Dagblaðið Vísir - DV - 18.09.1996, Blaðsíða 4
4
MIÐVIKUDAGUR 18. SEPTEMBER 1996
Fréttir
Bæjarstjórn Reykjanesbæjar:
Formleg samvinna
A-flokkanna hafin
- vaxandi áhugi á samstarfi flokkanna í Hafnarfirði
Svo virðist sem alþýðuflokks-
menn og alþýðubandalagsmenn í
Reykjanesbæ hafi tekið forystu í
auknu samstarfi sem fyrsta skrefi í
sameiningu flokkanna.
Þessir flokkar eru i minnihluta í
bæjarstjórn Reykjanesbæjar og sem
slíkir hafa þeir tekið upp formlegt
samstarf. Meðal annars hittast bæj-
arfulltrúar þeirra alltaf fyrir bæjar-
stjórnarfundi.
Jóhann GeirdEd, varaformaður og
bæjarfulltrúi Alþýðubandalagsins,
og Kristján Gunnarsson, bæjarfull-
trúi Alþýðuflokksins, staðfestu að
flokkamir hefðu tekið upp þetta
samstarf og heföi það staðið um
nokkurn tíma.
Þá hefur því verið lýst yfir af
stjóm Alþýðuflokksfélags Hafnar-
fjarðar að það vilji taka upp sam-
vinnu og samstarf við Alþýðubanda-
lagið í sveitarstjórnarmálum. Þá
hefur Alþýðubandalagið kjöriö
Magnús Jón Árnáson, foringja Al-
þýðubandalagsins í Hafnarfirði, í
viðræðunefnd um frekara samstarf
vinstri flokkanna.
Það sem er einna athyglisverðast
við þetta er að Hafnarfjörður og
Reykjanesbær em tvö af höfuðvígj-
um Alþýðuflokksins á landinu.
Þetta gæti þvi bent til þess að meiri
alvara sé að komast í samstarf og
samvinnu þessara flokka en verið
hefur. -S.dór
Barðastrandarsýsla:
Forsetinn
í heimsókn
- varað við ástandi vega
Forseti íslands, herra Ólafur
Ragnar Grímsson, og frú Guðrún
Katrín Þorbergsdóttir fara í opin-
bera heimsókn í Barðastrandar-
sýSlu föstudaginn 20. september.
Stendur heimsóknin yfir til
sunnudagsins 22. september. For-
setahjónin munu heimsækja
Reykhólahrepp, Tálknafjarðar-
hrepp og Vesturbyggð.
Vegna þessarar opinberu
heimsóknar forseta íslands í
Barðastrandarsýslu hefur Þórólf-
ur Halldórsson, sýslumaður í
Vesturbyggð, sent fjölmiðlum
viðvörun. Segir í henni að vegna
ástands vega á svæðinu sé fjöl-
miðlafólki, sem hyggst fylgjast
með forsetaheimsókninni, bent á
aö vera á vel búnum bílum.
-S.dór
Christopher Bundhe í finnsku fangelsi:
Bíð eftir við-
brögðum lög-
fræðingsins
- segir Halldóra Gunnlaugsdóttir
„Lögfræðingurinn sem ég hef
verið í sambandi við sagði málið
mjög alvarlegt ef satt væri. Hún
sagðist eiga erfitt með að trúa mér
þegar ég sagði henni hvemig máls-
meðferð Christopher hefði fengið
þegar hann var rekinn úr landi svo
ég fékk henn öll málsskjölin í hend-
ur. Hún segir að orðið sé of seint að
taka málið upp fyrir Evrópudóm-
stólnum," segir Halldóra Gunn-
laugsdóttir, kærasta Christophers
Bundhe frá Sierre Leone sem ís-
lensk stjórnvöld framseldu til Finn-
lands í síðustu viku til að afþlána 2
ára dóm í nauðgunarmáli. Hann sit-
ur nú í fangelsi í Finnlandi.
Halldóra segir að ekki megi líða
meira en sex mánuðir frá því að
dómur sé kveðinn upp og þar til
eitthvað sé gert fyrir Evrópudóm-
stólnum. Hún segir að þetta ákvæði
geti þó ekki átt við í máli
Christopers þar sem hann hafi ekki
einu sinni vitað um dóminn þar
sem honum hafi verið vísað úr
landi.
„Ég fæ að hitta manninn minn
tvisvar í viku, á laugardögum og
sunnudögum, klukkustund i senn,
og hann má hringja örstutt í mig
tvisvar í viku. Það er ekki hægt aö
snúa við. Ég er vel læs og sé hvar
brotið hefur verið - á rétti
Christopers og nú bíð ég bara eftir
viðbrögðum lögfræðingsins," segir
Halldóra Gunnlaugsdóttir. Hún
sagði við DV á mánudaginn að þau
væru staðráðin í að láta gefa sig
saman í fangelsinu, verði það leyft.
-sv
[ ) j Byrjendur í skóla + Byrjendur f umforóinni
Borði hefur veriö strengdur þar sem verið er að setja ný gangbrautarljós í Grindavík. DV-mynd ÆMK
Gangbrautarljós á leiö skólabarna
DV, Suðurnesjum
„Það er heilmikil umferð barna á
þessu svæði og nú hefur verið ráð-
ist í uppsetningu tvennra gang-
brautarljósa. Þarna er aðalgöngu-
leið bamanna í skólann og íþrótta-
húsið. Einnig er tónlistarskólinn
þar sem önnur gangbrautarljósin
verða sett upp. Við erum alltaf til-
búnir að taka til hendinni þegar um
fyrirbyggjandi aðgerðir er að ræða
eins og þessar," sagði Jón Gunnar
Stefánsson, bæjarstjóri Grindavík-
ur, við DV.
í Grindavik er þessa dagana ver-
ið að setja upp tvenn gangbrautar-
ljós sem verða tekin í notkun á
næstunni. Ljósunum verður komið
fyrir efst og neðst við Víkurbraut-
ina. Ein gangbrautarljós vom fyrir í
bænum, á Ránargötu, og voru þau
tekin í notkun fyrir tveimur áram.
Fyrir ofan gangbrautarljósin við
skólann hefur verið strengdur mik-
ill borði á milli tveggja ljósastaura
og á honum stendur: Byrjendur í
skóla, Byrjendur í umferðinni.
Borðinn hefur vakið mikla athygli
vegfarenda. Að sögn Jóns Gunnars
gaf foreldra- og kennarafélagið borð-
ann en sveitarfélagið sá um að
koma honum fyrir og fylgist með
því að hann verði á sínum stað og
standist alla veðráttu. -ÆMK
Dagfari
Óþarft Iþróttasamband
Dagfari fylgist ekki mikið með
íþróttum en því meira með
íþróttapólitík. Hún er miklu
skemmtilegri heldur en íþróttimar
sjálfar - að minnsta kosti meira
spennandi. í íþróttakappleikjum
liggja úrslit oftast fyrir þegar leikj-
um eða keppni er lokið og dómar-
inn dæmir og svo fá menn gul
spjöld og rauð spjöld og eru reknir
út af þegar þeir brjóta af sér. Eins
er þeim fagnað sem gera mörkin og
stökkva lengst eða hlaupa hraðast.
í íþróttapólitíkinni er þetta
miklu flóknara vegna þess að þar
er enginn rekinn út af og enginn
dómari til að dæma og menn geta
hagaö sér eins og þeim sýnist og
fyrir vikið stendur keppnin miklu
lengur og æsist eftir því sem úrslit
nálgast og svo era kannski engin
úrslit og leikurinn heldur áfram
eftir að honum er í rauninni lokið.
Þið munið til dæmis eftir því
þegar frjálsíþróttamennimir okkar
í kúlukasti og kringlukasti höfðu
æft sig vestur í Bandaríkjunum á
annað ár til að taka þátt í Ólympíu-
leikunum. Þegar Ólympíuleikarnir
loksins runnu upp var ákveðið ein-
hvers staðar í íþróttaforystunni að
iþróttamennirnir tækju ekki þátt í
leikunum. Þeir vora sendir heim
eftir áralanga og þrotlausa æfingu.
Þetta var íþróttapólitík.
f staðinn fyrir íþróttamennina
fór hins vegar til Ólympíuleikanna
herskari af fararstjóram og flokks-
stjórum og eiginkonum þeirra,
enda hafði þetta fólk ekki æft sig
sérstaklega fyrir leikana og átti því
heimangengt.
Hér var aftur íþróttapólitík á
ferðinni vegna þess að það er
miklu öruggara að senda á Ólymp-
íuleika fólk sem ekki keppir þvi
það tapar ekki á meðan. Hættan
við að senda íþróttamenn er aftur á
móti sú að þeir geta orðið sér til
skammar og ekki náð lágmörkum
og þar af leiðandi sendir maður
ekki svoleiðis þátttakendur á al-
þjóðlega leika.
Að undanförnu skilst manni að
íþróttahreyfingin hafi skrafað um
það í sínum hópi að skynsamlegast
væri að sameina íþróttasambandið
og Ólympíunefnd íslands. Það er
ekki viturleg ráðstöfun út frá því
hagsmunasjónarmiði innan svona
stórrar hreyfingar að koma sem
flestum að til forystustarfa. Því
fleiri sambönd og því fleiri nefndir
því fleiri ágætismenn komast að.
Nú hefur hins vegar þessi um-
ræða tekið á sig nýja mynd eftir að
einn af annáluðum forystumönn-
um innan íþróttanna stingur upp á
því að íþróttasambandið sé einfald-
lega lagt niður! Honum finnst að
íþróttastarfinu og keppninni sé
betur farið með því að hafa enga
yfirstjórn. Ekki það að leggja eigi
niður allar nefndir því hann vill á
móti að ný samtök verði stofnuð
um hitt og þetta innan hreyfingar-
innar og þannig verður hægt að
dreifa forystumönnum í fleiri
nefndir og kosturinn við að leggja
iþróttasambandið niður er einmitt
sá að þá getur ekkert yfirvald inn-
an hreyfingarinnar stjórnað því
hverjir komast til valda eða hverj-
ir sigra eða yfirleitt hverjir taka
þátt. Framvegis geta allir tekið þátt
sem vilja.
Þetta er ekki aðeins íþróttapóli-
tík. Þetta er góð íþróttapólitík.
íþróttamenn láta illa að stjórn,
samanber nöldrið í frjálsíþrótta-
mönnunum sem ekki fengu að
keppa á Ólympíuleikunum og
rauðu spjöldin eru einmitt vís-
bending um agaleysi innan íþrótt-
anna og dómarar og yfirstjórn í
íþróttamálum eru sífellt að þvælast
fyrir öðrum mönnum sem vilja
ráða og stjóma og ákveða hvenær
þeir keppa og hvenær þeir brúka
kjaft.
í þessu samhengi er íþróttasam-
bandið ekki aðeins óþarft. Það er
beinlínis til trafala.
Dagfari