24 stundir - 11.06.2008, Blaðsíða 12

12 MIÐVIKUDAGUR 11. JÚNÍ 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Gunnhildur Arna Gunnarsdóttir
Björg Eva Erlendsdóttir
Magnús Halldórsson
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Eldsneytisverð hefur aldrei verið hærra. Bensínverðið hækkaði um 6 til
7 krónur hjá stóru olíufélögunum í fyrradag. Algengt bensínverð í sjálfs-
afgreiðslu nam rúmum 170 krónum á lítrann. Með þjónustu er nú algengt
að greiða um 179 krónur fyrir lítrann. Minni olíufélögin fylgdu þeim
stóru eftir í gær.
Nú reynir á þolmörkin. Hve hátt má olíuverðið verða áður en fólk sam-
einast um bílana? Þrátt fyrir metverð sjást bílstjórar einir í bílunum, eins
og Íslendinga er siður.
Bíll við bíl stendur á bílasölum og því heppni ef tekst að selja þá, en fjöl-
skyldur ákveða hugsanlega að leggja bílum sínum nú þegar olíuverðið
hækkar.
Met eru sí og æ slegin í verðlagi á olíu á heimsmarkaði þessa dagana.
Verðið hefur gríðarleg áhrif á pyngju almennings. Olíuverðið hefur ekki
aðeins áhrif á hve mikið kostar að dæla á bílana, heldur birtist hátt elds-
neytisverð einnig í hærri flutningskostnaði matvara og annarra aðfanga.
Þar borga neytendur einnig brúsann á endanum.
Með svo háu olíuverði má búast við því að dragi úr einkaneyslu. Það
hefur áhrif á afkomu fyrirtækjanna í landinu. Haldi eldsneytisverð áfram
að hækka og hækka verður efnahagslægðin; samdrátturinn sem fólk finn-
ur nú fyrir í samfélaginu, enn krappari en reiknað var með.
Og þá þurfa yfirvöld að vera undirbúin. Það þýðir ekki að ríkið eigi að
lækka álögur á eldsneyti. Verðið er lægra en í samanburðarlöndum. Hægt
er að láta peningana, sem streyma af olíusölu í ríkiskassann, renna til al-
mennings með öðrum hætti en að treysta olíufélög-
unum til að skila skattinum til neytenda með lægra
eldsneytisverði.
Stjórnvöld hafa vonandi lært af biturri reynslu að
treysta kaupmönnum varlega fyrir því að skila lægri
skatti út í verðlagið, samanber þegar matarskatturinn
var lækkaður í sjö prósent í mars í fyrra. Það er ekki
eðli viðskipta að gefa ágóða frá sér.
Þá verður að horfa á staðreyndir. Landinn kýs
einkabílinn. En hækki olíuverðið enn á heimsmarkaði
kemur að því að einhverjir verða að kjósa peninginn
umfram þægindin og ferðast með strætó.
Almenningssamgöngur hafa ekki verið draumur
sérhvers manns. En verður þá ekki að biðja um að
strætó skili fólki á leiðarenda fljótt og örugglega?
Hver borgar
bensínbrúsann?
Það, sem er svo fáránlegt í þessu
öllu saman, er að allir aðrir en
borgarfulltrúar Sjálfstæðisflokks-
ins sáu að Hanna
Birna var eina
manneskjan sem
hafði það sem
þarf til að verða
borgarstjóri.
Hún á mjög
vandasamt verk
fyrir höndum, en
þá á ég ekki við
að hún eigi ekki eftir að valda því
að vera borgarstjóri því ég efa
ekki að það geti hún gert og jafn-
vel ágætlega, það eru ólátabelg-
irnir í meirihlutanum í Reykjavík
sem ég hef áhyggjur af. Finnst
mér líklegast að hún byrji að
undirbúa sig með því að lesa
uppeldisbækur áður ...
Bryndís Ísfold Hlöðversdóttir
bryndisisfold.blog.is
BLOGGARINN
Vandasamt verk
Þessar áhyggjur Samfylking-
arinnar nú af stöðu lítilmagnans í
réttarríkinu Íslandi gagnvart rík-
isvaldinu með því
að máta mál
milljarðamæring-
anna í Baugi inn í
þá stöðu eru af-
káralegar. Baugs-
menn hafa átt
greiðan aðgang
að fjölmiðlum og
þeim hefur held-
ur ekki orðið skotaskuld úr því
að greiða fyrir fima lagavörn og
bestu sérfræðiaðstoð erlendis
frá …
Það er greinilegt að forystu Sam-
fylkingarinnar þykir að þeir með
þykkari veskin eigi að vera jafnari
fyrir lögunum en aðrir.“
Sigurjón Þórðarson
sigurjonth@blog.is
Þykk veski
Forystumenn borgarstjórnar-
flokksins gripu reyndar fyrst til
þess ráðs að kenna umræðunni
um: Umræðan
hefði verið
sjálfstæð-
ismönnum afar
erfið!
Þegar hinir al-
mennu sjálf-
stæðismenn –
sem hingað til
hafa verið tald-
ir afar hollir sínum flokki –
héldu hins vegar áfram að refsa
borgarfulltrúunum gat hóp-
urinn ekki lengur stungið höfð-
inu í sandinn.
Þeir litu í eigin barm. Hættu að
berjast um borgarstjórastólinn
að ári og sameinuðust um að
Hanna Birna yrði þar í forystu.
Arna Schram
arna.eyjan.is
Erfið umræða
Gunnhildur Arna
Gunnarsdóttir
gag@24stundir.is
Heimaþjónusta við sjúklinga sem eru í
meðferð vegna krabbameins snýst mun
fremur um lífsgæði en um peninga. Það er hins vegar
aukabónus að kostnaður samfélagsins við slíka þjónustu
er minni en ef viðkomandi sjúklingur er inniliggjandi á
sjúkrahúsi. Í grein í 24 stundum í gær er greint frá meist-
araprófsrannsókn í heilsuhagfræði, sem Ragna Dóra
Rúnarsdóttir hjúkrunarfræðingur gerði. Þar kom fram
að heimaþjónusta frá Landspítala sem hluti af meðferð
við brjóstakrabbameini kosti hið opinbera að meðaltali
um helminginn af því sem meðferðin kostar, fari hún að
öllu fram á spítalanum.
Ríflega 20 ár eru síðan skipulögð sérhæfð heimahjúkrun
við krabbameinssjúka var sett á laggirnar sem í fyrstu var
tilraunaverkefni sérhæfðra hjúkrunarfræðinga sem
sinntu hjúkrun deyjandi sjúklinga í heimahúsum. Árið
1989 var gerður samningur milli félaga hjúkrunarfræð-
inga og TR og fóru þá þessir hjúkrunarfræðingar inn á
þann samning. Samningurinn hefur reynst mikið lukku-
spor og hafa hundruð sjúklinga og fjölskyldna þeirra
notið hennar. Mikil viðhorfsbreyting kom í kjölfarið og
nú þykir það hluti af lífsgæðum að fá hjúkrunarþjónustu
heim. Þjónustan er ekki bundin við líknarhjúkrun, en
hún er einnig innan annarra sérsviða hjúkrunar. Fyrir
nokkrum árum tók Landspítalinn upp sambærilega
þjónustu og fluttust m.a. hjúkrunarfræðingar sem áður
höfðu starfað með Krabbameinsfélaginu yfir til spít-
alans. Hún hefur aukist að umfangi. Því ber að fagna.
Fyrir nokkrum árum gerðu Félag íslenskra hjúkr-
unarfræðinga og Tryggingastofnun ríkisins sameig-
inlega úttekt á þjónustu sjálfstætt starfandi hjúkr-
unarfræðinga í heimahúsum sem voru á samningi aðila.
Jafnframt var gerður samanburður á
kostnaði við þessa þjónustu, væri hún
veitt inni á sjúkrahúsi. Niðurstaðan
var sambærileg og í rannsókn Rögnu
Dóru. Hér er um gæðaþjónustu að
ræða sem er fjárhagslega hagkvæm
fyrir samfélagið og eykur lífsgæði
þeirra sem hennar njóta. Ekkert ætti
því að vera að vanbúnaði að þróa slíka
þjónustu áfram. Það er hagur allra.
Höfundur er formaður heilbrigðisnefndar
Alþingis
Þjónustan snýst um lífsgæði
ÁLIT
Ásta Möller
astamoller
@althingi.is
Áratuga ending
Mest selda heimilisvél heims í 65 ár
Sérstök brúðkaupsgjöf
Öll brúðhjón fá glæsilega svuntu með ísaumuðum nöfnum sínum og brúðkaupsdegi
Íslensk matreiðslu- kennslubók í lit ásamt alþjóðlegum uppskriftum fylgir.