Dagblaðið Vísir - DV - 23.03.1999, Blaðsíða 8
8
ÞRIÐJUDAGUR 23. MARS 1999
Útlönd
Stuttar fréttir dv
Júgóslavneski herinn heröir sókn sína í Kosovo:
Milosevic er alltaf
sami harði naglinn
Richard Holbrooke, sendimaður
Bandaríkjastjómar, sagði í nótt að
viðræður hans og Slobodans Milos-
evic Júgóslavíuforseta hefðu ekki
leitt til neinnar grundvallarbreyt-
ingar á harðlínuafstöðu stjómvalda
í Belgrad til deilunnar um Kosovo-
hérað þar sem meirihluti íbúanna
er af albönsku bergi brotinn.
Atlantshafsbandalagið (NATO)
hefur hótað að gera loftárásir á
Júgóslavíu ef Milosevic lætur sér
ekki segjast við þessa úrslitatilraun
Holhrookes til að stöðva árásir
júgóslavneska hersins á skæruliða
albanskra aðskilnaðarsinna og til
að fá júgóslavnesk stjómvöld til að
fallast á sjálfstjóm Kosovo. Fulltrú-
ar albanska meirihlutans undirrit-
uðu samkomulag þar að lútandi í
París í síðustu viku.
Embættismaður í Washington
sagði að Holbrooke myndi hitta
Milosevic aftur að máli í dag. Hol-
brooke sjálfur var ekki bjartsýnn
um framhaldið eftir fjögurra
klukkustunda fundasetu með Milos-
evic í gærkvöld.
HVERNIG SERBAR GÆTU SKIPT KOSOVO
Sérfræöingar sem hafa rýnt í landakort af Kosovo telja aö með sókn sinni
að undanförnu séu Serbar að leggja grundvöll að skiptingu héraðsins
Mestur auöur Kosovo og helstu járnbrautarlínur og þjóðvegir liggja um mjótt
belti í norður frá Pristina, milli bæjanna Podujevo og Mitrovica
Talið að Serbar reyni að ná
þessu svæði undir sig vegna
auðæva þess (námugröftur,
orkuver) og vegna trúar- og
menningarsögulegs gildis
9
„Ég væri að leiða ykkur á villigöt-
ur ef ég segði að viðræðumar í dag
hefðu leitt til einhverra breytinga
sem máli skipta á stöðunni," sagði
hann við fréttamenn eftir að hafa
upplýst embættismenn í Was-
hington um gang mála.
Holbrooke, sem allajafna er dug-
legur að ræða við fjölmiðla, neitaði
að svara spumingum fréttamanna
og tók á sig náðir um klukkan hálf-
flögur í nótt að staðartíma í
Belgrad.
Milosevic sendi frá sér yflrlýs-
ingu eftir fundinn en minntist ekki
á hann einu orði, hvatti aðeins til
að hafnar yrðu raunverulegar frið-
arviðræður.
Spenna fer vaxandi í héraðshöf-
uðborginni Pristina þar sem þrír
menn féllu í skotárásum og
sprengjutilræðum í gær. Daginn áð-
ur voru fjórir serbneskir lögreglu-
þjónar drepnir í fyrirsát. Stjómvöld
í Belgrad kenna albönskum hryðju-
verkamönnum um tilræðið. Um sjö-
tíu þúsund manns hafa flúið heimili
sín síðustu vikumar.
Friður á brauðfótum
Friöflytjendur á Norður-írlandi
eiga ekki sjö dagana sæla um þess-
ar mundir. Lýðveldissinnar brugð-
ust í gær ókvæða við tilraunum
Breta til að fresta því að sleppa
föngum og fangar IRA eru andvígir
því að afhenda vopn sín í skiptum
fyrir setu í stjóm héraðsins.
Erfitt hjá Prímakov
Jevgeni Prímakov, forsætisráð-
herra Rússlands á erfitt verk fyrir
höndum þegar
hann þarf að
sannfæra emb-
ættismenn í
Washington um
að Rússar eigi
skilið að fá frek-
ari lán frá Al-
þjóðagjaldeyris-
sjóðnum. Prímakov kemur í heim-
sókn til Washington í dag.
Hungursneyð vofir yfir
Hungursneyð vofir yfir í suður-
hluta Súdans, að því er Sameinuðu
þjóðimar greindu frá í gær. Þörf er
á matvælahjálp í skyndi.
Vill banna fiokk
Tyrkneskur saksóknari reynir
nú að láta banna stærsta flokk
múslíma, Flokk dyggðarinnar.
Flokkurinn er með 144 af 550 þing-
sætum.
Níu milljaröar
Jarðarbúar verða 9 milljarðar ár-
ið 2050 samkvæmt nýjustu spám
Sameinuöu þjóðanna. Gert er ráð
fyrir að jarðarbúar verði 6 milljarð-
ar í október á þessu ári.
Raðnauðgari
gómaður í París
Gangbrautarvörður við skóla í
París hefur játað á sig 24 nauðg-
anir síöastliðna 15 mánuði. 15
fómarlamha gangbrautarvarðar-
ins vom ungar stúlkur, allt niður
í 11 ára gamlar.
Nauðgarinn, sem er 25 ára gam-
all, kvaðst hafa valið fómarlömb
sín af handahófi og orðið æstur er
hann heyrði þau hrópa á hjálp
um leið og hann ógnaði þeim með
hnífi í húsagörðum.
Lögreglan lét til skarar skríða á
föstudaginn í kjölfar árása á fimm
stúlkur á þriðjudag og flmmtudag
í miðborg Parísar. Um 50 lög-
reglumenn í borgaralegum klæð-
um tóku sér stöðu og gripu mann-
inn sem fómarlömbin höfðu lýst.
Skóli verður að
viðurkenna
galdranorn
Afburðanemandi í menntaskóla
í Detroit í Michigan i Bandaríkj-
unum má bera merki sem sýnir
galdraiðkun viðkomandi. Skólinn
samdi um þetta við samtök sem
standa vörð um réttindi borgar-
anna. Crystal Siefferly, sem er 17
ára galdranom, segist verða fegin
að málinu skuli verða lokið. Það
hafi í raun ekki bara snúist um
hana og hennar trúarbrögð held-
ur einnig um fjölda annarra
manna og trúarbragða. Skólinn,
sem Crystal gengur í, hafði á und-
anförnum mánuðum bannað
galdra, djöfladýrkun, svartmálað-
ar neglur og vampíruforðun svo
eitthvað sé nefnt.
Streyma til
Monicu í LA
íbúar í Los Angeles streymdu í
gær í bókabúðina þar sem Monica
Lewinsky áritaði nýútkomna bók
sína. En margir þeirra 500 sem
stóðu í biðröð klukkustundum
saman til að sjá konuna sem var
nærri búin að fella forseta Banda-
ríkjanna kváðust aöeins vera
komnir til að fá áritun Monicu.
Þeir höfðu lítinn áhuga á að lesa
bók hennar. Monica þótti líta vel
út þótt hún hefði verið að
skemmta sér fram eftir nóttu í
veislu eftir óskarsverðlaunaaf-
hendinguna.
Hópur íbúa frá hlnu afskekkta Irian Jaya héraði f Indónesíu kom saman fyrir utan þinghúsið í höfuðborginni Jakarta
í gær tll að mótmæla arðráni stórfyrirtækja á náttúruauðlindum héraðsins. Meðal mótmælendanna var þessi glæsi-
legi karl sem brá sér í hefðbundinn skrúða þeirra héraðsbúa f tilefni dagsins. Hermenn fylgjast grannt með.
Ófremdarástand í Norður-Kóreu:
Ríkisrekin glæpastarfsemi
Stjórnvöld í Norður-Kóreu
sökkva sífellt dýpra í glæpafenið eft-
ir því sem landið verður fátækara.
Þau selja nánast hvað sem er til að
afla fjár í ríkiskassann, heróín,
kókaín, amfetamín, falsaða hundrað
dollara seðla, ólögleglegt filabein og
nashyrningshorn, að því er segir í
grein í blaðinu Intemational Herald
Tribune nýlega.
I nýlegri skýrslu frá rannsóknar-
deild Bandaríkjaþings er getið að
minnsta kosti þrjátíu tilvika þar
sem norður-kóreskir stjórnarerind-
rekar hafa smyglað fikniefnum. Á
síðasta ári vom norður-kóreskir
diplómatar handteknir í Rússlandi,
Þýskalandi, Egyptalandi og Japan
fyrir eiturlyfiasmygl. Mikil aukning
hefúr verið á slíku smygli í Japan
þar sem á þriðja hundrað kíló af
amfetamíni vom gerð upptæk í
noröur-kóreskum skipum.
Norður-Kóresk stjórnvöld nota
uppskeru ríkisrekinna valmúaakra
th að framleiða heróín. Bandarisk-
ur embættismaður segir að þegar
erlendir eftirlitsmenn hafi heimsótt
Yongbyon kjamorkuverið 1994 hafi
þeir séð valmúaakur nánast við
húsvegginn.
Norður-Kóreumenn eru alræmdir
fyrir vandaða framleiðslu á fölsuð-
um hundrað dollara seðlum. Sú
framleiðsla átti sinn þátt i að banda-
rísk stjómvöld settu í umferð nýja
tegund hundrað dollara seðla sem
erfitt er að falsa.
Blankheit Norður-Kóreumanna
hafa orðið til þess að sendimenn
landsins erlendis fá ekki lengur
greitt kaup. Þeir verða því að grípa
til eigin ráða til að afla sér fiár.
Stjórnarerindrekar í Afríku hafa
gripið til þess að stunda viðskipti
með fílabein og nashymingshom,
hvort tveggja ólöglegt, og sendi-
menn á Indlandi hafa slátrað hinum
heilögu kúm þeirra Indverja innan
veggja sendiráðsins og selt kjötið af
þeim á svörtum markaði.
„Það sem hræðir okkur mest með
Norður-Kóreu er að hvaða meðöl
sem er virðast helga tilganginn, það
er tilvist stjómkerfisins," segir
Katsumi Sato, forstöðumaður rann-
sóknarstöðvar um Kóreu i Tokyo.
Ákvöröun Pinochet í hag
Breska blaðið the Times greindi
frá því í gær að bresku lávaröam
ir, sem hafa örlög
einræðisherrans
fyrrverandi,
Augustos Pin-
ochets, 1 sínum
höndum, muni
úrskurða að
hann njóti ekki
diplómatískrar friðhelgi. Lávarð-
arnir muni hins vegar einnig úr-
skurða að ekki verði hægt að fram-
selja Pinochet fyrir glæpi sem
hann framdi fyrir árið 1988.
Brjóstastækkun
19 ára bandarískur piltur, sem
greitt haföi brjóstastækkun kæmst-
unnar með krítarkorti móður sinn-
ar, var í gær dæmdur til að greiða
um 100 þúsund íslenskra króna í
sekt auk þess sem hann þarf að end-
urgreiöa aðgerðina. Hann er þar að
auki búinn að missa kærustuna.
Kúrdar mótmæla
Um 200 Kúrdar mótmæltu í gær-
kvöld lokun kúrdískrar sjónvarps-
stöðvar í London. Bresk yfirvöld
lokuðu stöðinni þar sem hún haföi
hvatt til ofbeldisverka.
Ræöir framboösmál
Hillary Clinton, forsetafrú
Bandarikjanna, svaraði loks í gær
spurningum
fféttamanna um
ffamboðsmál.
Hillary, sem er á
ferð um um N-
Afr íkuríki, lét þó
ekkert uppi xnn
framtíðaráætlan-
ir sínar. Hún kvaðst þó vilja halda
áfram að sinna þeim málum sem
hún heföi unnið að í 25 ár. Enn gæti
hún ekki sagt um hvaða farveg hún
myndi finna.
Læknar kæröir
Lögreglan í Stokkhólmi er farin
að kæra lækna sem skrifa lyfseðla
upp á svefnlyfið Rohypnol handa
fikniefnaneytendum. 50 Svíar deyja
árlega af notkun lyfsins. Mörg of-
beldisverk hafa verið framin af
þeim sem eru undir áhrifum
Rohypnols.
Jackson íhugar framboð
Mannréttindaleiðtoginn Jesse
Jackson tilkynnir á morgun hvort
hann ætli í þriðja sinn í framboö
fyrir forsetakosningarnar í Banda-
ríkjunum.