Ársrit Ræktunarfélags Norðurlands - 01.01.1973, Blaðsíða 70

ráðlegast er að gera hlé á fjárfestingu um nokkra ára bil, til
að grynna á skuldunum. Þá veltur á, að fyrsta skrefið hafi
verið tekið það langt, að raunveruleg fjármagnsmyndun
eigi sér stað á búinu, þ. e. að framleiðslutekjur geri meira
en að greiða þurftartekjur fjölskyldunnar, vexti og afborg-
anir af föstum lánum.
Þetta eru skilyrði þess, að bóndinn geti vænt sér betri
daga í framtíðinni.
Við gerð búrekstraráætlana og fjárfestingaráætlana, er
nauðsynlegt að hafa aðgang að margvíslegum upplýsingum.
Ég vi! benda hér á það, hve ákaflega mikils virði það væri,
ef til væri handbók með öllum helztu upplýsingum, sem á
þarf að halda við slíka áætlanagerð.1 Eðlilegast væri að vísa
því til búreikningaskrifstofunnar að útbúa slíkar upplýsing-
ar í aðgengilegu formi og láta prenta eða fjölrita.
í þessu riti þyrfti að birta allar handbærar upplýsingar
um kostnað við að reisa landbúnaðarbyggingar af sem flest-
um tegundum og gerðum, kostnað við uppsetningu girð-
inga, ræktun, vélakaup o. fl. Þá þyrftu að vera þar upplýs-
ingar um möguleika á fastalánum, lánstíma, ársgreiðslur af
hinum ýmsu lánum, ennfremur þyrfti að gefa upp lögboðna
styrki. Við gerð rekstraráætlana væri æskilegt að hafa að-
gang að upplýsingum um framlegðartekjur af hinum ýmsu
búgreinum, vinnuþörf þeirra og ennfremur eðlileg afköst
við sem flest bústörf o. m. fl.
Ég sá í Englandi árið 1969 svona handbók, þar sem mjög
margvíslegar upplýsingar var að finna. En meðaltölin hafa
sína annmarka. Einn starfsmaður á þessu sviði í Englandi,
sem einmitt vann við að safna upplýsingum í svona hand-
bók eða fræðslurit varaði við því í samtali, sem ég átti við
hann, hvað hættulegt væri í búrekstraráætlun, að taka með-
altöl sem algildan sannleika. Hann undirstrikaði hvað nauð-
synlegt það væri að taka tillit til aðstöðu á hverjum stað og
i Á ráðunautastefnunni 26.—31. marz 73 lagði K.A.H. fram fjölrit mcð vísi
að slíku upplýsingasafni.
74