Ársrit Ræktunarfélags Norðurlands - 01.01.1973, Page 5

LANGTÍMAÁÆTLUN NORÐMANNA í
LANDBÚNAÐARRANNSÓKNUM
Hér hefði ekki verið eytt rúmi til að fjalla um þetta mál,
ef ekki væri á öðrum grunni að byggja en persónulegu
mati mínu. Nýlega kom út á vegum Tilraunráðs landbún-
aðarins í Noregi (Norges landbruksvitenskaplige forsknings-
rád, skammstafað NLVF) álitsgerð með heitinu Langtíma-
áætlun í landbúnaðarrannsóknum (Langtidsplan for land-
bruksforskning, Oslo, 1973). Það, sem eftir er af þessari
grein, mun verða varið til að fjalla um þessa álitsgerð. Gerð-
ur verður grófur almennur útdráttur úr henni með áherzlu
á þau atriði, sem varða ísland sérstaklega og bætt inn ís-
lenzkum dæmum.
Álitsgerð þessi er um 100 blaðsíður og skiptist í 7 kafla.
í fyrsta kafla er gerð grein fyrir verkinu. Þar kemur fram
að þessi skýrsla er fjórða langtímaáætlunin, sem samin hefur
verið, síðan ráðið var stofnað árið 1949. Bent er á, að lang-
tímaáætlun sem þessi, þurfi að vera undir stöðugri gagnrýni
og endurskoðun, og það eru einkum þrjár hliðar tilrauna-
starfseminnar, sem athyglin beinist að.
í fyrsta lagi skipulag rannsóknarstarfseminnar, sem að-
lagast þarf tímum sem breytast, einkum þar sem rannsókna-
verkefnin spanna samtímis óskyldar greinar og fleiri en eina
stofnun.
í öðru lagi er verkefni NLVF-langtímaáætlunarinnar að
gera upp á milli og raða rannsóknum og verkefnum, eftir
því hve landbúnaðurinn og þjóðfélagið hefur brýna þörf
fyrir úrbætur áhverju sviði.
í þriðja lagi er það markmið með langtímaáætluninni
að marka almenna stefnu í þessunt efnum og í framhaldi af
því að benda á viðfangsefni, sem ætla má, að vaxandi athygli
beinist að í framtíðinni.
Með því að deila rannsóknum niður í rannsóknarsvið, er
stefnt að því að finna, hvaða vandamál kalla að í land-
búnaði, sem rannsóknarstarfsemin verður að reyna að leysa.
7