Dagblaðið Vísir - DV - 17.03.1988, Blaðsíða 36

36
FIMMTUDAGUR 17. MARS 1988.
Lífsstni
EiríKssym-
Þessar <
íslenska
ullin á
haegri
uppleið
bundnu síw r„'Sakka "»« l»».
^ZSStSZT"--
íslensku lopapeysurnar í sauðalit-
unum hafa af mörgum veriö taldar
hallærislegar og eingöngu nothæfar
í skítverk. Tískusinnaðir íslendingar
létu ekki sjá sig á götum úti í þessum
flíkum og ef íslensk lopapeysa var til
á heimilinu var hún yfirleitt geymd
í kassa niðri í kjallara.
Þessi hugsunarháttur er því miður
enn við lýði og mikið hefur verið
Tískan
rætt um hvers vegna íslensku peys-
urnar eru ekki vinsælar hérlendis á
meðan þær seljast erlendis sem
tískuflíkur. En íslendingar, þekktir
fyrir þijóskuna, hafa haröneitað að
bregða peysu framleiddri innanlands
yfir höfuðið nema í algerri neyð.
En nú er að verða einhver breyting
á þessu og ullarfyrirtæki hérlendis
eru farin að framleiða nýjar, tísku-
sinnaöar línur. Þessar peysur eru að
mestu ætlaðar á erlendan markað
því innanlandsmarkaöurinn er enn-
þá ekki tilbúinn fyrir þessa vöru.
Þessar nýju flikur fást þó á nokkrum
stöðum hérlendis.
Tískuáhrif í ullarpeysum
Viðmælendur DV telja að íslenska
ullin sé á hægri uppleið. Miklar
breytingár eiga sér nú stað í ullariön-
aði innanlands og framleiðendur
ullarflíka eru að setja á markaðinn
nýjar línur sem eru mjög ólíkar hin-
um hefðbundnu lopapeysum.
Hinn nýi Álafoss er til að mynda
með þrjár nýjar línur sem eru mjög
ólíkar þeim ullarpeysum sem við eig-
um að venjast. Þetta eru svokallaðar
tilraunalínúr og er eingöngu ákveðið
magn af stykkjum framleitt í hverri
línu.
M. Eiríksson og Hilda hf. eru einn-
■•g með nýja hönnun og nýjar litasam-
setningar í línum sínum fyrir árið
1988. Ullarframleiðendur em yfirleitt
ekki með ákveðnar línur fyrir hveija
árstíð eins og hefðbundnari fata-
framleiðsla heldur er línan sett fyrir
árið.
Hressilegri litir
'Þessi nýja hönnun er mjög frá-
Álafoss hinn nýi setur fram nýjar tilraunalínur fyrir árið 1988.
Litirnir eru fjörlegri en mynstrið er hefðbundið.
brugöin gömlu hefðbundnu lopa-
peysunum. Hún er líflegri og alþjóð-
legri og ætti því að falla í betri
jarðveg hjá íslendingum. Litimir eru
líklega hvað stærsta breytingin í ár,
fjólublátt, bleikt og ferskjulitir,
tískulitir sumarsins, verða mikið í
kvenfatnaði en grátt, brúnt og ryð-
rautt verður ríkjandi fyrir karlmenn.
Dragtir fyrir kvenfólkið
Kvenlinan hjá ullarfyrirtækjunum
leggur áherslu á fjöruga liti. Grunn-
liturinn er ýmist svartur, brúnn eða
blár með bleikt eða fjólublátt sem
áhersluliti. Þessi lína stílar frekar
upp á yngri konur og eru margar
peysur símynstraðar.
Dragtir, pils og peysa, eru mjög
vinsælar í ár. Álafoss-Sambandið
framleiðir dragtir í dekkri haustlit-
um, brúnu, ryðrauðu og gráu. Pilsin
eru ýmist síð eða stutt, rétt eins og
tískan býður upp á.
Tvílitar herrapeysur
Herrapeysurnar eru yfirleitt tvilit-
ar, grunnlitur ýmist grár, blár eða
brúnn en áhersluliturinn allavega.
Líflegir litir og ný snið á þessum ís-
lensku ullarpeysum standa erlend-
um fatnaði ekkert að baki. Þessar
peysur eiga lítið sem ekkert sameig-
inlegt með gömlu, góðu lopapeysun-
um og ættu því að höfða til yngri
kynslóðarinnar.
Ódýrar ullarpeysur
Margir íslendingar standa í þeirri
trú að íslenskar ullarpeysur séu dýr-
ari en innfluttar peysur í sama
gæðaflokki. Þetta er ekki rétt. íslen-
skar peysur eru á mjög sambærilegu
verði og oft á tíðum ódýrari. í Ram-
magerðinni, sem selur mikið magn
af lopapeysum, eru þær seldar á milli
2.500-3.200 krónur. Jakkar og síðar
ullarkápur fara þó allajafna yfir 5.000
krónur.
Að sögn viðmælenda okkar hefur
áhugi íslendinga á íslensku ullinni
aukist. Hversu mikil þessi aukning
er eru ekki allir sammála um.
Lopapeysur í sauðalitunum eru enn-
þá vinsælastar meðal erlendra
ferðamanna en landinn hefur þó sýnt
þessum peysum vaxandi áhuga á síð-
astliðnum þremur árum eða svo.
-StB