Ársrit Ræktunarfélags Norðurlands - 01.01.1973, Síða 12

rannsóknirnar upp út frá þörfum manna t. d. á mat, hús-
næði, klæðnaði, tómstundaiðju o. s. frv. Þróun í áttina að
sérhæfðum rannsóknum og undirstöðurannsóknum hefur
hins vegar óhjákvæmilega haft í för með sér samvinnu ólíkra
sérgreina, bæði laus- og fastbundina sem spanna þvert yfir
báðar fyrrnefndar skiptingar.
Ráðið hefur því kosið að skipa rannsóknasviðunum niður
á þann hátt að byrja á þeirri undirstöðu, sem náttúran
leggur mönnum í hendur undir ræktun jurta og aðra hugs-
anlega hagnýtingu lands. Síðan taka við þau verksvið, þar
sem þessi undirstaða ásamt þekking á lögmálum lífsins og
tæknilegum hjálpartækjum nýtast í ræktuninni.
Sú framleiðsla i'ir jurtaríkinu, sem menn neyta ekki beint
eða nota óbreytta á annan hátt, gengur síðan áfram í fóður
húsdýra eða til iðnaðar og ýmis rannsóknasvið fylgja þeim
eftir.
Að lokum koma svo þau rannsóknasvið, þar sem hinn
mannlegi þáttur er tekinn fyrir, t. d. pólitískar hliðar við
framleiðslu matvæla og önnur þjóðfélagsleg vandamál land-
búnaðarins. í þessari skiptingu er sérhvert rannsóknarverk-
efni, sem álitið er brýnt að sinna, rætt innan rannsókna-
sviðs síns. Jafnframt er lögð áherzla á, að fjölmörg hinna
hefðbundnu verkefna eru nauðsynleg eftir sem áður.
Leitast er við að sundurliða sem mest, á hvaða verkefni
landbúnaðarrannsóknir eigi að beita kröftum sínum í ná-
inni framtíð, en að sjálfsögðu er gert ráð fyrir, að ný sjónar-
mið eigi aðgang, eftir því sem framtíðin og þróunin leiðir
þau í ljós. Með því móti er þess vænzt, að áþreifanleg um-
gjörð fáist um þau tímabundnu verkefni, sem verið er að
vinna að.
Hér á eftir verða talin upp þau rannsóknasvið, sem nefnd
eru í álitsgerðinni.
Mörg þeirra eiga jafnt við á Islandi og í Noregi, en önnur
kalla lítið eða ekki að hér á landi. Þar njótum við og gjöld-
um norðlægrar legu landsins, veðurfars og einhæfari bú-
skaparhátta, sem af því og fámenni þjóðarinnar leiðir.
Til skýringar og útfyllingar á því, hvað felst í hverju
14