Morgunblaðið - 31.08.1999, Blaðsíða 4

4 ÞRIÐJUDAGUR 31. ÁGÚST 1999
MORGUNBLAÐIÐ
FRÉTTIR
Þjónusta númer eítt!
Til sölu MMC Pajero,
nýskráður 01.96.
Ekinn 86.000 km, grænn,
sjálfskiptur, bensin.
Ásett verð kr. 2.590.000
Nánari uppl. hjá Bílaþingi
Heklu í síma 569 5500.
Opnunartími: Mánud. - föstud. kl. 9-18
laugardagar kl. 12-16
BÍLAÞING HEKLU
Nmie-i ciH' f nch'Pvm hí/vmf
Laugavegi 174,105 Reykjavlk, sími 569-5500
www.bilathing.is • www.bilathing.is • www.bilathing.is
Morgunblaðið/Þorkell
Eini leikari Hellisbúans, Bjarni Haukur
Þórsson, fær bikar að gjöf frá unnustu sinni,
Sif Bjamadóttur, þegar sýningin sló aðsókn-
armet sl. laugardag. Vignir Jóhannsson leik-
myndahönnuður sýningarinnar og Ámi Þór
Vigfússon framleiðandi hennar fylgjast með.
Afleiðing’ar hlaupsins í Kreppu
og Jökulsá á Fjöllum
Sandfok sjaldan
verið meira
SANDFOK á hálendinu meðfram
farvegi Kreppu og Jökulsár á
Fjöllum hefur aukist verulega eftir
hlaupið í ánum í byrjun ágúst.
Hlaupið er talið eitt það mesta sem
um getur í nær hundrað ár og segir
Kári Kristjánsson, landvörður í
Herðubreiðalindum, Öskju og
Hvannalindum til margra ára, að
hann hafi ekki orðið var við meira
sandfok eftir hlaup en nú.
Jarðvegurinn binst
á ný næsta sumar
Á þeim ellefu árum sem Kári
hefur starfað sem landvörður á há-
lendinu hafa árnar hlaupið fjórum
sinnum. Hlaupið í sumar var það
stærsta sem hann hefur séð og
sandfok aldrei verið meira.
Sandfokið kemur aðallega úr
hlaupfarveginum að sögn Kára.
Rykið sem jökulárnar báru fram í
hlaupinu fýkur upp en hlaupfar-
vegurinn nær yfir óvenju stórt
svæði vegna stærðar hlaupsins.
Kári segir að eftir hlaup fyrri ára
hafi jarðvegurinn oftast nær bund-
ist á ný fyrsta árið og býst hann við
að slíkt hið sama muni gerast eftir
þetta hlaup þótt það taki ef til vill
aðeins lengri tíma.
„Síðasta duftið fer vanalega í
vorleysingum árið eftir. Það er
ekki ólíklegt að sandfoks gæti örlít-
ið lengur núna vegna þess að þetta
hlaup var stærra. Hlaupið skolaði
burtu miklu efni suður í Kreppu-
tungu og skilaði því niður í Herðu-
breiðarlindir þar sem hægir á
vatnsstraumnum vegna aukins lág-
lendis,“ segir Kári.
Davíð Oddsson forsætisráðherra og eiginkona hans
Ástríður Thorarensen voru meðal sérstakra heiðurs-
gesta á sýningunni um helgina, og klöppuðu Bjarna
Hauki Iof í lófa fyrir frammistöðu hans.
Hellisbúinn
slær aðsóknarmet
LEIKRITIÐ Hellisbúinn sem,
sýnt er í íslensku óperunni, sló
aðsóknarmet um síðustu helgi.
Aldrei fyrr hafa fleiri leikhús-
gestir séð sömu uppfærslu á leik-
riti hérlendis. Gamla metið átti
leikritið FIó á skinni sem sýnt var
í gamla Iðnó þrjú leikár í röð, frá
1972 til 1975. Alls urðu sýningar
252 og uppfærsluna sáu 56.724
manns samkvæmt upplýsingum
frá Leikfélagi Reykjavíkur. Þeg-
ar 163. sýningu Hellisbúans lauk
sl. laugardag höfðu 57.106 gestir
séð uppfærsluna og aðsóknarmet
FIó á skinni því slegið.
Viðfangsefnið
kemur við alla
Af þessu tilefni var sýning
Hellisbúans á laugardaginn með
sérstökum hátíðarbrag þar sem
Davíð Oddsson forsætisráðherra
og eiginkona hans Ástríður
Thorarensen, Björn Bjarnason
menntamálaráðherra og eigin-
kona hans Rut Ingólfsdóttir,
Kjartan Gunnarsson fram-
kvæmdasfjóri Sjálfstæðisflokks-
ins og eiginkona hans Sigríður
Snævarr voru heiðursgestir.
Árni Þór Vigfússon er einn af
þremur framlciðendum sýningar-
innar og aðspurður um velgengni
hennar sagði hann: „Boðskapur
sýningarinnar er eitthvað sem
allir þekkja og eiga við á hveij-
um degi. Ég er ekki frá því að
velgengni sýningarinnar stafi
meðal annars af því hve vel allir
þckkja viðfangsefni hennar.
Samskipti okkar við hitt kynið er
eitthvað sem við tökumst á við á
hveijum degi og þannig tengir
fólk viðfangsefnið við sjálft sig,
sem er ekki verra. Auk þessa má
að sjálfsögðu þakka frábærri
leikstjóm Sigurðar Sigurjónsson-
ar, leik Bjarna Hauks þórssonar
og þýðingu og staðfæringu Hall-
gríms Helgasonar," sagði Árni
Þór.
Að sögn Árna Þórs verður sýn-
ingum á Hellisbúanum fram
haldið eitthvað fram í vetrar-
mánuðina en aðsókn er ennþá
mjög góð. Hellisbúinn var frum-
sýndur 9. júlí 1998 og hefur verið
sýndur í Reykjavík og á Akur-
eyri. Sýningar em að öllu jöfnu
tvisvar sinnum í viku en vom sex
sinnum í viku þegar mest lét.
Börn innan 18 ára taki
ekki þátt í hernaði
HAUSTFUNDI utanríkisráðherra
Norðuriandanna lauk á Egilsstöð-
um í gær en hann sátu einnig
starfsbræður þeirra frá Eystra-
saltslöndunum, sem jafnan er boðið
til fundarins, og utanríkisráðherra
Kanada, Lloyd Axworthy. Er þetta
í fyrsta sinn sem þessir ráðherrar
halda sameiginlegan fund.
Helstu umræðuefni á fundi utan-
ríkisráðherranna voru sameigin-
legar áherslur á vettvangi alþjóða-
og svæðisbundinna stofnana, en
Norðurlöndin veita nú nokkrum
slíkum stofnunum forystu sem
kunnugt er. Rædd var svæðisbund-
in samvinna á norðurslóðum,
stjórnmálaþróunin í Rússlandi og
uppbygging í Kosovo. Evrópusam-
bandið, Öryggis- og samvinnu-
stofnun Evrópu og Evrópuráðið
ásamt Sameinuðu þjóðunum hafa
sameinað krafta sína í svokallaðri
stöðugleika-áætlun fyrir Vestur-
Balkanskagann. Halldór Ásgríms-
son sagði í samtali við Morgunblað-
ið að ekki væri ákveðin fjárveiting
frá íslandi í þetta verkefni en
minnti á að héðan hefðu farið lög-
gæslumenn og starfsfólk frá heil-
brigðisþjónustu og framhald yrði á
slíkri aðstoð. Mikilvægt væri í
þessu verkefni að eiga samstarf við
viðeigandi stofnanir. Hann sagði
uppbyggingu í Kosovo eiga eftir að
standa lengi enn og ekki mætti
gleyma því sem vinna þyrfti einnig
að í Bosníu.
Á fundinum undirrituðu ráðherr-
ar Norðurlandanna yfirlýsingu þar
sem hvatt er til þess að þátttaka
barna og ungmenna undir 18 ára
aldri í hermennsku verði bönnuð.
Talið er að allt að 300 þúsund börn
taki þátt í hernaðaraðgerðum,
bæði innan eigin lands og í öðrum
löndum.
Á fundinum lýstu ráðheiTarnir
nauðsyn þess að þessi lönd ættu
með sér náið samstarf á alþjóða-
vettvangi og sögðu mikilvægt að
samræma stefnu og vinnu allra
landanna þar.
Lloyd Axworthy sagði í samtali
við Morgunblaðið að nauðsynlegt
væri að rödd þjóðanna við Norður-
Atlantshaf og á Norðurskauts-
svæðinu heyrðist. Norðurlöndin,
Eystrasaltslöndin og Kanada hefðu
sameiginlega hagsmuni og tryggja
yrði að þau næðu með málflutning
sinn í alþjóðlega samninga og fundi
er vörðuðu umhverfismál. Hann
sagði að fram hefði komið vitneskja
um neikvæð áhrif mengunar í
norðurhöfum á heilsufar manna.
Það virtist ekki hafa náð athygli
manna og við því yrði að bregðast
með sameiginlegu átaki.
fslandstorg í Tallin
Á fundinum tilkynnti Toomas
Ilves, utanríkisráðherra Eistlands,
að í tilefni af því að í dag eru liðin
átta ár frá því landið hlaut sjálf-
stæði og Island var fyrsta ríkið til
að viðurkenna landið verði torg í
Tallin hér eftir nefnt íslandstorg.
Aðsetur utanríkisráðuneytisins er
við torgið og verður það hér eftir
við íslandstorg 1.
Eftir fundina í gær héldu nokkr-
ir ráðherranna frá Egilsstöðum og
í dag hefst eins dags opinber heim-
sókn Lloyds Axworthys á íslandi.
Fyrir hádegi á hann viðræður við
Halldór Ásgrímsson utanríkisráð-
herra og síðar Davíð Oddsson for-
sætisráðherra. Ráðherrann heldur
síðan til Hornafjarðar og snæðir
hádegisverð á Jöklaseli á Vatna-
jökli og heldur til Finnlands í
kvöld.
Morgunblaðið/Anna Ingólfsdóttir
Utanríkisráðherrar Norðurlandanna og Eystrasaltsríkjanna ásamt utanríkisráðherra Kanada
á fundi með fréttamönnum á Egilsstöðum í gær.
Utanrfkisráðherrar Norðurlanda á haustfundi á Egilsstöðum