Íslendingaþættir Tímans - 27.10.1971, Blaðsíða 6

NG
Kristján Sigurðsson
bóndi Auðshaugi
bæði tréverk og múrverk. Hann
kvæntist skömmu eftir 1930 eftir-
lifandi konu sinni. Fjólu Hólm
geirsdóttur bónda í Fossseli og
konu hans Guðfinnu Sigurjóns-
dóttur frá Miðhvammi. Þau
bjuggu fyrst í Glaumbæjarseli, en
fluttu síðan að Hömrum í Reykja
dal ásamt fjölskyldu Fjólu. Þar
bjuggu þau í nokkur ár, unz Stef-
án fékk til ábúðar jörðina Hjalla
og flutti þangað ásamt Hólmgeiri
tengdaföður sínum og börnum
hans, Sigrúnu og Njáli. Bjó Stef
án á þeirri jörð til dauðadags.
Stefán og Fjóla höfðu aldrei
stórt bú, en komust þó sæmilega
af efnalega, enda bæði vel verki
farin. Hann var velvirkur og harð-
skarpur til vinnu meðan heilsan
entist, vel búhagur, hirðusamur og
natinn við fjárgeymslu, en hafði
þó ekki áhuga á sauðfjárrækt eða
jafn gott auga fyrir sauðfé og fað
ir hans hafði. Hjónaband þeirra
Fjólu var mjög gott svo þar bar
ekki skugga á, að því er ég bezt
veit. Þau eignuðust 4 börn, sem
öll eru uppkominn. Þau eru: Guð-
ný gift húsmóðir á Tjörnesi, Ás
geir, kvæntur og stundar ýmsa
vinni 1 Reykjadal, Erlendur Tóm
as, kvæntur bóndi á Hjalla og Guð-
finna, sem býr ógift með móður
sinni.
Heimilislífið á Hjalla bar jafnan
léttan og glaðværan blæ. Það
mátti með sanni segja, að oft var
„glatt á Hjalla“, þegar gesti bar að
garði. Bæði voru hjónin söngvin
og söngelsk. Húsfreyjan lék á org
el og hafði bæði mikla og góða
söngrödd. Húsbóndinn lék á
fiðlu og stundum á harmónikku
og orgel, og var þá oft tekið lag-
ið. Og ekki voru þeir fúlir á mann
inn, Hólmgeir faðir húsfreyj
unnar eða Njáll bróðir hennar, og
munu Reykdælir þekkja það vel.
Um leið og ég þakka Stefáni
frænda mínum margar ógleym-
anlegar samverustundir frá barn
æsku til hins síðasta, sendi ég
Fjólu á Hjalla og börnum
hennar og barnabörnum hug
heilar samúðarkveðjur. Frá konu
minni flyt ég einlægar kveðjur.
Hún kom úr öðrum landsfjórðungi
inn á Hjallaheimilið, þar öllum
ókunnug, og batzt þar þeim bönd
um, sem eigi hafa slitnað síðan.
Kópavogi í febrúar 1970,
Geir Ásmundsson frá Víðum.
Hinn 11. f.m. andaðist í Sjúkra-
húsi Patreksfjarðar Kristján Sig-
urðsson bóndi að Auðshaugi í
Barðastrandarhreppi. Hann fædd-
ist 10. júlí 1909 að Auðshaugi, son
ur hjónanna Valborgar Þorvalds-
dóttur og Sigurðar Pálssonar cand.
phil, sem þar bjuggu. Voru þau
bæði af merkum ættum. Valborg
var dóttir Þorvalds Stefánssonar
prests að Hvammi í Norðurárdal
og Kristínar konu hans, — og syst-
ir séra Jóns Þorvaldssonar prests
að Stað á Reykjanesi og Árna Þor-
valdssonar menntaskólakennara á
Akureyri. Hún var stjúpdóttir séra
Bjarna Símonarsonar prófasts á
Brjánslæk. Sigurður, faðir Kristj-
áns, var sonur Páls Pálssonar
bónda og alþingismanns á Dæli í
Víðidal, og bróðir séra Jóns Pálsson
ar prests að Höskuldarstöðum og
hálfbróðir Vigdísar, konu séra
Gísli Einarssonar í Stafholti.
Á Auðshaugi ólst Kristján upp
í stórum systkinahópi, en systkini
hans eru öll á lífi nema Bjarni,
sem var sjúkrahúslæknir á ísa-
firði og í Keflavík. Ilann lézt 1.
júlí 1958. Hin systkinin eru: Þor-
valdur bókbindari í Reykjavík,
Kristín húsfrú í Reykjavík, séra
Jón Árni í Grindavík og Friðþjóf-
ur og Páll, sem báðir eiga heima
að Auðshaugi. Einnig átti Kristján
þrjá hálfbræður, þá Konráð, Jón
og Gunnar.
Móðir Kristjáns lézt 1919, og var
það þungt áfall fyrir hið barn-
marga heimili. Lán Sigurðar og
barnanna var það, að þangað réðst
sem bústýra, María Jónsdóttir frá
Miðjanesi í Reykhólasveit, hin ágæt
asta stúlka, sem síðar varð kona
Sigurðar. Eignuðust þau einn son,
Gunnar, sem er kennari í Reykja-
vík. Reyndist María börnum Sig-
urðar alla tíð sem móðir.
Kristján og Friðþjófur, bróðir
hans, bjuggu með föður sínum að
Auðshaugi unz hann lézt, en tóku
síðan við búinu. Um það leyti
kvæntist Kristján. Kona hans Ann-
etta er af færeyskum uppruna.
Varð þeim sex barna auðið, og eru
þau: Valborg, sem búsett er í
Reykjavík, Sigurður, Már, Kristín,
Jakobína og Bjarni, sem öll eru í
foreldrahúsum. Öll eru börnin hin
mannvænlegustu.
Jörðin Auðshaugar hefur tekið
miklum stakkaskiptum á undan-
förnum árum. Landið hefur verið
ræktað og nýtt íbúðarhús verið
byggt. Allt, innra sem ytra, er þar
með mesta myndarbrag. Ánægju-
legt var að koma að Auðshaugi,
enda heimilið fallegt og hjónin
gestrisin og glaðleg í viðmóti.
María, stjúpmóðir Kristjáns, hefur
alla tíð dvalizt hjá þeim hjónum,
er hún nú á níræðisaldri. Einnig
hefur dvalizt þar Páll, bróðir
Kristjáns, sem er fatlaður. Hafa
þau hjón verið Maríu og Páli mjög
nærgætin og góð.
Kristján var hæglátur maður og
hlédrægur að eðlisfari, en greind-
6
ÍSLENDINGAÞÆTTIR