Ársrit Ræktunarfélags Norðurlands - 01.01.1973, Side 24

Félagsleg vandamál og léleg afkoma íbúa afskekktra
byggðarlaga.
Fækkun fólks í afskekktum landshlutum er alþekkt þjóð-
félagslegt vandamál og um leið mál landbúnaðarins. Með
þeirri þróun, sem nú á sér stað eru ýmis byggðarlög í hættu
um að leggjast í eyði. Fækkun fólks í einni sveit getur valdið
erfiðleikum um að halda uppi búsetu með eðlilegri opin-
berri þjónustu í nálægum sveitum og þannig getur sveitum,
sem nú er ekki hætta búin, verið síðar hætta búin með sama
áframhaldi.
Fllutverk landbúnaðarrannsókna er að gera róttæka hag-
fræðilega og félagsfræðilega könnun á þeim slóðum, þar
sem fækkun fólks á sér stað. Með því móti er unnt að leggja
grunninn að því að snúa vörn í sókn.
Landbúnaður í grennd við þéttbýli.
Landbúnaður, sem rekinn er í grennd við þéttbýli býr við
sérstök vandamál. Meðal þeirra má nefna:
a) Atroðningur um ræktunarlönd og sóðaleg umgengni
óviðkomandi aðilja.
b) Tilboð um aðra vinnu með fljótteknari tekjum freista
manna til að leggja ekki sömu rækt við búskapinn og
annars. Búrekstur með aðkeyptu vinnuafli á í vök að
verjast.
c) Verð á lóðum og lendum hækkar vegna annarra notk-
unarmöguleika á þeim en til biirekstrar.
Á hinn bóginn er að vaxa áhugi þéttbýlisbúa á að geta
stundað smábúskap með aðalvinnu sinni. Gunnar Bjarna-
son ráðunautur hefur skrifað yfirlitsgrein um það efni.
(Morgunblaðið 29. apríl 1973).
Frœðsla, ráðgfafastarfsemi og önnur upplýsingastarfsemi
í landbúnaði og dreifbýli.
Nýjar rannsóknaniðurstöður koma stöðugt fram. Hins vegar
gengur ekki eins greiðlega og æskilegt væri að miðla þeim
út og fræða þá, sem eiga að hagnýta sér þær. Með því er
einnig átt við, að sérfræðingar, sem vinna á þröngu sviði
26