Ársrit Ræktunarfélags Norðurlands - 01.01.1973, Side 26

þau svið, sem nefnd eru hér að framan, flokkast hér á landi
ekki undir landbúnaðarmál né landbúnaðarrannsóknir, en
í álitsgerðinni er fjallað um þau verksvið, sem heyra undir
landbúnaðarráðuneytið í Noregi.
Sum þeirra rannsóknasviða, sent talin hafa verið upp, eru
lítilvæg hér á landi. Þessi sundurliðun á þó að geta verið
nokkurt fordæmi að þeirri heildarmynd af stöðu rannsókn-
anna, sem skort hefur hér á landi. Sem tilbúið dæmi til að
skýra þetta nánar væri unnt að hugsa sér áburðartilraun,
sem áætlað væri að gæfi landbúnaðinum eina milljón króna
í hagnað á ári. Við hlið hennar væri lögð áætlun um fóðr-
unartilraun, sem áætlað væri, að gæfi fimm milljón króna
hagnað á ári, þegar niðurstöður lægju fyrir. í þriðja lagi
gæti sama fjárhæð hugsanlega leyst vanda afskekktrar sveit-
ar, þannig að líkur minnkuðu á, að byggð leggðist þar og í
hliðstæðum sveitum niður.
Slíkt er það mat efnislegra og ómetanlegra gæða, sem ráð
valinna manna, t. d. núverandi tilraunaráð, á að gera. í
mörg horn er að líta, en fjárveitingar eru takmarkaðar.
Ákvarðanir og rökstuðning ráðsins ber síðan að kynna, eins
og gjörðir annarra aðilja, sem ráðstafa opinberu fé.
Með þessu er ekki ætlazt til smásmygli í vali rannsókna-
verkefna. Undirstöðurannsóknir, sem eru þess eðlis, að erfitt
er að meta árangur þeirra til fjár, eiga að hafa fulla sam-
keppnisaðstöðu við hagnýtari verkefni, innan þess ramma,
sem íslenzkt þjóðfélag og fjárhagsgeta setur.
Fróðlegt er að kynnast, hve landbúnaðarrannsóknir eru
miklar umfangs í Noregi. Árið 1970 var varið til þeirra 73.8
milljónum króna norskra, sem svarar til um 1100 milljóna
íslenzkra króna. Árið 1973 nemur þessi upphæð rúmum
1300 milljónum króna, og stefnt er að því, að þessar fjár-
veitingar aukist um 9% árlega næstu fjögur ár.
Árið 1970 unnu 1371 sérfræðingur og aðstoðarmenn
þeirra að rannsóknum, en þeir unnu einnig að fleiri störf-
um, svo sem kennslu og leiðbeiningastörfum, þannig að
reiknað er með, að 878 ársverk hafi farið til rannsókna.
Til að gera samanburð á þessum tölum og sambærilegum
28