Morgunblaðið - 05.06.1991, Blaðsíða 46
46
MORGUNBLAÐIÐ IÞROTTIR MIÐVIKUDAGUR 5. JÚNÍ 1991
KNATTSPYRNA / EVROPUKEPPNI LANDSLIÐA
Reynum okkar besta
en engar væntingar
- segirBoJohansson, landsliðsþjálfari íslands, um
Evrópuleikinn gegn Tékkum á Laugardalsvelli í kvöld
ÍSLENDINAAR og Tékkar mæt-
ast í undankeppni Evrópumóts-
ins í knattspyrnu á Laugardals-
velli klukkan 20 í kvöld. Tékk-
ar, sem léku í átta liða úrslitum
HM á Ítalíu ífyrra, unnu fyrri
leikinn 1:0 í Kosic sl. haust.
íslendingar leggja allt í sölurn-
ar, en Bo Johansson, landsliðs-
þjálfari, segir að róðurinn verði
erfiður. „Það viija allir sigur,
en knattspyrnumenn geta aldr-
ei búist við neinu fyrirfram. Við
göngum ekki út frá neinu sem
vísu, en reynum okkar besta.“
Bo sagði að svo virtist, sem
Frakkar væru með besta liðið
í riðlinum, en Tékkar hefðu ekki
enn gefið upp alla von og því kæmi
ekkert nema sigur til greina hjá
þeim.
„Þeir verða undir meira álagi
fyrir vikið og okkar er að reyna að
nýta okkur möguleikana, en við
hugsum fyrst og fremst um hag
okkar, en ekki möguleika annarra.
Til að ná hagstæðum úrslitum verða
strákarnir að hafa trú á sjálfa sig.
í fyrra gerðist það oft að þeir byij-
uðu ekki að spila fyrr en þeir voru
marki undir, en það er ekki eftir
neinu að bíða. Þeir eiga ekki að
hafa neitt að óttast og sem fyrr
verðum við að vinna boltann, halda
honum og reyna að spila á næsta
mann.“
Atli á Skuhravy
Ef ekkert óvænt kemur uppá
verður byrjunarliðið eins og Morg-
unblaðið greindi frá í gær. Atli
Eðvaldsson, fyrirliði, fær það hlut-
verk að gæta hættulegasta sóknar-
manns Tékka, Tomas Skuhravy,
sem leikur með ítalska liðinu Genoa.
Skuhravy var í strangri gæslu- Atla
í fyrri leiknum og sagði Bo að Atli
ætti að hafa góðar gætur á honum
inni í teig, en ekki elta hann út um
allan völl.
„Við leikum ekki maður á mann
og það er ekki síður mikilvægt að
stöðva sendingar ætlaðar
Skuhravy. Því skiptir miklu máli
að allir verði vel með á nótunum
og gefi mótheijunum ekki frið.“
Bo sagði að fjögurra manna vörnin
hefði gefist vel í undanförnum leikj-
um, einkum gegn B-liði Englands
og Wales, en hún þyrfti að vera
samstíga til að dæmið gengi upp.
Heimavöllurinn mikilvægur
Landsliðsþjálfarinn sagði að und-
irbúningurinn hefði verið góður.
Aukaspyrnur hefðu sérstaklega
verið æfðar, bæði í vörn og sókn.
„Við höfum reynt að skipuleggja
þessa hluti, en vandamálið hefur
fyrst og fremst verið í vörninni —
við höfum fengið mark á okkur
eftir aukaspyrnur gegn Tékkum,
Frökkum og Spánveijum.
Við reynum að spila eins vel og
við getum og það er mikilvægt að
nýta heimavöllinn eins vel og hægt
er.“
Morgunblaðið/KGA
Þeir koma aftur inn í liðið. Atli Eðvaldsson tekur á ný við fyrirliðastöðunni
og setur jafnframt landsleikjamet. Hann var í leikbanni í síðasta leik, en Ar-
nór Guðjohnsen var meiddur.
Tékkar með eitt sterk
asta landslið í heimi
- segirAtli Eðvaldsson, fyrirliði landsliðsins
ÍÞR&mR
FOLK
■ BJARNI Sigurðsson, mark-
vörður, hefur náð sér af ökkla-
meiðslunum og segir að ekkert eigi
að há sér í leiknum gegn Tékkum.
■ GUNNAR Gíslason segir að
hægri bakvarðarstaðan eigi betur
við sig en sú vinstri. Hann á von á
hörkuleik. „Fyrstu 20 mínúturnar
ver’ða sérstaklega erfiðar og þá er
mikilvægt að láta þá strax finna
fyrir sér.“
■ SÆVAR Jónsson er á sama
máli og Gunnar og segist finna sig
mun betur vinstra megin.
■ GUÐNI Bergsson segir að
menn verði að vera bjartsýnir, þó
við ramman reip verði að draga.
„Dagsskipunin er að beijast fyrir
tveimur stigum, vera ákveðnir og
spila af skynsemi."
■ EYJÓLFUR Sverrisson leikur
þriðja landsleik sinn og þann fyrsta
á íslandi. „Þetta leggst vel í mig
og ég veit að hveiju ég geng. Ég
þekki Kocian fyrirliða frá leikjum
St. Pauli í Þýskalandi og það er
maður, sem gefur ekkert eftir.“
■ ATLI Eðvaldsson segist eiga
von á mikilli baráttu við Skuhravi.
„Hann er 10 kílóum þyngri en ég
og nokkrum sentimetrum hærri,
þannig að ég má hafa mig allan
við — þetta verður eins og að hlaupa
-á vegg.“ .
■ ARNÓR Guðjohnsen eða Sig-
urður Grétarsson eru vítaskyttur
liðsins.
■ RÚNAR Kristinsson, Arnór
eða Sigurður sjá um að taka auka-
spyrnur nálægt vítateig. Sævar
Jónsson tekur þær, sem verða
lengra frá marki mótheijanna.
■ JAN Kocian verður fyrirliði
Tékka í dag. Hann leikur með St.
Pauli í Þýskalandi.
■ VACLAV Danek, sem leikið
hefur með austurríska liðinu FC
Tirol, er næst markahæsti leikmað-
ur Evrópu. Hann gerði 28 mörk
fyrir Tirol. Frönsk lið hafa verið á
eftir honum og hefur La Harve
verið þar fremst í flokki.
■ LUBOS Kuhik, sem lék með
Fiorentina á Itaiiu síðasta keppn-
istímabil, er á förum frá liðinu.
Líklegt er talið að hann leiki á
Spáni næsta tímabil.
Morgunblaðið/KGA
Olafur Þórdarson á æfingu í gær.
Gefum
ekkert
eftir
- segirÓlafurÞórðarson
ÓLAFUR Þórðarson æfði loks
með liðinu í gær eftir að hafa
verið í sjúkrameðferð undan-
farna daga og sagðist geta
spilað. „Eg ertilbúinn. Þeir
gefa okkur engan frið, en við
gef um ekkert eftir.
Olafur sagði að hugsanlega
væri meira álag á liðinu eftir
tapið í Albaníu, „en tapið segir ekki
allt, þvf við áttum alla möguleika á
að sigra. Dæmið gekk bara ekki
upp, en við verðum að læra af mis-
tökunum.“
Guðni Bergsson tók í sama
streng. „Það eru allir sammála um
það að við vorum slakir í Albaníu,
en það hefur verið gert of mikið
úr áfallinu. Lið hafa átt í erfiðleik-
um í Albaníu, en það þýðir ekki að
fást við orðinn hlut. Við erum á
réttri leið, spilið er mun meira en
fyrir nokkrum árum og það er ekki
þessi nauðvörn eins og áður, en
gamla herslumuninn vantar."
ATLI Eðvaldsson var í banni
gegn Albaníu, en kemur nú inn
á ný og leikur 68. landsleikinn,
sem er íslenskt met. „Það get-
ur enginn verið að hugsa um
met, þegar leikið er gegn einu
sterkasta landsliði, sem hingað
hefur komið, gegn besta liði
Tékka, sem þeir hafa átt. Þeir
eru með eitt sterkasta landslið
í heimi og koma hingað til að
sigra, en það sem skiptir nú
máli er að reyna að stöðva sig-
urgöngu þeirra."
Atli sagði að menn mættu ekki
eyða kröftum í það, sem búið
væri, heldur einbeita sér að næsta
verkefni. „Okkur gekk illa í AI-
baníu, en sá leikur er búinn og nú
eru það Tékkar. Hver einasti leikur
ARNÓR Guðjohnsen segir að
aðalatriðið verði að íslenska
liðið komist strax inn í leikinn.
„Tékkarnir koma til með að
sækja stíft á miklum hraða frá
byrjun og við verðum að vera
óragir að stöðva þá og byggja
síðan upp sjálfir. Það er kom-
inn tími til að við töku frum-
kvæðið og berjumst af ákveðni
og hörku frá fyrstu mínútu."
Arnór meiddist í leik með Borde-
aux tveimur dögum fyrir AI-
baníuleikinn og var því ekki með.
„Læknir liðsins sagði mér að hvíla
í fimm daga og taldi að ef ég léki
ætti ég á hættu að versna og gæti
þess vegna verið frá í sex vikur.
skiptir máli og því er mikilvægt að
fara með réttu hugarfari í hvern
leik. Menn geta sagt að við eigum
ekki möguleika í riðlinum og því
hafi þessi leikur ekkert að segja,
en ef ég færi í leik með svona hugar-
fari væri ég löngu hættur. Það
skiptir máli fyrir okkur að ná hag-
stæðum úrslitum og það skiptir alla
þjóðina máli, því það er fylgst með
leiknum úti um alla Evrópu."
Baráttan aðalsmerkið
Fyrirliðinn sagði að að gestirnir
væru stjörnur, en íslendingar í hlut-
verki litla mannsins. „En við höfum
sýnt að við getum spilað góða knatt-
spyrnu. Frumskilyrðið er að allir
gefi allt í leikinn, sem þeir eiga og
þá kemur annað að sjálfu sér. Það
er ekki sjálfgefið hjá neinu liði að
hlutirnir gangi upp, allra síst hjá
Það var of mikil áhætta með
Tékkaleikinn í huga, en nú er ég
góður.“
Arnór byijar í fremstu víglínu
með Eyjólfí Sverrissyni, en færir
sig síðan sennilega aðeins aftar, ef
þörf krefur. „Ég hef talið mig vera
miðjumann síðustu árin, en undan-
farið hef ég verið einn frammi hjá
Bordeaux og það hefur komið vel
út. En það er allt annar fótbolti en
við spilum, því hér er það baráttan
sem gildir. Við verðum að láta þá
vita af okkur, láta þá vita að við
viljum sigra. Ef það tekst, eykst
sjálfstraustið og eftirleikurinn verð-
ur auðveldari. Við verðum að vinna
boltann og vera óhræddir við að
spila án æsings."
okkur, en við höfum alla burði til
að vera á fullri ferð allan tímann
og ef við gerum það verðum við
erfíðir. Baráttan er okkar aðals-
merki og henni megum við ekki
gleyma.“
Loka svæðum
Atli sagði að Skuhravy væri ekk-
ert lamb að leika sér við, en Tékk-
arnir væru allir öflugir og því yrði
liðið að vera vel á varðbergi. „Við
verðum að vinna saman sem einn
maður og sérstaklega er mikilvægt
að ná upp góðri baráttu á miðj-
unni, því ef það tekst þá erum við
með léttleikandi menn, sem geta
gert góða hluti. En umfram allt
verðum við að loka svæðum og
koma í veg fyrir að Tékkarnir nái
að spila að vild.“
Studnings-
mannaklúbbur
KSÍ kemur
saman
tuðningsmannaklúbbur
KSÍ - Klúbbur 120, kemur
saman í ráðstefnusal ÍSÍ fyrir
landsleikinn í kvöld, kl. 18.
Ýmislegt verður á dagskrá, en
í byijun verða valdir kaflar úr
leik Albaníu og Íslands sýndir.
Bo Johansson, landsliðsþjálfari,
getur klúbbfélögum línuna fyrir
leikinn og Ivan Sochor, aðstoð-
arþjálfari KR, fjallar um tékk-
neska liðið. Þá verða umræður
um landsleikinn, liðið og fl. Þátt-
takendur verða Guðmundur Þor-
björnsson, fyrrum landsliðsmað-
ur, Magnús Jónatansson, þjálf-
ari og Sigmundur Ó. Steinars-
son, íþróttafréttamaður.
Eftir leikinn koma klúbb-
félagar saman á sama stað.
Þangað koma einnig forráða-
menn KSÍ, landsliðsmenn og
þjálfari. Rætt verður um leikinn.
: 1
Tími er kominn til
að hafa frum-
kvæðið frá byrjun
- segirArnórGuðjohnsen