Morgunblaðið - 06.08.1999, Page 8

8 FÖSTUDAGUR 6. ÁGÚST 1999
MORGUNBLAÐIÐ
FRÉTTIR
r Er keikó falsaður ?
MÉR er þá óhætt að skera skepnuna, my friend, ef þetta er bara eftirlíking.
Sigið í Rauðfeldsgjá
SÍMON og Örvar á Ieið niður þrönga og kalda Rauðfeldsgjá.
Freistandi raun
fyrir fjallagarpa
Mál fslendingsins
í Taílandi
Ekki ljóst
hvort Trygg-
ingastofnim
áfrýjar
TRYGGINGASTOFNUN hef-
ur ekki tekið ákvörðun um það
hvort dómi Héraðsdóms
Reykjavíkur í máli íslenska eft-
irlaunaþegans, sem legið hefur
veikur í Taílandi síðan í maí,
verði áfrýjað. Vegna form-
galla ógilti héraðsdómur í síð-
ustu viku úrskurð tryggingaráðs
um synjun sjúkratryggingar til
mannsins. í dómi héraðsdóms
segir ennfremur að maðurinn
skuli njóta sjúkratryggingar þar
til lögmæt ákvörðun um annað
hafi verið tekin. Þá skal Trygg-
ingastofnun greiða málskostnað.
FJÓRIR ungir menn í björgunar-
sveit Fiskakletts í Hafnarfirði,
þeir Símon Halidórsson, Örvar
Þorgeirsson og bræðumir Eiríkur
og Grettir Yngvarssynir, sigu ný-
lega niður í Rauðfeldsgjá á Snæ-
fellsnesi, innst f gjána. Hugsan-
Iega er þetta í fyrsta sinn sem
þarna er sigið en kapparnir segj-
ast engin merki hafa séð um fyr-
irrennara á þessum tiltekna stað.
Rauðfelds- eða Rauðfeldargjá
er nyög djúp og dimm gjá austan
til í Botnsfjalli sem stendur norð-
austan við Stapafell á Snæfells-
nesi. Heitir hún eftir Rauðfeldi
Þorkelssyni frá Arnarstapa eftir
að föðurbróðir hans, sjálfur
Bárður Snæfcllsás, kastaði hon-
um ofan f hana barnungum.
Stráksi hafði unnið það til saka
að koma dóttur ássins, Helgu, á
kaldan klaka. Sem bar hana alla
leið til Grænlands.
Piltarnir sem nú létu sig síga
60 metra ofan í gjána eru 20 til
24 ára gamlir. Þeir búa þó yfir
töluverðri reynslu en Sfmon og
Örvar gengu á Ama Dablam í
Himalayafjöiium síðast liðið
haust. Sá yngsti, Eiríkur Yngv-
arsson, segist vera búinn að
stunda klifur og annað sem
björgunarsveitarmenn láta sig
hafa í 4 eða 5 ár. En af hverju
létu þeir sig flakka niður sextug-
an hamarinn? „Þetta var einfald-
lega of freistandi til að sleppa
því,“ segir Eiríkur, að hætti
fjallamanna.
Nýr framkvæmdastjóri Neytendasamtakanna
Jafnvægi milli
manns og lands
Margrét María
Sigurðardóttir
IHAUST kemur til
starfa nýr fram-
kvæmdastjóri Neyt-
endasamtakanna. Mar-
grét María Sigurðardótt-
ir hefur verið ráðin til
þess starfa en fráfarandi
framkvæmdastjóri er Jó-
hannes Gunnarsson, sem
jafnframt er og hefur
verið formaður Neyt-
endasamtakanna. Mar-
grét var spurð hver yrði
starfsvettvangur fram-
kvæjndastjórans?
„Ég mun sjá um dag-
legan rekstur skrifstofu
Neytendasamtakanna og
daglega stjórnun verk-
efna. Ég mun líka fylgja
eftir ákvörðunum stjórn-
ar og sjá um þau atriði
sem lúta að starfsmanna-
haldi. Einnig mun ég
hafa ábyrgð á fjármálum Neyt-
endasamtakanna og fara með
prókúru, svo það helsta sé talið.“
-Hefur þú kynnt þér neyt-
endamál sérstaklega?
„Ég hef alltaf haft mikinn
áhuga á neytendamálum og
fylgst með þeim eftir föngum en
það má segja að allt sem kemur
fjölskyldu og lífi hennar við sé
neytendamál með einum eða öðr-
um hætti. Hingað til hefur neyt-
endaumræða mest snúist um
verðlag á vörum, galla og því um
líkt en fleira er neytendamál; svo
sem umhverfismál og Evrópu-
málin, þ.e. samkeppni og þess
háttar."
-Hverju fínnst þér mest að-
kallandi að sinna í neytendamál-
efnum?
„Fyrst þarf ég að kynna mér
innviði starfsemi Neytendasam-
takanna og síðan mun ég for-
gangsraða í samvinnu við stjórn
samtakanna."
- Hvað fínnst þér sem uimenn-
ur neytandi um neytendamálefni
► Margrét María Sigurðar-
dóttir er fædd 2.10. 1964 í
Kópavogi. Hún lauk stúdents-
prófi frá Menntaskólanum í
Kópavogi 1985 en var eitt ár
skiptinemi í Bandaríkjunum
þar sem hún lauk „High
SchooI“. Lögfræðinámi lauk
Margrét frá Háskóla íslands
1990. Hún hefur starfað sem
sýslufulltrúi á ýmsum stöðum
á landsbyggðinni og jafnframt
verið sjálfstætt starfandi lög-
maður að hluta. Hún var bæj-
arfulltrúi á Húsavík þar til ný-
Iega að hún sagði af sér, en
þar hefúr hún einnig sinnt
öðrum verkefnum, svo sem í
atvinnuráðgjöf og við um-
hverfisáætlun. Margrét María
hefur verið ráðin fram-
kvæmdasljóri Neytendasam-
takanna. Hún er gift Vigni
Sigurólasyni dýralækni og
eiga þau tvo drengi.
hér á landi?
„Við höfum verið aftar á mer-
inni en nágrannaþjóðimar. Meg-
inþorri tekna Neytendasamtak-
anna kemur frá félagsmönnum,
þau eru í raun grasrótarsamtök
og byggja afkomu sína því á
fjölda félagsmanna. Mikilvægt er
að almenningur átti sig á þessu
og styrki samtökin með góðri
þátttöku."
- Hvernig horfa þessi mál við á
landsbyggðinni?
„Neytendasamtökin hafa sinnt
landsbyggðinni með því að starf-
rækja skrifstofu á ísafirði og
Akureyri og gera verðlagskann-
anir úti á landi líka. En einnig
eru fulltrúar frá öllum lands-
homum í stjóm samtakanna.“
- Þú hefur unnið við umhverf-
is- og atvinnumál á Húsavík,
hvernig eru þau mál-
efni á vegi stödd þar --------
núna?
„Húsavík hefur
verið eitt af leiðandi
sveitarfélögum við
gerð umhverfisráð- ____________
gjafar þ.e. Staðardag-
skrá 21. Bærinn hefur vissa
„græna“ ímynd. Sem dæmi má
taka uppgræðsluverkefni á
Hólasandi sem er að því er ég
best veit stærsta uppgræðslu-
verkefni í Evrópu og jafnvel víð-
ar. Núna virðist vera hér næg
atvinna. I vor varð atvinnulífið
hér fyrir áfalli eins og alþjóð er
væntanlega kunnugt af frétta-
flutningi. En þar fyrir utan er
ýmislegt í atvinnulífi hér komið
á góðan rekspöl. Ný hugbúnað-
arfyrirtæki hafa verið stofnuð
og stórar og miklar framkvæmd-
ir standa yfir í hitaveitumálum.“
- Hefur þú í huga að kynna þér
af eigin raun neytendamál er-
lendis?
„Ég geri ráð fyrir að það verði
hluti af starfinu. Það er í gangi
norræn samvinna í neytendamál-
um og þeim verkefnum mun ég
sinna eins og öðrum.“
- Er ekki eitt og annað í um-
hverfísmálum sem tengist beint
og óbeint neytendamálum?
„Jú, mikið vantar enn upp á
að nægilegar og réttar upplýs-
ingar séu almenningi aðgengi-
legar hvað t.d. snertir alls kyns
efni í hreinlætisvörum og efnum
sem notuð eru t.d. til að stemma
stigu við órækt og sníkjudýrum í
görðum. Notkun á vatnsorku er
líka neytendamál, að ekki sé tal-
að um sorpmál. Þar
eru verkefni víða
óleyst einkum á
landsbyggðinni.
Jafnvægi milli manns
og náttúru er sann-
‘ arlega neytendamál.
Það skiptir máli að maðurinn lifi
í sátt og samlyndi við auðlindir
landsins. Þetta er málefni sem
alla varðar og snertir okkur á
hverjum degi. Allt er þetta tengt
- ef frárennsli er t.d. ófullnægj-
andi vaða meindýr uppi. Við er-
um öll neytendur og því er mikil-
vægt í okkar hversdagslífi að
styrkja stoðir samtaka eins og
Neytendasamtakanna, vegna
þess að þau eru ekki neitt án
þátttöku fólksins í landinu."
Samtökin
ekkert án
þátttöku
fólksins