lappirnar í öllum
málum, þannig að hvert mál, sem
upp kann að koma verði ekki að
stríðsástandi eins og svo oft ein-
kenndi síðustu stjórn. Það er skilj-
anlegt að fráfarandi ráðherrar viti
ekki hvað er traust og stjórnviska,
enda sýna merkin verkin.
Ég hefi stundum orðið fyrir því
síðan stjóm Davíðs Oddssonar tók
við völdum að sagt hefur verið við
mig að ríkisstjórnin hafi svikist um
að lækka skatta. Sjálfstæðismenn
sögðu aldrei að skattar yrðu lækk-
aðir á fyrstu dögum. Ég vitna beint
í ályktun 29. landsfundar Sjálfstæð-
isflokksins, þar sem stendur:
„Ályktun um skattamál. Sjálfstæð-
isflokkurinn vill lækka skatta með
markvissum samdrætti í útgjöldiim
hins opinbera, hallalausum ríkisbú-
skap á kjörtímabilinu, einkavæð-
ingu og einfaldara skattakerfi. Nú
þegar verði að hverfa frá skatta-
hækkun núverandi stjórnar og
stöðva þenslu í umsvifum ríkiskerf-
isins. Þetta er nauðsynlegt ef fram-
tak okkar og atvinnulíf á að dafna
í harðnandi alþjóðlegri samkeppni.
Minni ríkisumsvif eru forsenda auk-
innar verðmætasköpunar og þar
„Leyfum ríkisstjórninni
að fá eðlilegan starfs-
frið og sanna með verk-
um sínum að kjör batni
og að samningar gangi
friðsamlega fram í
haust. Sjáum hvað sum-
arið og haustið ber í
skauti sínu. Hjá mér er
enginn vafi að kjör
munu batna.“
með tryggasta leiðin til að létta
skattbyrði og bæta almenn lífskjör.
Sjálfstæðisflokkurinn leggur
áherslu á að tekjuöflun og útgjöld
haldist nokkurn veginn í hendur
þegar gengið verður til þess verks
að vinda ofan af ríkisumsvifum og
létta skattbyrði." Síðan segir: Leita
þarf leiða til að lækka núverandi
skatthlutfall niður í 35% meðal ann-
ars með fækkun frádráttarliða.
Jafnframt skal stefna að hækkun
skattleysismarka. Leyfum ríkis-
stjórninni að fá eðlilegan starfsfrið
og sanna með verkum sínum að
kjör batni og að samningar gangi
friðsamlega fram í haust. Sjáum
Karl Ormsson
hvað sumarið og haustið ber í skauti
sínu. Hjá mér er enginn vafi að
kjör munu batna. Stjórnin á heimt-
ingu á lágmarks starfsfriði fyrir
fjölmiðlafári, sem alltaf er inni á
gafli hjá manni. Fjölmiðlar hafa
skyldur, ekki síst ríkisfjölmiðlarnir.
Þeim ber skylda til að skýra rétt
og satt frá, en ekki að vera með
getgátur um það sem gæti gerst.
Auðvitað vill fólk fá kjarabætur
eftir eymdarár vinstri stjórnar
Steingríms Hermannssonar en væri
ekki sanngjarnt að lofa ríkisstjórn-
inni að koma sér fyrir og líta á þá
pappíra, sem vinstri stjórnin lét eft-
ir sig? Er það ekki sanngjarnt? Það
eru hópar fólks sem þurfa kjarabæt-
ur í einhveiju formi strax og það
undanbragðalaust, enda er verið að
leita allra ráða til þess en allt hefur
sinn tíma. En því verður vart trúað
að óreyndu að verkalýðsforystan
fari með offari af stað með ósann-
gjarnari kröfugerð en hún gerði til
vinstri stjórnarinnar þann tíma, sem
hún sat þótt það sé vel skiljanlegt
að meira sé vænst af stjórn Davíðs
Odssonar. En óneitanlega hefur
breyst talsmátinn hjá Ásmundi
Stefánssyni og Ögmundi Jónassyni,
en ég vil vekja athugli þeirra á því
að þjóðin man hvernig þeir þögðu
sem dauðar mýs, þegar flokksbræð-
ur þeirra voru við stjórnvölinn eftir
svokallaða þjóðarsáttarsamninga.
Það sjá allir hræsni þeirra, einnig
þeir er þurfa bráðnauðsynlegar
kjarabætur strax. Ég hefi stundum
orðað það þannig að þessu fólki
hafi verið haldið sem næst hungur-
mörkum þó misjafnt sé það eftir
landshlutum, og þetta skeður hjá
stjórninni sem kenndi sig við félags-
hyggju. Þvílík hræsni. En það eru
til fleiri aðferðir til að bæta kjör
en hinar illræmdu prósentuhækkan-
ir, sem núna er krafist af verkalýðs-
forkólfunum, prósentur sem skilja
alltaf eftir þá launþega, er mest
þurfa þeirra með.
Höfundur er raftækja vörður á
Borgarspítalanum.
MALAOII IBUÐINA MEU ÞESSUM LIT!
Sýndu lit og þú fœrð hann í múlningardós.
Sért þú með á hreinu hvaða litur fellur þér vel í geð
er það orðið minnsta mál í heimi að útvega slíka
málningu, sterka og endingargóða. - HYGÆA
málningarkerfið frá Danmörku sér til þess. Þú
kemur einfaldlega til okkar með einvem handhæg-
an hlut sem ber litinn góða: Bók, umbúðir, skyrtu,
ljósmynd, varalit - hvað sem er - og næmt litgrein-
ingarauga málningarkerfisins greinir samsetning-
una. Eftir augnablik er málningin þín tilbúin!
Og HYGÆA málningarkerfið sér við þeim allra
kröfuhörðustu -það eml2.7 milljónir litbrigða í
boði!
Oskir þú þess gerir tækið tillögu að litum sem falla
við þann upphaflega. Þetta fullkomna málningar-
kerfi varðveitir síðan litauppskrift þína svo þú getur
gengið að henni vísri á morgun eða
eftir 10 ár - hvenær sem er!
Einfalt, ótrúlegt og satt.
(&tÍirinn
- Rétti liturinn!
Síðumúla15, sími 33070
HVÍTA HÚSID / SlA