Morgunblaðið - 02.06.1999, Síða 2

2 MIÐVIKUDAGUR 2. JÚNÍ 1999
MORGUNBLAÐIÐ
FRÉTTIR
350 milljóna tilboð barst í Mjólkursamlag Kaupfélags Þingeyinga
Kemur til greina að KÞ
óski gjaldþrotaskipta
KAUPÞING hf. hefur fyrir hönd viðskiptavinar
gert 350 milljóna króna tilboð í Mjólkursamlag
Kaupfélags Þingeyinga. Helgi Sigurðsson hjá
fyrirtækjaþjónustu Kaupþings vildi í samtali við
Morgunblaðið ekki gefa upp hver tilboðsgjafinn
væri. Þegar hefur verið samið við KEA um kaup
á mjólkursamlaginu og var kaupverðið 237 millj-
ónir, en Gísli Baldur Garðarsson lögmaður KÞ
sagði að ef tilboðið frá Kaupþingi reyndist mark-
tækt kæmi til álita að semja við KEA um að falla
frá kauptilboðinu.
Hann sagði að einnig gæti komið til þess að
KÞ færi fram á gjaldþrotaskipti til að knýja
fram riftun gerðs samnings við KEA, en hann
tók það sérstaklega fram að of snemmt væri að
velta því fyrir sér hvaða leið yrði farin, því fyrst
yrði að ganga úr skugga um að nýtt tilboð stæð-
ist, því eins og það væri sett fram væri það ekki
marktækt.
„Óneitanlega hátt tilboð“
Tilboðið er sett fram með þeim fyrirvara að
Kaupþing geri ítarlega skoðun á stöðu félagsins
og að niðurstaða þeirrar skoðunar hafí ekki í för
með sér breytingar á forsendum tilboðsgjafa. I
kauptilboðinu er ekkert getið um hverjar for-
sendur tilboðsgjafa séu.
„Þetta er óneitanlega hátt tilboð, það er 113
milljón krónum hærra en það verð sem samið
var um við KEA á sínum tíma,“ sagði Gísli Bald-
ur. „En það eru þessir fyrirvarar sem eru í til-
boðinu sem gera það að verkum að það er ekki
marktækt fyrr en farið hefur fram einhvers kon-
ar skoðun á samlaginu og jafnframt að sú skoð-
un leiði ekki ljós að það séu einhverjir þeir ann-
markar á, sem breyta forsendum þessa huldu-
manns, sem ekki vill láta nafns síns getið. Hverj-
ar þær forsendur eru hef ég ekki hugmynd um
en ég vænti þess auðvitað að þær séu bara
venjulegar viðskiptalegar forsendur.“
„Eg hef óskað eftir svörum við því hvað eigi að
felast í þessari skoðun á mjólkursamlaginu og ég
vænti svara við því mjög fljótlega. Eg hef líka
óskað eftir því að það verði upplýst hver raun-
verulegur tilboðsgjafi er, enda verður það að
teljast eðlilegt að sá aðili komi fram, þar sem við
erum ekki einungis að ræða peningafjárhæð,
heldur einnig framtíðarviðskipti við bændur.“
Kröfuhafar gefí 25% eftir
Gísli sagði að verið væri að vinna í bókhaldi
Kaupfélagsins og að í bókhaldslegum skilningi
væri það væntanlega ekki gjaldþrota. Hann sagði
að félagið hefði komist í greiðsluþrot og að miðað
við endurmat á eignum þess væri talið ólíklegt að
við sölu á þeim tækist að ná endum saman.
„Það er líklegt að almennir kröfuhafar verði að
gefa eitthvað eftir af kröfum sínum, jafnvel um
25%, en þá verða áfram í eigu félagsins einhveijar
eignir, sem litlir möguleikar eru á að selja. Ef
hinsvegar tækist að selja þessar eignir einnig, þá
greiðir félagið hugsanlega upp allar sínar skuldir."
Almennur fundur með lánardrottnum, þar
sem þeir geta tjáð sig um málefni félagsins,
verður haldinn á Húsavík þriðjudaginn 8. júní
klukkan 13.
Laun hækkuðu að meðaltali um 6,5% frá árslokum 1997 til 1998
Mikill launamunur eftir
kynferði og búsetu
LAUN STARFSSTÉTTA á 4. ársfjórðungi 1998 (meðaltal)
Starfsstétt
Almennt verkafólk 1.582 545 256 101.908 166 106.019 co ° 96.396
Véla- og vélagæslufólk 526 683 287 121.425 261 124.965 26 95.720
Sérhæft verkafólk 1.257 615 258 124.940 157 139.736 101 93.539
Iðnaðarmenn 931 876 229 193.152 227 193.664
Þjónustu-, sölu- og afgreiðslufólk 1.337 540 907 117.993 426 142.241 481 95.531
Skrifstofufólk 382 623 1.643 110.106 292 127.665 1.351 106.279
Tæknar og sérmenntað starfsfólk 155 795 565 180.707 259 205.796 306 150.593
Sérfræðingar - - 276 277.112 215 293.600 61 228.994
Heimild: Launakönnun Kjararannsóknarnefndar
Tímakaup
í dagvinnu
Kr.á
tímann
Fjöldi í
könnun
Föst mánaðarl.
í dagvinnu
Fjöldi í Kr. í
könnun mánaðarl.
KARLAR
Föst mánaðarl.
í dagvinnu
Fjöldi í Kr. í
KONUR
Föst mánaðarl.
í dagvinnu
Fjöldi í Kr. í
könnun mánaðarl. könnun mánaðarl.
LAUN landsmanna hækkuðu að
meðaltali um 6,5% frá fjórða árs-
fjórðungi 1997 til fjórða ársfjórð-
ungs 1998, samkvæmt niðurstöðum
launakönnunar Kjararannsókna-
nefndar. Á tímabilinu hækkuðu
laun samkvæmt almennum kjara-
samningum um 4%. Um 47-65 þús-
und krónum munar á mánaðar-
launum kvenna og karla í þjónustu-
og sölustörfum, sérmenntaða störf-
um og störfum sérfræðinga. Þó
hækkuðu laun kvenna eilítið meira
en karla frá lokum ársins 1997 til
loka 1998.
Þegar rætt er um 6,5% meðal-
talshækkun launa frá fjórða árs-
fjórðungi 1997 til fjórða ársfjórð-
ungs 1998 er miðað við hóp sem
Kjararannsóknanefnd nefnir parað
úrtak; þá einstaklinga sem voru í
úrtaki beggja áranna. Mældar eru
breytingar innan efri og neðri
fjórðungsmarka, þ.e. breytingar
sem ná til helming fólks í hinu
paraða úrtaki.
Á þessum mælikvarða hækkuðu
laun karla að meðaltali um 6,3% en
laun kvenna um 6,9%. Laun á höf-
uðborgarsvæðinu hækkuðu um
6,7% en laun á landsbyggðinni um
6,3%.
Kynjamunur í launum er veru-
legur í ákveðnum stéttum. Meðal-
tal fastra mánaðarlauna í dagvinnu
hjá körlum í þjónustu-, sölu-, og af-
greiðslustörfum er 142.241 en með-
allaun kvenna í þessum störfum
eru 95.531 króna.
Meðaldagvinnulaun karla í störf-
um tækna og sérmenntaðs starfs-
fólks eru 205.796 krónur en meðal-
laun kvenna í þessum hópi eru
150.593 krónur.
Launamunur landsbyggðar
og dreifbýlis
Að meðaltali hafa karlkyns sér-
fræðingai’ 293.600 krónur í fóst mán-
aðarlaun fyrir dagvinnu en kvenkyns
sérfræðingai’ fá að meðaltali 228.994
krónur fyrir dagvinnuna.
Launamunur milli landsbyggðar
og höfuðborgarsvæðis er líka um-
talsverður í sumum greinum.
Mestur virðist munurinn í
þjónustu-, sölu- og afgreiðslu-
störfum, þar sem karlar fá að
meðaltali 150.561 krónu í föst
mánaðarlaun fyrir dagvinnu á
höfuðborgarsvæðinu en á lands-
byggðinni er þetta meðaltal
110.609 krónur
I sömu stétt eru meðallaun
kvenna á höfuðborgarsvæðinu
103.663 en á landsbyggðinni fá
konur í sama hópi að meðaltali
88.049 krónur í meðallaun.
Aðeins í einum hópi er launa-
munurinn landsbyggðinni í hag.
Karlar í störfum sérhæfðs verka-
fólks hafa að meðaltali 139.946
krónur í dagvinnulaun á lands-
byggðinni en meðaltal þessa hóps
er 311 kr. lægra á höfuðborgar-
svæðinu, 139.635 krónur.
Minnstur munur er annars á
skrifstofukörlum, sem hafa 126.782
kr. að meðaltali á landsbyggðinni
en 128.191 kr. að meðaltali á mán-
uði fyrir dagvinnu á höfuðborgar-
svæðinu.
Morgunblaðið/Jim Smart
Reikningarnir 30 sem Alfreð
Kristjánsson fékk.
Fékk 30 ein-
tök af sama
reikningi
ALFREÐ Þór Kristjánsson varð
undrandi í gærmorgun þegar
hann fékk óvænta póstsendingu
heim til sín. í stað þess að fá sinn
mánaðarlega reikning frá Glitni
hf. vegna bílaláns sem hann
greiðir af bárust Alfreð 30 ná-
kvæmlega eins reikningar vegna
bílalánsins. „Mér brá. Eg hélt
fyrst að ég ætti að greiða upp
allt lánið í einu lagi,“ sagði Al-
freð.
Halldóra Traustadóttir, mark-
aðsstjóri hjá Glitni, segir að mál
Alfreðs sé ekki einsdæmi. „Það
var gerð reikningaútskrift fyrir
mánaðamótin og eitthvað virðist
hafa farið úrskeiðis með reikn-
inga með gjalddaga 1. júní. Við
höfum heyrt af því að einn við-
skiptavinur hafi fengið 40 reikn-
inga senda til sín. Annar hringdi
til okkar fremur óhress með send-
inguna og kvaðst hreinlega hafa
þurft að taka sprengitöflu eftir að
hún barst,“ sagði Halldóra.
Reikningarnir fara í gegnum
Reiknistofu bankanna þar sem
þeir eru prentaðir og sendir út..
Villa í forriti olli því að of margir
reikningar voru sendir út. Hall-
dóra segir að allt upp undir 1.000
manns hafi fengið send of mörg
eintök af sama reikningnum. Mis-
jafnt var þó hve marga reikninga
hver fékk. Margir höfðu sam-
band við Glitni og segir Halldóra
að viðbrögðin hafi verið misjöfn.
„Við viljum gjarnan koma því á
framfæri við okkar viðskiptavini
að við hörmum það að þeir hafi
orðið fyrir óþægindum af þessum
völdum. Við höfúm gengið úr
skugga um að reikningarnir
skuldfærast aðeins einu sinni og
því er óhætt að henda öllum auka-
reikningum,“ sagði Halldóra.
---------------
Hægir á sölu-
aukningu
HELDUR hefur hægt á aukningu
sölu á nýjum fólksbílum. I maímán-
uði seldust 1.450 bflar en í sama
mánuði í fyrra voru þeir 1.448.
Þetta er mun hægari aukning en
var fyrstu fjóra mánuði ársins. Þá
varð aukningin mest 75%, í mars-
mánuði. Fyrstu fimm mánuði ársins
hafa verið fluttir inn 6.664 bflar en
fyrstu fimm mánuði síðasta árs voni
fluttir inn 5.224 bílar. Er þetta
27,5% aukning.

a yíMS/a
► I VERINU í dag er meðal annars fjallað um markaði fyr-
ir úthafskarfa og um veiðiréttindi íslendinga á Reykjanes-
hrygg. Þá er einnig fjallað um kostnað íslendinga af rekstri
fiskveiðistjórnunarkerfisins og um sjávarútvcg á Nýfundna-
iandi. Ennfremur eru í blaðinu hefðbundnar upplýsingar um
markaði og nýjasta aflamarksstaðan.
Nýliðar Breiðabliks lögðu
meistara ÍBV í Kópavogi / B3
Ævintýraleg stemmning í fjóra
sólarhringa í Barceiona / B4
4 'fðOWR
I