Skírnir - 01.04.1910, Blaðsíða 70
Ur íerðasögu.
París.
1. Framh.
Dagarnir sem eg dvaldi í Parísarborg voru heitustu
dagarnir sem eg hef lifað. Hitinn komst um mánaðamót-
in maí—júni upp í 30° C. í skugganum, og var þá hvergi
í Evrópu jafnheitt, þegar Rómaborg er undantekin. Það
var á við sumar fjallgöngur að ganga í slíkum hita upp
næstum því 250 feta háan stiga í dimmum turni hinnar
frægu Frúarkirkju; en fyrirhöfnin borgar sig, þegar upp
er komið og gefur að líta yíir hundrað þúsundir bygginga
báðu megin Signu, sem að ofan er að sjá eins og bugð-
'ótt, gljáandi band. Innan um húsahraunið liggja götu-
geilarnar, að öllu samantöldu langt yfir 100 mílur á lengd,
morandi af umferð.
Augað leitar uppi ýmsar merkar byggingar, svo sem
Louvre með sín frægu söfn, en byggingin sjálf safn af
höllum, söngleikhúsið mesta í Evrópu, sigurbogann mikla,
þar sem mætast í stjörnu margar stórar götuæðar, Pantheon,
hið víðfræga musteri mannorðsins, og svo kauphöllina,
þetta afarmikla og glæsilega musteri Mammons. Og er
þetta enginn orðaleikur,' því að kauphöllin er reist í lík-
ingu við fornt musteri þeirra guða, sem nú eru dauðir
fyrir löngu. En engin elli- eða dauðamörk er að sjá á
Mammoni, og aldrei hefir hann magnaðri verið en nú,
eða ríki hans staðið víðar fótum undir.
Eg hef nú ekki minst nema á lítinn hluta af þeim
fjölda hvelfiþaka og turntinda, sem hreykja sér yfir húsa-