Morgunblaðið - 17.07.1994, Blaðsíða 44
Landsbanki
íslands
Banki allra landsmanna
MORGUNBLAÐIÐ, KRINGLAN 1 103 REYKJAVÍK
SÍMI 691100, SÍMBRÉF 691181, PÓSTHÓLF 3040 / AKUREYRI: HAFNARSTRÆTI 85
SUNNUDAGUR 17. JÚLÍ 1994
VERÐ í LAUSASÖLU 125 KR. MEÐ VSK
Barentshaf-Island
Siglt með
Rússafisk
reglulega
Rússum finnst olían
of dýr á íslandi
HAFNAR eru reglulegar sigling-
ar hingað til lands með sjófrystan
fisk sem keyptur er af rússnesk-
um togurum á miðunum norður
í Barentshafi.
Fiskafurðir hf. hafa tekið á
leigu rússneskt flutningaskip,
/.—^Alexandritovyy, í þessum tilgangi
og er það nú á leið til landsins í
sinni þriðju ferð með yfir 300 tonn
af fiski. Hver ferð skipsins tekur
15 daga fram og til baka. Með
þessu vinnst að rússnesku veiði-
skipin sleppa við langa siglingu
og geta keypt ódýrari olíu í Nor-
egi eða heimahöfn en fæst hér.
Olían dýrari
hérlendis
Að sögn Jóns Sigurðarsonar,
^■Cramkvæmdastjóra Fiskafurða hf.,
r* hefur olíutonnið verið 60 til 70
dollurum (um 4.000 til 4.800 kr.)
dýrara hér á landi en í nágranna-
löndunum. Sá kostnaður hefur
lagst beint á hráefnisverðið til ís-
lenskrar fiskvinnslu. Þessar sigl-
ingar skapa einnig meiri festu í
fiskviðskiptin og tryggja jafnt
framboð hér á landi af Rússa-
þorski, að sögn Jóns.
■ Umsvif utan kvóta/18
Morgunblaðið/Kristinn.
Nýstárlegir
vegvísar
Kópavogskaupstaður hefur
látið gera og setja upp víðs
vegar um bæinn vegvisa,
sem vísa eiga ókunnugum
leið á helztu staði í bænum.
Einn vísar á kirkjuna og
hangir þá mynd af henni í
keðju neðan í ör, sem bendir
á leiðina til hennar. Annar
vísar á sundlaugina í bænum
og þar hangir I ör táknræn
mynd, sem vísar mönnum á
að þar sé sundstaður.
Risahvönn
VIÐ húsið Víðihlíð 4 í Reykjavík er þessi risahvönn hjónanna
Aðalheiðar Jónsdóttur og Gunnars Finnbogasonar fyrrum skóla-
stjóra Vörðuskóla. Aðalheiður er sú með grænu fingurna og á
heiðurinn af þessari gróskumiklu plöntu. Hún plantaði hvönn-
inni fyrir nokkrum árum og hefur síðan hlúð að henni með því
að bera á hana áburð. Eflaust hefur góðviðrið einnig haft sitt
að segja í sumar. Hvönnin er um 2 metrar á hæð.
4,5 milljarðar
í vaxtabætur o g
barnabótaauka
RÍKISSJÓÐUR mun um næstu mánaðamót greiða út um 4,5 millj-
arða í barnabótaauka og vaxtabætur. Ennfremur verður endurgreidd-
ur ofgreiddur staðgreiðsluskattur og innheimtur vangreiddur stað-
greiðsluskattur. Ekki eru enn komnar tölur yfir hversu mikið það er
en í fyrra var upphæðin í kringum tvo milljarða króna að sögn Indr-
iða H. Þorlákssonar skrifstofustjóra í fjármálaráðuneytinu.
Útgreiddur barnabótaauki verð-
ur 1.884 milljónir í ár miðað við
1.817 milljónir í fýrra. Vaxtabæt-
ur verða 2.755 milljónir á móti
2.493 milljónum í fyrra.
Sérstakur tekjuskattur, öðru
nafni hátekjuskattur, var inn-
heimtur fyrirfram í fyrra. Nú er
búið að leggja hann á og reyndist
hann vera 437 milljónir en alls
voru innheimtar um 435 milljónir
í fyrra.
Húsnæðisbætur horfnar
„í fyrra var síðasta árið í hús-
næðisbótakerfinu en þá voru hús-
næðisbæturnar 549 milljónir. Þær
voru hluti af kerfi, sem var tekið
upp fyrst á staðgreiðslutímabilinu
og gekk í nokkur ár áður en vaxta-
bæturnar voru teknar npp. Síðan
var það fryst þannig að menn áttu
rétt á húsnæðisbótum í sex ár frá
því þeir byijuðu að taka þær,“
sagði Indriði í samtali við Morgun-
blaðið. Samanlagt voru vaxtabæt-
ur og húsnæðisbætur á síðastliðnu
ári um 3042 milljónir króna, sem
er um 287 milljónum meira en
vaxtabæturnar í ár.
Vinnuslys hjá SR-mjöli á Siglufirði
Starfsmaður í
lífshættu vegna
gaseitrunar
Maðurinn á gjörgæzludeild á Akureyri
Siglufirði. Morgunblaðið.
STARFSMAÐUR SR-mjöls hf. er í lífshættu eftir slys sem varð
í fyrrakvöld, er hann var að störfum í hráefnisþró verksmiðjunn-
ar, þar sem geymd er loðna til bræðslu. Myndast hafði eitrað loft
í þrónni, svo að maðurinn hné niður meðvitundarlaus. Liggur
hann nú á gjörgæzludeild Fjórðungssjúkrahússins á Akureyri, þar
sem hann er meðvitundarlaus og í öndunarvél.
Maðurinn hné niður og var orðinn
blár þegar að var komið. Tveir
starfsfélagar hans, brugðust við og
fór annar þeirra niður í þróna og
tókst honum að draga hinn meðvit-
undarlausa að stiganum, sem er um
10 metra hár. Síðan gátu þeir bund-
•^ið um hann og dregið upp. Björgun-
armaðurinn, sem fór niður í þróna
varð veikur, seldi upp og fann fyrir
annarri vanlíðan, en varð þó eigi
meint af og hóf störf aftur í gær-
morgun, þrátt fyrir slappleika.
Þóður Jónsson framkvæmda-
stjóri SR-mjöls sagði, að skemmt
hráefni hefði verið í þrónni og því
hefði myndast eitrað gas í henni,
köfnunarefnispör, sem eru svo til
lyktarlaus og því erfitt að varast
þau.
Um er að ræða þekkt fyrir-
brigði, þegar lofthiti er mikill og
mikil áta í loðnunni. Þá kemur upp
ákveðin gerjun, sem veldur því að
eitraðar lofttegundir myndast.
Þórður Jónsson sagði, að langt
væri síðan slíkt hefði gerzt á Siglu-
fírði og því uggðu menn ekki að sér
í þetta skiptið. Hann sagði, að grím-
ur hefðu ekkert að segja í slíkum
tilfellum, heldur væri reykköfunar-
búnaður hið eina sem dygði við slík-
ar aðstæður, sem mynduðust í
þrónni á föstudagskvöld.
Morgunblaðið/Sigurgeir
Mikil síld við Vestmannaeyjar
BYR VE kom inn til Vest-
mannaeyja síðari hluta vikunn-
ar með 200 tonn af síld. Sveinn
Valgeirsson skipstjóri á Byr
segir að veiðin hafi gengið
fremur rólega í vikunni en mik-
ið sé samt af síld í sjónum við
Vestmannaeyjar. Hún sé af
stærstu gerð og ber myndin það
með sér.
Um er að ræða sumargotsíld
og verður hún fryst og seld til
Japans. Sveinn á von á því að
fá frekar lágt verð fyrir síldina
og segir að það sé fremur erf-
itt að standa einn í því að veiða
sildina við Eyjar. Hann bætir
við að honum finnist ekki hafa
verið gert nóg til að ýta undir
að menn gerðu tilraunir með
að veiða síldina, því að margir
hefðu áhuga.