Morgunblaðið - 02.06.1999, Side 14
14 MIÐVIKUDAGUR 2. JÚNÍ 1999
AKUREYRI
MORGUNBLAÐIÐ
Lausn komin á deilunni milli tónlistarskólakennara og Akureyrar?
Kennarar fá 66 þúsund kr.
og 4,8 milljónir í skólann
BÆJARSTJÓRN Akureyrar sam-
þykkti á fundi sínum í gær tillögu
sem vinnunefnd bæjarráðs og við-
ræðuhópur kennara við Tónlistar-
skólann á Akureyri gerðu í gær til
lausnar ágreinings sem uppi hefur
verið milli kennara skólans og
Akureyrarbæj ar.
Kristján Þór Júlíusson bæjar-
stjóri kynnti tillöguna á fundinum,
en í henni felst að þeir kennarar
Tónlistarskólans á Akureyri sem
hafa gildan ráðningarsamning við
Akureyrarbæ 1. ágúst næstkom-
andi og voru starfsmenn hans á
síðasta skólaári fái 66 þúsund
króna eingreiðslu vegna síðasta
skólaárs Þessi fjárhæð kemur sem
greiðsla fyrir unnin störf á liðnu
skólaári, sem menn voru sammála
um að gildandi kjarasamningur
mældi ekki með fullnægjandi
hætti. Þeir kennarar sem voru við
störf við skólann 1. maí síðastlið-
inn fá einnig þessa eingreiðslu, en
hún er miðuð við fullt starf og
greiðist hlutfallslega til þeiira sem
eru í lægra starfshlutfalli.
Þá verða einnig greiddar 4,8
milljónh- króna til skólans næsta
skólaár, en forsendur þess eru að
komið verði á fót skólaþróunar-
nefnd innan skólans. Nefndin hef-
ur það hlutverk að gera fonnlega
tillögu um það með hvaða hætti
þessum fjármunum verður varið
til að mæta þeim breytingum sem
orðið hafa og munu verða á starfi
skólans á næsta skólaári.
Ekki farið inn í gildandi
kjarasamning
Kostnaði sem af þessu hlýst var
vísað til endurskoðunar fjárhagsá-
ætlunar og verður málið tekið upp
í haust, en kostnaðurinn er á bilinu
6-7 milljónir króna. Viðræðunefnd
kennara hafði umboð annarra
kennara skólans til að ganga frá
málinu.
Kristján Þór ítrekaði það álit
sitt að með þessu væri ekki verið
að fara inn í gildandi kjarasamn-
ing tónlistarskólakennaranna,
heldur væri verið að mæta ráðn-
ingarkjörum sem ekki hefðu verið
mæld í samningnum. Nefndi Kri-
stján Þór að ýmis orð hefðu fallið
í hita leiksins, en það hefði aldrei
verið vilji bæjarfulltrúa að skerða
þjónustu þá sem veitt er í skólan-
um eða aðhafast nokkuð það sem
rýrði gildi hans svo sem látið
hefði verið að liggja.
Jakob Björnsson bæjarfulltrúi
Framsóknarflokks fagnaði því að
nú yrði hægt að snúa sér að upp-
byggjandi starfi innan skólans og
þau leiðindi sem fylgdu átökum af
þessu tagi væru um garð gengin.
Gerði Jakob að umtalsefni þá erf-
iðu stöðu sem sveitarfélög væri í,
en hvað eftir annað hefðu ýmsir
hópar fundið ástæðu til að knýja
fram launahækkanir þrátt fyrir
að kjarasamningar væru í gildi.
„Það er afar erfið staða fyrir bæj-
arfélög að þurfa að sæta því að
vera þrýst út í horn nánast áður
en blekið er þornað á kjarasamn-
ingnum,“ sagði Jakob og hvatti til
þess að fundin yrði leið til að
bæta úr þessu við gerð næstu
kjarasamninga.
Eilífðarverkefni
Kristján Þór tók undir skoðun
Jakobs og sagði löngu orðið ljóst
að það samningsumhverfi sem
sveitarfélögin byggju við hefði
gengið sér til húðar. Sú hringekja
sem fór af stað fyrir hálfu öðru
ári þegar grunnskólakennarar
kröfðust leiðréttingar á sínum
launum væri farin af stað aftur.
„Þetta er eilífðarverkefni, en við
verðum að leggja höfuðið í bleyti
og finna leiðir til að komast út úr
þessum farvegi," sagði bæjar-
stjóri.
Kiwanisfélagar á
Oðinssvæði
Dagdeild
geðdeildar
FSA afhent
goð gjof
SJÖ Kiwanisklúbbar á Óðinssvæði
afhentu skjólstæðingum dagdeild-
ar geðdeildar Fjórðungssjúkra-
hússins á Akureyri nýja tölvu,
prentara og skanna að gjöf ný-
lega.
Gjöf þessi mun koma sér vel við
kennslu og til afþreyingar við
deildina. Þetta er í annað sinn
sem svæðið færir dagdeildinni
gjöf en í fyrra skiptið gáfu klúbb-
arnir sjónvarp, myndbandstæki
og hljómflutningstæki í tilefni af
því að deiidin var opnuð.
Viðstaddir afhendinguna voru
skjólstæðingar og starfsfólk
deildarinnar ásamt 10 féiögum úr
fjórum klúbbum svæðisins. Dr.
Björg Bjarnadóttir, forstöðumað-
ur deildarinnar, þakkaði Kiwanis-
félögnm þessa góðu gjöf, en hún
er til vinstri á myndinni ásamt
Torfhildi S. Þorgeirsdóttur, svæð-
isstjóra Óðinssvæðis.
Söngtón-
leikar í
safnaðar-
heimili
GUÐBJÖRG R. Tryggvadóttir
sópransöngkona heldur tón-
Ieika í safnaðarheimili Akur-
eyrarkirkju
annað kvöld,
fimmtudags-
kvöldið 3. júní,
kl. 20.30.
Iwona Jagla
leikur á píanó.
Guðbjörg út-
skrifaðist úr
söngkennara-
deild Söng-
skólans í Reykjavík í vor, en
þar hefur hún stundað nám frá
því haustið 1991. Magnús Jóns-
son og Þuríður Pálsdóttir hafa
verið aðalkennarar hennar
ásamt undirleikurunum Hólm-
fríði Sigurðardóttur og Iwonu
Jagla. Hún hefur einnig sótt
námskeið hjá Ulrich Eisenlohr
og André Orlowitz.
Guðbjörg hefur tekið virkan
þátt í sönglífi með náminu og
komið víða fram sem einsöngv-
ari. Hún hefur verið félagi í
Kór Islensku óperunnar frá
1994 og tekið þátt í ýmsum upp-
færslum m.a. Othello, Kátu
ekkjunni og nú siðast Turandot
sem sett var upp í Laugardals-
höll í vor.
Iwona Jagla er pólsk að upp-
runa en hefur búið hér á landi í
nær áratug. Hún lauk masters-
og einleikaraprófi í píanóleik
frá Tónlistarskólanum í Gdansk
1983 og starfaði við söng- og
kammermúsíkdeild akademí-
unnar auk æfingastjórnunar við
Baltik-óperuna þar til hún flutt-
ist til Islands. Hér á landi hefur
hún starfað við Söngskólann í
Reykjavík og íslensku óperuna.
A tónleikunum munu þær
Guðbjörg og Iwona fljdja ís-
lensk sönglög eftir Árna Thor-
steinsson, Pál ísólfsson og Þór-
arin Guðmundsson. Einnig
verður á dagskránni ljóðaflokk-
ur eftir A. Dvorák, norræn ljóð
eftir Grieg, Heise og Sibelius og
að lokum verða aríur úr La
Boheme og Toscu eftir Puccini
og Júlíuvalsinn úr óperunni
Romeó og Júlíu eftir Gounod.
Vinnmgshafar í
leik hjá Akra
DREGIÐ hefur verið í páskaleik
Akra sem Kaupfélag Eyfirðinga
stóð fyrir í tengslum við kynningu
á nýju heilsuvænu smjörlíki sem
komið er á markað. Þátttakendum
var gert að svara spumingum og
senda inn tvö strikamerki af
páskapakkningu Akra og Nýja
Akra og senda inn svör. Þátttaka
var góð og bárust svör alls staðar
að af landinu.
Anna Rögnvaldsdóttii-, Skarðs-
hlíð 6e, Akureyri, Birna Aðal-
steinsdóttir, Hólabraut 7, Höfn,
Birna Guðmundsdóttir, Baughóli
17, Húsavík, Sesselja Kristinsdótt-
ir, Silfurgötu 4, Stykkishólmi og
Soffía Benjamínsdóttir, Rangá 1,
Egilsstöðum, fengu bökunardúka
frá Tupperware.
Friðbjörg Finnsdóttir, Lerki-
lundi 21, Akureyri, Heiða Björk
Sævarsdóttir, Túngötu 1, Suður-
eyri, Lilja Gunnarsdóttir, Hörpu-
lundi 6, Akureyi'i, Sigríður Einars-
dóttir, Tungusíðu 24, Akureyri og
Sísí Steindórsdóttir, Furuhlíð 1,
Sauðárkróki fengu þeytikönnur
frá Tuppei'ware.
Ásta Þorsteinsdóttir, Moldhaug-
um, Glæsibæjarhreppi, Inga Bára
Gunnlaugsdóttir, Núpasíðu 6h,
Akureyri, Ingunn Bergþórsdóttir,
Reykjamel 2, Mosfellsbæ, Sigríður
Egilsdóttir, Vatnsleysu 1, Bisk-
upstungnahreppi og Svandís Jóns-
dóttir, Miðtúni 29, Isafirði, fengu
Evalet-brauðvélar.
Dólað á Pollinum
ÞAÐ er vinsælt meðal Akureyr-
inga að veiða á Pollinum og eru
notaðar ýmsar aðferðir við veiði-
skapinn. Flestir standa í fjörunni
með veiðistöngina, en svo eru
aðrir sem dóla um pollinn á trillu
sinni með veiðarfærið úti, eins og
sést á myndinni.
Veiðifélag Eyjafjarðarár hefur
bannað stangveiði á Leiruvegi en
þar hefur jafnan fengist töluvert
af bleikju. Nú hefur bæjarráð
Akureyrar samþykkt að beina
þeim eindregnu tilmælum til
sfjómar veiðiféiagsins að heimil-
að verði á ný að unglingar og
eldri borgarar eigi þess kost að
stunda stangveiði á Leimvegi.
Félagssvið
Akureyrarbæjar
Atta um-
sóknir um
stöðu sviðs-
stjóra
ÁTTA umsóknir bárust um stöðu
sviðsstjóra Félagssviðs Akureyrar-
bæjar en umsóknarfrestur rann út
fyi-ir helgina. Bæjarstjóm hefur
ákveðið að sameina sex deildir inn-
an bæjarkerfisins undir stjórn eins
sviðsstjóra í stað tveggja áður og
tók breytingin gildi þann 1. júní sl.
Deildirnar sem sameinaðar voru
eru búsetu- og öldmnardeild, fjöl-
skyldudeild, heislugæsla, íþrótta-
og tómstundadeild, menningar-
deild og skóladeild.
Umsækjendur um stöðu sviðs-
stjóra eru Sturla Kristjánsson,
Benedikt Sigurðarson, Karl Guð-
mundsson, Elín Margrét Hall-
grímsdóttir, Eyþór Þorbergsson,
Eiríkur Björn Björgvinsson og
Valgerður H. Bjarnadóttir, öll frá
Akureyri og Björn Baldursson frá
Höfnum.
Kristján Þór Júlíusson bæjar-
stjóri sagði stefnt að því að ráða í
stöðuna sem fyrst. Sviðsstjórar
bæjarins eru ráðnir til 5 ára í senn,
með möguleika á endurráðningu.