Ársrit Ræktunarfélags Norðurlands - 01.01.1973, Blaðsíða 87

smiðju við fjós sitt og framleiðir byggingarvörur úr allri
þeirri mykju, er hann fær úr sínum tuttugu þúsund holda-
nautum.
Hér að ofan hefur verið sagt frá því hvernig stórbúskapur
Ameríkanans varð til þess — út úr neyð — að fundið var upp
byggingarefni úr mykju. Aldagömul saga úr Indlandi hefur
reyndar endurtekið sig hér, þó ekki verði hægt að segja að
sambærileg sé, þar sem Indverjar í fátækt sinni notuðu,
fyrir mörgum árum, þurrkaða kúamykju úr sínum heilögu
kúm til kofahygginga.
Rannsóknir eru einnig í gangi víða í heiminum með að
umbreyta mykju í próteinauðugt fóður handa jórturdýrum,
þá hefur áhurður undan svínum líka verið notaður í til-
raunaskyni sem fóður.
Hér lýkur tilvitnun í hið danska blað. Eins og af þessu
sést er það ofarlega á baugi hjá mörgum þjóðum að koma
húfjáráburðinum í sképnufóður. Þeir erfiðleikar, sem víða
hafa skapazt hér á landi við að fjarlægja mykju, verða þó
varla leystir með því að breyta henni í fóður, enda rétt fyrir
íslenzka bændur að reyna i lengstu lög að koma mykju og
öðrum búfjáráburði í flög eða á túnin og með því reyna að
ná nýbrotnum og nýlega frágengnum túnum í viðunandi
rækt, en slíkt verður trauðla gert með íslenzkan jarðveg
nema á hann, eða þó öllu frekar í hann, verði borið verulegt
magn af búfjáráburði. Þá erfiðleika, sem við er að etja, í
sambandi við losun á haughúsum og útkeyrslu á þessum
áburði, verða tæknimenn að leysa. Sú aðferð, sem eitthvað
hefur þekkzt hér á landi, að setja hauginn í bæjarlækinn er
forkastanleg og því verður að hætta sem fyrst. Kemur þar
hvort tveggja til, að hér er dýrmætum efnum fleygt og um
leið eru ár og lækir í mikilli mengunarhættu. Þó eigi sé
ástæða til að breyta íslenzkum búfjáráburði í fóður á næstu
árum, þá bendir margt til þess, að einungis sé tímaspursmál
hvenær hænsnaskítur og ef til vill ýmis konar annar búfjár-
áburður verði hér í erlendum fóðurblöndum, og hver veit
nema hinir ótrúlegustu hlutir, merktir „Made in USA“, séu
gerðir úr kúamykju.
91