Íslendingaþættir Tímans - 27.10.1971, Blaðsíða 2

grím Sigurðsson frá Vatnsenda í
Héðinsfirði. Var Ásgrímur mikill
vinur þeirra félaga, átti með þeim
skipin Kristjönu og Sigurð, og
var skipstjóri á þessum skipum.
Árið 1928 varð Þorvaldur að
hætta sjómennsku vegna heilsu-
brests. Tók hann þá við stjórn
Sparisjóðs Ólafsfjarðar, og var for
stjóri hans til síðustu áramóta, eöa
í 42 ár samfleytt. Samhliða því
starfi hafði hann bókhald fyrir
rekstur þeirra félaga, og vann ýms
landvinnustörf í því sambandi.
Einnig annaðist hann bókhald fyr-
ir Hraðfrystihús Ólafsfjarðar um
skeið. í hreppsnefnd var hann 1
mörg ár og oddviti um tíma, og
auk þess gegndi hann ýmsum öðr-
um trúnaðarstörfum fyrir byggðar
lagið. Lengst af starfaði hann einn
við Sparisjóðinn, en er starfið varð
það umfangsmikið, að hann ann-
aði því ekki einn, fékk hann sér
til aðstoðar frænda sinn, Þorvald
Þorteinsson, sem nú veitir Spari-
sjóðnum forstöðu. Öll störf sín
rækti Þorvaldur Sigurðsson með
sérstakri snyrtimennku og sam-
vizkusemi. Það var því ekki að
ástæðulausu að hann var kjörinn
heiðursborgari Ólafsfjarðarkaup-
staðar á sjötugs afmæli sínu 1957.
Þorvaldur andaðist í Fjórðungs-
sjúkrahúsinu á Akureyri 2. ágúst
s.l. eftir stutta legu.
Þorvaldur Sigurðsson var mynd
arlegur og virðulegur að vallarsýn,
og sérstakt prúðmenni í allri fram
göngu. Hann var alla tíð hlédræg-
ur og ekki gefinn fyrir að trana
sér fram, en enginn þurfti að tvíla
orð hans eða gerðir. í vinahópi var
hann glaðvær og skemmtilega
spaugsamur, og ef hann tók að sér
hlutverk í sjónleik, þá komu fram
hjá honum sérstakir hæifleikar.
Ég naut þeirrar ánægju að sjá'
hann leika Skrifta-Hans í „Ævin-
týri á gönguför“, og svipbrigði
hans og söngur hrifu mlg svo, að
það er mér ógleymanlegt. Hann
var vinur vina siifna og hjálpsam-
ur þeim, er til hans leituðu. Þeg-
ar hann í dag er lagður til hinztu
hvíldar við hlið konu sinnar í
Fossvogskirkjugarði, kveðja Ólafs-
firðingar hann með þökk og virð-
ingu, og minnast hans sem vinar
og samferðamanns, er aldrei
gleymist.
11. ágúst 1971.
Rögnvaldur Möller.
t
Þorvaldur Sigurðsson, fyrrver-
andi sparisjóðsstjóri í Ólafsfirði, er
látinn og borinn til moldar, þegar
þessi fáu orð birtast. Hann fæddist
að Höfða á Höfðaströnd árið 1887,
sonur hjónanna Sigurðar Pálsson-
ar og Jónínu Jónsdóttur.
Þorvaldur fluttist snemma til
Ólafsfjarðar ásamt foreldrum sín-
um og bjó þar til dauðadags. Hann
rak þar lengi útgerð og fiskverk-
un ásamt mági sínum Þorsteini
Þorsteinssyni, en þeir voru svo
samrýndir, að þeir voru ávallt
nefndir „félagarnir“ í daglegu tali.
Þorvaldur gegndi fjölmörgum
trúnaðarstörfum fyrir Ólafsfirð-
inga. Hann var m.a. lengi í hrepps-
nefnd Ólafsfjarðar og oddviti henn
ar um langt skeið. Lengst og mest
hefur Þorvaldur þó unnið Spari-
sjóði Ólafsfjarðar. Hann hóf þar
störf árið 1929 og gegndi þeim
óslitið fram á síðustu áramót. Það
er ekki ofsagt, að þess munu fá
dæmi að maður hafi helgað sig af
jafn mikilli alúð og eljusemi starfi
sínu og Þorvaldur gerði. Fyrir
þetta og hægláta, en umfram allt
góðviljaða, framkomu sína ávann
hann sér slíkt traust og virðingu
allra, sem höfðu viðskipti við spari
sjóðinn, að þess munu fá eða eng-
in dæmi um menn, sem slíkum
störfum gegna. Ég minnist þess
ekki að hafa heyrt að nokkur sviki
Þorvald um endurgreiðslu á láni
eða kæmi slíkt til hugar, og þá
þótti mönnum sem þeir hefðu þeg-
ar fengið féð í hendur, þegar Þor-
valdur hafði sagt að hann skyldi
reyna að hjálpa þeim við þau hugð
arefni, sem menn glímdu við.
Kunningi minn, sem víða hefur far
ið og kynnzt mörgu á sviði við-
skipta og fésýslu, sagði eitt sinn
við mig: Það er ég viss um, að Þor
valdur Sigurðsson er einstæðasti
bankástjóri í veröldinni.
Það er mikil gæfa hverjum
þeim, sem kynnist slíkum mann-
kostamanni og Þorvaldur var. Ég
er einn af þeim, sem á honum slík
kynni að þakka. Á þeim árum, sem
mér var falið að hafa nokkra um-
sjón með fjármálum Ólafsfjarð-
arkaupstaðar, þurfti ég oft til hans
að leita. Um þau viðskipti þurfti
aldrei að hafa mörg orð enda var
Þorvaldur allra manna orðfæstur.
Óskráð lög voru þeim betur haldin
af báðum og stundum fór svo að
mér blöskraði umburðarlyndi
hans, þegar illa stóð á fyrir mér,
en fyrir bragðið lét ég það verða
mitt fyrsta verk að leggja inn hjá
Þorvaldi, þegar betur gekk. Ég
ætla að margir Ólafsfirðingar hafi
svipaða sögu að segja. Hann var
gerður að heiðursborgara Ólafs-
fjarðarkaupstaðar á sjötugsafmæli
sínu, sá fyrsti og eini, sem þá
sæmd hefur hlotið, og mun öllum
hafa þótt honum með því sýndur
verðugur sómi.
Þorvaldur var kvæntur Kristínu
Þorsteinsdóttur Jónssonar frá Hól-
koti í Ólafsfirði. Kristín var mikil
húsmóðir og var heimili þeirra
gestkvæmt, einkum þegar Þorvald
ur var forustumaður í hrepps-
nefnd. Heimili þeirra bar rausn og
mannkostum þeirra beggja vitni.
Þeir Þorsteinn og Þorvaldur reistu
snemma veglegt hús í Ólafsfirði,
seín ætíð hefur verið nefnt „Fé-
lagahúsið“. Það er enn í dag með
reisulegri húsum í Ólafsfirði, hlý-
legt og rismikið, og umhverfis það
er fegursti garður, sem til er í
byggðarlaginu. Þessi garður var
yndi Kristínar og mun varðveita al
úð hennar og smebkvísi um ókom-
in ár. Ekki var fátitt að sjá Þor-
vald ganga út í garðinn á síðari
árum og njóta þar handarverka
konu sinnar í fegurð trjáa og gróð
urs. Kristín lézt árið 1962. Þau
Kristín og Þorvaldur áttu eina dótt
ur barna, Sigurbjörgu, sem er gift
Jóhannesi Elíassyni bankastjóra í
Reykjavík. Einnig ólu þau upp
Jakobínu Jónsdóttur, sem nú býr
í Kaupmannahöfn.
Þorvaldur Sigurðsson var fjöl-
mörgum hæfileikum búinn. Hann
var söngmaður og leikari svo góð-
ur, að af bar. Síðan hann lék
Skrifta-Hans í Ævintýri á göngu-
för, hefur jafnan verið örðugt að
leika það hlutverk í Ólafsfirði
jafnvel fyrir beztu leiikara þjóðar-
innar. Meðfædd hógværð og hlé
drægni Þorvaldar réðu því að
þessi sem aðrir eðlisþættir í skap-
höfn hans voru ekki á vitorði
þeirra, sem ekki höfðu kynnzt hon
um fyrj^á árum. Hárfín kímni hans
og skopskyn gat þó ebki dulizt
þeim, sem brugðu við hann á glens,
þá var eins og allur persónuleiki
hans ljómaði í góðlátlegu brosi.
Ég flyt ástvinum Þorvaldar inni-
legustu samúðarkveðjur og öllum
þeim, sem sakna þessa miikla
drengsikapar- og eljumanns. Ég
2
ÍSLENDINGAÞÆTTIR