Dagblaðið Vísir - DV - 18.09.1996, Blaðsíða 5
MIÐVIKUDAGUR 18. SEPTEMBER 1996
5
r>v
Fréttir
Leggjumst ekki gegn
notkun lúpínunnar
Hólasandsúrskuröur skipulagsstjóra kærður:
bara að hún berist ekki í mólendi, segir skipulagsstjóri
„í úrskurði okkar er fallist á að
130 ferkílómetra svæði á Hólasandi
verði ræktað upp með lúpínu. Það
hefur enginn mótmælt því að
lúpina, bæði innlend og erlend, sé
notuð við uppgræðsluna," segir
Stefán Thors, skipulagsstjóri ríkis-
ins, um úrskurð embættisins vegna
uppgræðslu Hólasands.
Samtökin Húsgull hafa kært úr-
skurðinn til umhverfisráöherra og
farið fram á að fallist verði á upp-
græðslu Hólasands án skilyrða. Frá-
leitt sé að krefiast þess að erlendar
plöntur berist ekki óheftar út frá
landgræðslusvæðinu, því að ekki sé
til nein skilgreining á hvað lengi
plöntur þurfi að hafa fest rætur í
landinu til að teljast íslenskar.
Krafa þessi sé út i hött og hamli
eðlilegri gróðurframvindu og að það
sé heimska að halda að hægt sé að
tryggja að náttúran gangi ekki sinn
garig. „Þeir hafa fullan rétt til að
hafa þá skoðun," sagði skipulags-
stjóri þegar DV bar þessi ummæli í
kæru Húsgulls undir hann.
Stefán Thors segir að í úrskurðin-
um felist ákveðin varúðarráðstöfun
og það eina sem verið sé að segja sé
að erlendar jurtategundir sem hafa
gefist vel víða og eru kannski dug-
legri að koma sér fyrir heldur en
aðrar íslenskar plöntur, sem fyrir
eru, berist ekki óheftar inn í mó-
lendi og yfirgnæfi þær sem fyrir
eru. Af þessum sökum sé óæskilegt
að sá lúpínu í 200 m breitt belti og á
fundum með Landgræðslunni hafi
þetta verið ítrekað og úrskurðurinn
skýrður, svo og það að grasfræi
verði sáð þar sem rofabörð verða
brotin niður og hætta sé á að lúpína
fari í mólendi.
Stefán Thors segir að niðurstaða
embættisins, sem felst í umhverfis-
matinu og úrskurðinum um upp-
græðslu Hólasands, sé byggð á m.a.
sérfræðiáliti Rannsóknastofnunar
landbúnaðarins. „Þar sem verið er
að gera ákveðna tilraun, þá teljum
við þetta vera eðlilegar varúðarráð-
stafanir. Úrskurður okkar stendur
enn, en hann hefur nú verið kærður
þannig að það er umhverfisráð-
herra að meta hvort skilyrðin sem
við höfum sett séu réttmæt." -SÁ
Hlúð að hlunn-
indabúskapnum
DV, Fljótum
Á tímum samdráttar i hefðbund-
inni landbúnaðarframleiðslu und-
anfarin ár hefur fólk farið að horfa
meira til þeirra hlunninda sem í
sveitunum eru og leitað leiða til að
auka tekjur sínar af þeim. I Fljótum
eru helstu hlunnindi æðarvarp, lax-
og silungsveiði, reki og jarðhiti.
Tekjur landeigenda af æðarvarpi
hafa verið nokkuð sveiflukenndar.
Þar spilar tíðarfar inn í gæði dúns-
ins og verð fyrir afurðina hefur
löngum sveiflast upp og niður. Nú
er hátt verð á æðardúni og þá finnst
æðarbændum talsvert á sig leggj-
andi til að auka varpið.
Fyrir skömmu brugðu eigendur
einnar hlunnindajarðarinnar i
Fljótum á það ráð að hækka einn af
varphólmunum í Hópsvatni um lið-
lega einn metra. Þarna var um að
ræða lágan hólma þar sem varp hef-
ur spillst í vorflóðum sem algeng
eru á þessum slóðum. Verkið var
einfalt í framkvæmd. Fengin var
stór grafa sem mokaði þvi sem
þurfti af jarðvegi upp úr Hópsvatni
og hækkaði þannig hólmann veru-
lega eins og áður sagði. -ÖÞ
Jarðvegi mokað úr Hópsvatni í varphólmann. DV-mynd Örn
Nýnemar hindraðir í að mæta í tíma í VMA:
Kannast ekki við vand-
ræði vegna fjarvista
- segir Haukur Jónsson aðstoðarskólameistari
„Það voru skilaboð frá okkur við
þessa uppákomu sem fylgir þessari
inntöku nýne'ma að krakkamir
þyrftu eftir sem áður að mæta í
tíma. Þeir eru komnir hingað til
þess að stunda nám við skólann og
það er alveg sama hvað eldri bekk-
ingar segja þeim að gera,“ segir
Haukur Jónsson, aðstoðarskóla-
meistari Verkmenntaskólans á Ak-
ureyri, um það að nýnemar væru
látnir gjalda þess ef eldri bekkingar
bönnuðu þeim einhverra hluta
vegna að fara í tíma.
Foreldri hafði samband við DV og
sagðist hafa áhyggjur af því að bam
hennar myndi geta lent í vandræð-
um með mætingarpunkta. Eldri
bekkingar hafi, eins og títt sé í sam-
bandi við busavígslur, tekið nem-
andann úr tíma til þess að láta hann
glósa fyrir sig og svo framvegis.
Þær stundir sem hann misst af
vegna þessa geti haft erfiðleika í för
með sér verði hann eitthvað frá
vegna veikinda seinna í vetur.
Haukur segir að farið hafi verið
fram á það við eldri krakkana að
stilla öllu í hóf og það hafi verið
gert í langflestum tilfellum. Hann
sagðist ekki vita til þess að neinn
hefði lent í vandræðum vegna
þessa.
„Aðdragandinn að busavígslunni
sjálfri, sem reyndar fór mjög vel
fram, var aðeins tveir dagar og þess
vegna þykir mér ótrúlegt að einhver
hafi komið sér í vandræði vegna of
mikill fjarvista. Þar fyrir utan er
fjarvistarkerfi okkar þannig að hver
og einn getur verið býsna mikið frá
námi í flestum greinum, vegna veik-
inda t.a.m., svo mikið reyndar að
enginn annar atvinnurekandi
myndi líða það,“ segir Haukur. -sv
Unnið viö uppsetningu „Ijósatrjánna" viö Akureyrarflugvöll. DV-mynd gk
Sveitarfélög á Suðurnesjum:
Auknar kröfur
um sorpeyðingu
DV, Suðurnesjum:
„Sorpeyðingarstöðina þarf að
endumýja svo hún geti svarað
hertum kröfum sem taka gildi um
aldamótin í sambandi við sorp-
bræðslu. Kröfurnar verða m.a.
þær að reykurinn fari í ákveðna
hreinsun eða þvott áður en hann
fer út í andrúmsloftið,“ sagði Guð-
jón Guðmundsson, framkvæmda-
sfjóri Sambands sveitarfélaga á
Suðurnesjum, við DV.
Guðjón segir að það standi til
að byggja þúsund fermetra hús
yfir planið við Sorpeyðingarstöð
Suðumesja og endurnýja bræðslu-
búnað sem er orðinn gamall eða
frá því stöðin var tekin í notkun
1979. Hann segir að þeir hafi
bræðsluleyfi til aldamóta en þá
þurfi framkvæmdum að vera lok-
ið. Byggt verður í áföngum. í hús-
inu verður móttaka og einnig er
áformað að það inni af hendi vissa
flokkun sorps. Heildarkostnaður
við framkvæmdimar eru á bilinu
250-300 milljónir. -ÆMK
Kona stóð
þjóf að verki
Kona var á leið inn í íbúð sína á
Nýlendugötu á mánudag og mætti
þar manni sem var á leið út úr íbúð-
inni með útvarpstæki hennar í hönd-
unum. Hún þreif tækið af þjófnum
en hann hljóp í burtu. Konan lét lög-
reglu vita og leitaði hún í hverfinu.
Maðurinn er ófundinn. -RR
Akureyrarflugvöllur:
Aðflugsbúnaður
endurbættur
DV, Akureyri:
Þessa dagana er verið að koma
fyrir búnaði fyrir sunnan flugbraut-
ina á Akureyrarflugvelli.
Þórhallur Sigtryggsson, radíóm-
aður hjá Flugmálastjórn á Akur-
eyri, segir að hér sé um að ræða
svokölluð „ljósatré". í sjálfu sér hafi
þessi ljós ekki neina þýðingu aðra
við aðflugið en að auðvelda flug-
mönnum að sjá inn á brautina eftir
að þeir hafa flogið yfir blikkljós sem
eru enn innar í firðinum. -gk