Skírnir - 01.04.1909, Page 72

•I.
Hitt og þetta um drauma.
Eftir
GUÐMUND FEIÐJÓN880N.
Engin dulargáfa er svo almenn sem draumskygnin
þvi flesta menn getur dreymt, að staðaldri, ef þeir vilja
draumfarir hafa, og sjá þeir þá í svefninum ýmislega fyr-
irboða ókominna atburða. Eg hefi reynslu fyrir því, að
þessa gáfu má glæða eins og hverja aðra gáfu, með þvi
að leggja rækt við hana. En hitt er jafn auðvelt að tor-
tíma henni, eða auðveldara þó, því að það er ávalt auð-
veldara að eyðileggja hvað sem er heldur en þróa —
þeim mun auðveldara, sem léttara er að renna sér niður
brekku, heldur en staulast hana upp. Ráðið til að glæða
draumskygnina er það, að leggja hugann eftir draumun-
um á allar lundir: tala um þá og trúa þeim og gera hug-
ann næman fyrir þeim á þann hátt. Viljinn er máttug-
ur í þessu efni eins og öðrum. Enginn maður kemst
leiðar sinnar í nokkuri grein, nema því að eins, að hann
vilji komast áfram og trúi þvi, að það takist. Jafnvel
trúin sjálf, guðstrúin, er á valdi viljans. Sá sem vill
trúa getur trúað, en sá sem vill ekki trúa, hann getur
ekki. —
Þvílíkt er manninum háttað gagnvart draumunum.
Sá sem ekkert mark tekur á draumum sínum og vill ekki
einu sinni rii'ja þá upp fyrir sér, hann verður ónæmur
fyrir áhrifum draumanna, og hann man ekki einu sinni,
hvað hann dreymir.