Morgunblaðið - 31.08.1999, Blaðsíða 20
20 ÞRIÐJUDAGUR 31. ÁGÚST 1999
MORGUNBLAÐIÐ
LANPIÐ
Sendiherra Þýskalands og eiginkona hans
á sumarleyfísferð um Vestfírði
Lærði fyrstu orðin og
setningarnar á fornís-
lensku á ungum aldri
ísafirði - Þýsku sendiherrahjón-
in á íslandi, Marianne og Rein- -
hart Ehni, efndu fyrir helgi til
samsætis með dálitlum hópi boðs-
gesta í Tjöruhúsinu á fsafirði. Þá
voru þau í þann veginn að ljúka
vikulöngu sumarleyfisferðalagi
sínu á Vestfjörðum. Að móttök-
unni lokinni ræddi blaðið við
sendiherrann um ferð þeirra
hjóna hér vestra og kynni þeirra
af landi og þjóð.
Að sögn sendiherrans var
þetta annað skiptið sem hann
kemur til ísafjarðar. Fyrir þrem-
ur árum kom hann í embættiser-
indum ásamt eiginkonu sinni til
þess að hitta ræðismann Þýska-
lands á Isafírði, Þorstein Jóhann-
esson yfirlækni, og sefja hann
inn í nýtt og breytt hlutverk
heiðursræðismanns samkvæmt
útnefningu forseta Sambandslýð-
veldisins Þýskalands. „Að því
sinni átti ég ekki annars kost en
koma flugleiðis og standa stutt
við hjá Þorsteini og eiginkonu
hans. Þá ákvað ég hins vegar að
koma aftur vestur, ferðast í ró og
næði á eigin bíl um Vestfirði og
kynnast svæðinu og fólkinu sem
hér býr. Nú var ég að koma
þeirri ákvörðun í verk.“
Sendiherrann lét afar vel af
ferð þeirra hjóna hér vestra.
„Við tókum ferjuna yfir Breiða-
fjörð og áttum fyrst viðkomu í
Flókalundi. Síðan þræddum við
firði og víkur, komum á Látra-
bjarg, heimsóttum safnið á
Hnjóti og skoðuðum Patreksfjörð
og Tálknafjörð. Við komum á
Hrafnseyri og skoðuðum þar hið
mikla safn til minningar um Jón
Sigurðsson, sjálfstæðishefju fs-
lendinga, og áðum á Þingeyri og
Flateyri á leið okkar til Isafjarð-
ar. Núna erum við búin að eiga
mjög notalega stund í Tjöruhús-
inu með vinum okkar hér á Isa-
firði.“
Snortinn af náttúru
Vestfjarða
Það vekur sérstaka athygli,
hversu fróður og nákvæmur
sendiherrann er þegar hann ræð-
ir um staðhætti og örnefni á
Vestfjörðum. Þegar hann talar
um kynni sín af Vestfjörðum
virðist ljóst, að orð hans eru ekki
neitt yfirborðshjal heldur koma
frá hjartanu. „Náttúrufar hér
vestra er afar stórbrotið og hef-
ur haft mikil áhrif á okkur hjón-
in. Við höfum víða farið í göngu-
ferðir og varið miklum tíma til
að skoða okkur um. Það er ákaf-
lega athyglisvert að kynnast hér
bæjum og þorpum og skoða hafn-
irnar og fiskiðnaðinn. Að
ógleymdum jarðgöngunum. Fyr-
ir þremur árum ókum við með
Þorsteini vini okkar yfir Breiða-
dalsheiði en nú fórum við um
göngin undir hana. Það er at-
hyglisvert, hversu nú er orðið
miklu fljótlegra og greiðara að
komast milli fjarða. Svæðið líkt
og skreppur saman við tilkomu
ganganna, bæirnir og þorpin
tengjast betur og þar með styrk-
ist atvinnulífíð."
Reinhart Ehni tók við stöðu
sendiherra á íslandi í júnímánuði
1996. „Ég leyfí mér að geta
þess,“ segir hann, „að ég mun
hafa verið síðasti erlendi sendi-
herrann sem afhenti frú Vigdísi
Finnbogadóttur, þáverandi for-
seta íslands, trúnaðarbréf sitt.
Nú er dvölin orðin meira en þijú
ár og nýlega var ég spurður
hversu lengi ég myndi verða á Is-
landi. Ég svaraði: Eins lengi og
kostur er! Eiginkona mín, Mari-
anne, sagði við mig fyrir
skömmu: Við förum ekki héðan
aftur! En auðvitað er það undir
þýskum stjórnvöldum komið. Við
hjónin vonum að þau vilji hafa
okkur hér sem allra lengst."
Hefur þú áhuga? Komdu viðí dag!
Áhættudreifing á einum stað
Sjóðurinn fjárfestir í helstu fyrirtækjum landsins en einnig
I skuldabréfum og erlendum hlutabréfum.
Sjóðurinn er á meðal þeirra fyrirtækja á fslandi sem greitt
hafa hluthöfum sínum hæst hlutfall tekna í arð og hefur
skilað hæstu ávöxtun hlutabréfasjóða sl. 5 ár.
Fjöldi hluthafa er yfir 8.000.
Hlutabréfasjóðurinn hf. er fyrir þá sem vilja fjárfesta til
langs tíma I innlendum og erlendum hlutabréfum til að
fá góða ávöxtun og njóta skattafsláttar.
Ávöxtun í fortíð er ekki vísbending um ávöxtun I framtíð.
VERÐBRÉFAMARKAÐUR ÍSLANDSBANKA HF.
Kirkjusandi, 155 Reykjavík. Sími 560 8900.
Myndsendir: 560-8910.Veffang: www.vib.is
Einar Bjarni Sigurðsson sjóðstjóri
Nafnávöxtun sl. 5 ár!
Morgunblaðið/Sigurjón J. Sigurðsson
Sendiherrahjónin Marianne og Reinhart Ehni ásamt hjónunum
Friðnýju Jóhannesdóttur og Þorsteini Jóhannessyni,
ræðismanni Þýskalands á ísafirði.
Þegar sendiherrann er spurð-
ur hvort hann hafi haft einhver
tengsl við ísland eða sérstök
kynni af landinu áður en hann
tók við sendiherrastarfinu segir
hann: „f skóla á ungum aldri
komst ég í náin kynni við norræn
fræði, las eddukvæði og íslenskar
fornsögur og Iærði þá fyrstu orð-
in og setningarnar á fornís-
lensku. Þegar ég síðan fékk þau
boð frá þýskum stjórnvöldum að
gerast sendiherra á Islandi, en
þá var ég við störf í Lundúnum,
gladdist ég mjög, enda vakti það
góðar mmningar frá námsárum
mínum. Ég var þess vegna fljótur
að svara: Mér er það mikil
ánægja að fara til Islands."
Sendiherrann er upprunninn í
Schwaben-héraði í Suður-Þýska-
landi - „eins og heyra má á mál-
lýskublæ mínum“, segir hann.
Það má því ætla, að samræður
sendiherrans við Þorstein ræðis-
mann og Friðnýju konu hans
hljómi nokkuð á annan veg en
getur að heyra t.d. í þáttunum
um Derrick, en þau lijónin
bjuggu um langt árabil við nám
og læknisstörf í Sváfalandi, eins
og það var nefnt á íslensku á
fyrri tíð. Sendiherrann var lengi
búsettur í höfuðborginni Bonn
við Rínarfljót, rétt suður af Köln,
en um þessar mundir stendur
einmitt yfir flutningur á stjórn-
arstofnunum þýska ríkisins frá
Bonn austur til Berlínar. Um
jólaleytið má ætla að flutningi
allra ráðuneyta verði lokið og
þegar árið 2000 gengur í garð
verður Berlín í reynd orðin höf-
uðborg Þýskalands á ný.
Morgunblaðið/Sigurður Jónsson
Frá undirritun stofnskrár Fræðslunets Suðurlands
í hátfðarsal Fjölbrautaskóla Suðurlands.
Fræðslunet Suður-
lands stofnað á
Degi símenntunar
Selfossi - Bjöm Bjarnason mennta-
málaráðherra hefur kynnt það sem
markmið í náinni framtíð að hver
einasti nemandi í framhaldsnámi
eignist fartölvu til að nota við nám
sitt. Um er að ræða nýja leið í upp-
byggingu á tölvutækni innan skól-
anna sem skapar að sögn ráðherra
nýja möguleika á því að ungt fólk
nýti sér upplýsingatæknina og
möguleika fjarnáms. Þetta kom með-
al annars fram í máli ráðherra á
stofnfundi Fræðslunets Suðurlands
á laugardag, 28. ágúst.
Á fundinum undirrituðu 25 aðilar
stofnskrá Fræðslunetsins á stofn-
fundinum í Fjölbrautaskóla Suður-
lands, að viðstöddum menntamála-
ráðherra. Um er að ræða sjálfseigna-
stofnun á sviði háskólamenntunar,
fullorðinsfræðslu og símenntunar á
Suðurlandi með sérstaka stjórn.
I stofnskrá segir að stofnunin
muni bjóða upp á nám á háskólastigi
á Suðurlandi í samstarfi við háskóla-
stofnanir, stuðla að auknu framboði
á símenntun og fullorðinsfræðslu á
öllum stigum menntunar og leggja
áherslu á samstarf atvinnulífs og
skóla og tengsl grunn- og endur-
menntunar. Þá mun stofnunin nýta
sér bestu fáanlega fjarkennslutækni
hverju sinni, styðja við rannsóknir
og vísindaiðkun á Suðurlandi og hafa
samstarf við aðra er sinna símennt-
un og endurmenntun.
Á stofnfundinum kom meðal ann-
ars fram að Fræðslunet Suðurlands
verður alhliða stofnun um fullorðins-
fræðslu sem mun bjóða alhliða fram-
haldsnám á Suðurlandi íyrir alla,
óháð bakgrunni. Nú í haust verður
boðið upp á nám á háskólastigi í
ferðamálafræðum og íslensku. Auk
þess munu bjóðast fjöldi námskeiða
svo sem íslenska fyrir útlendinga,
skrautsrkift, fríhendisteiknun, starfs-
nám fyrir starfsfólk réttargeðdeildar
á Sogni, námskeið fyrir dagmæður,
nám í svæðisleiðsögn, sölutækni,
símavörslu og meðhöndlun matvæla.
Sigurður Sigursveinsson, skóla-
meistari Fjölbrautaskóla Suður-
lands, sagði stofnunina hafa fengið
þetta nafn til að undirstrika hið víða
svið sem henni væri ætlað að starfa
á. Hann sagði daginn tímamótadag í
skólasögu Suðurlands og sagði það
sína von að Sunnlendingar stæðu
saman að eflingu þessarar skóla-
stofnunar eins og þeir hefðu staðið
saman að framfaramálum í héraðinu.