Dagblaðið Vísir - DV - 18.09.1996, Blaðsíða 18

18
MIÐVIKUDAGUR 18. SEPTEMBER 1996
Sviðsljós
Clint fáorður í
réttarsalnum
Clint Eastwood sór sig í ætt
við sjálfan sig í hinum frægu
Dollaramyndum þegar hann
kom fyrir rétt vegna máls sem
fyrrum ástkona hans, Sondra
Locke, hefur höfðað á hendur
honum: Hann sagði fátt. Svaraði
spurningum lögmanns Sondru
með já-i eða nei-i. Sondra heldur
þvi fram að leynisamkomulag
Clints við kvikmyndafélag um
að endurgreiða tap á myndum
hennar hafi eyðilagt frama
hennar.
A1 Pacino í
njósnaraleik
Stórleikarinn A1 Pacino hefur
mikinn áhuga á að leika föður-
landssvikarann og njósnarann
Aldrich Amés í kvikmynd um
njósnir hans í þágu Sovétríkj-
anna. Myndin á að heita Killer
Spy og leikstjóri verður Carl
Franklin.
Goldie Hawn, Diane Keaton og Bette Midler mættu galvaskar til frumsýningar nýjustu myndar sinnar, The Wives Club, í Hollywood á mánudagsvköld.
Goldie Hawn heldur sínu striki eftir 27 ár í kvikmyndaheimi Hollywood:
Fimmtug og eftirsótt
Leikkonan Goldie Havm lætur
engan bilbug á sér finna þó hún sé
orðin fimmtug og hafi starfað í 27 ár
í kvikmyndaheimi Hollywood. Á
mánudag var frumsýnd ný kvik-
mynd, The Wives Club eða Eigin-
konuklúbburinn þar sem hún leik-
ur með Diane Keaton og Bette
Midler. í myndinni leika þær stöll-
ur fráskildar konur á miðjum aldri.
Þær eiga sér það sameiginlega
markmið að ná sér niðri á fyrrver-
andi eiginmönnum sínum fyrir að
eltast við kvenfólk.
En Goldie lætur ekki staðar
numið með þessari mynd, öðru nær.
Hún verður einnig með hlutverk í
nýrri söngvamynd Woodys Allens
ásamt Drew Barrymore, Alan Alda
og Júlíu Roberts.
Fáar leikkonur í Hollywood hafa
leikið jafnfjölbreytt hlutverk og fer-
ill farra hefur verið jafhófyrirséðm:
og hennar. En velgengni Goldie
Hawn er óumrædd og hefur hún
halað milljónir doOara inn á mynd-
um sínum.
Og ólíkt öðrum leikkonum, sem
voru hvað frægastar á áttunda ára-
tugnum og þóttu búa yfir kyntöfr-
um, þá hefur hún haldið stöðu
sinni. Meðan Britt Ekland, Ursula
Andress, Jacqueline Bisset, Ali
McGraw og Faye Dunaway hafa
nánast horfið af sjónvarsviðinu er
Goldie Hawn enn eftirsótt í ýmis
hlutverk.
Henni var í upphafi ráðlagt að
forðast kynbombuímyndina og virð-
ist það hafa verið heillaráð. Engu að
síður er hún ein fárra leikkvenna af
hennar kynslóð sem enn getur feng-
ið hlutverk út á kynþokka en ekki
mömmu- eða skessuímynd.
Goldie segist ekkert hafa breyst
og bera myndir af henni kannski
vott um það. Hún er alltaf jafii
stelpuleg og flissar á sama hátt og
þegar hún mætti til prufu í mynd-
veri fyrir mörgum árum og leik-
stjórar féllu fyrir henni. Hún er
grönn og nett en hugsar lítið um lín-
umar. „Maður verður að borða. Ef
mig langar í ís með súkkulaðisósu
þá fæ ég mér ís með súkkulaðisósu.
Svo einfalt er það,“ segir hún.
Hún segist þó roðna af og til ef
sagt er að hún hafi fallegan bossa.
„Slík athugasemd er ekki neikvæð
en maður verður feiminn og sam-
ræður geta farið alveg í strand.“
Goldie hefur búið með leikaran-
um Kurt Russel sl. 12 ár og er það
eitt langlífasta samband tveggja
stjama í Hollywood.
Hún segir samband þeirra mjög
gott og þó hann hitti margar konur
og hún marga karlmenn séu þau ör-
ugg hvort með annað. „En ég hef
verið 27 ár í þessum bransa og veit
að maður á aldrei að segja aldrei,“
segir Goldie Hawn.
Aukablað um 1'(PluVlJR
Miðwkudagirm 25. september mun aukablað um tölvur og
tölvubúnað fylgja DV,
Blaðið verður fjölbreytt og efnismikið en í því verður
fjallað um flest það er viðkemur tölvum
og tölvunotkun.
I blaðinu verða upplýsingar um bæði
hugbúnað og vélbúnað, þróun og markaðsmál
ásamt smáíféttunum vinsælu.
Þeim sem vildu koma á framfæri nýjungum og
efrú í blaðið er bent á að hafa samband við
Jón Heiðar Þorsteinsson í síma 550-5847 sem fyrst.
Þeir auglýsendur, sem hafa áhuga á að auglýsa í þessu ^ jv
aukablaði, vinsamlega hafi samband við Sehnu Rut,
auglýsingadeild DV, hið fyrsta í síma 550-5720. £
Auglýsingar
Sími 550 5000, bréfasími 550-5727.

Larry og Elizabeth þegar allt lék í lyndi og allir voru sáttir.
Larry Fortensky var
með hlaðna byssu
Larry Fortensky er aftur kominn
í klandur. Hvaða Larry? Fortensky,
handlangarinn sem krækti í Eliza-
beth Taylor ilmvatnsdrottningu og
kvæntist henni og skildi svo við
hana.
Larry var handtekinn á sunnudag
fyrir að vera hjálmlaus á vélhjóli
sínu.
Við nánari skoðun lögreglu kom
í ljós að hjólið var ekki með skrá-
setningamúmer og ökuleyfi
kappans var útrunnið. Til aö bæta
gráu ofan á svart fundu löggurnar
svo hlaðna skammbyssu á Larry.
Larry hefúr verið ákærður og
skal hann mæta fyrir rétt í Kaliforn-
íu þann 7. október næstkomandi.
Ekki er þetta í fyrsta sinn sem
Larry kemst undir manna hendur
því í ágúst var hann handtekinn
fyrir fíkniefnaneyslu.