24 stundir - 11.06.2008, Blaðsíða 18
18 MIÐVIKUDAGUR 11. JÚNÍ 2008 24stundir
Eftir Björn Braga Arnarsson
bjornbragi@24stundir.is
„Þemað hjá okkur er einfalt, það
er náttúran og útivist. Við erum
úti meira og minna allan tím-
ann,“ segir Hreiðar Oddsson, for-
stöðumaður sumarbúða á Úlf-
ljótsvatni. „Dagskráin er ákaflega
fjölbreytt. Þetta eru náttúrlega
sumarbúðir skáta og við vinnum
svolítið út frá skátastarfinu,“ segir
hann.
„Hér er tjaldað og sofið undir
berum himni, við erum með
hæsta klifurturn á landinu og svo
erum við náttúrlega með þetta
stórglæsilega vatn, Úlfljótsvatn,
sem við notum mikið. Við erum
mikið á vatninu og förum á hjóla-
báta, kanóa og í vatnasafarí,“ seg-
ir Hreiðar þegar hann er beðinn
að lýsa því helsta sem er á dagskrá
á námskeiðinu.
Áskoranir og aukið sjálfstæði
Hreiðar segir talsvert um það
að krakkar komi í sumarbúðirnar
nokkur ár í röð og einnig þekkist
það að börn mæti á fleiri en eitt
námskeið á sumri. Hann segir
ýmsar áskoranir bíða barnanna,
sem geta gert þau sjálfstæðari og
hjálpað þeim að upplifa sjálf sig.
„Við vinnum svolítið eftir
skátagildunum og hugtakið „le-
arning by doing“ er mjög ríkt í
okkar starfi. Við förum t.d. í
gönguferðir þar sem krakkarnir
þurfa að búa sér til gönguleiðir og
smyrja nestið sitt sjálfir. Það er
líka töluvert mikið mál fyrir 8 ára
krakka að labba upp í 12 metra
háan turn og láta sig síga niður,“
segir Hreiðar sem dæmi um það.
Börn fá ekki næga útiveru
Hreiðar segir sitt mat vera að
börn fái að jafnaði ekki næga úti-
veru og telur að aukið sjónvarps-
áhorf og spilun tölvuleikja hafi
áhrif þar á. „Við finnum alveg að
krökkunum finnst ekki jafn gam-
an hjá okkur í upphafi og þeim
finnst í lokin. Það tekur þau smá
tíma að venjast allri útivistinni og
allt í einu á öðrum eða þriðja degi
eru þau farin að upplifa útiveruna
og náttúruna af alvöru,“ segir
hann og bætir við að það sé ekki
nokkur spurning að þau verði
mun frískari og líflegri í kjölfarið.
Hann segir ófá dæmi um það
að börn hafi í upphafi dvalarinnar
verið fremur treg til að taka þátt í
útivistinni, en undir lokin hafi
vart verið hægt að fá þau inn aft-
ur. „Við vonum allavega að við
náum að kveikja áhuga á útivist
hjá krökkunum. Nú þegar krepp-
an hrjáir alla þurfa börn og full-
orðnir kannski sérstaklega að
muna eftir því hvað það er auð-
velt að skemmta sér úti. Það þarf
afskaplega lítið til að skemmta sér
utandyra,“ segir Hreiðar.
Mikil aðsókn í sumarbúðir skáta á Úlfljótsvatni eins og endranær
Kveikja áhuga á
útivist hjá börnum
➤ Sex námskeið eru haldin fyrirbörn á aldrinum 8-12 ára og
eitt fyrir unglinga 13-16 ára.
➤ Upp undir 50 börn taka þátt íhverju námskeiði.
➤ Sumarbúðirnar eru reknar afÚtilífsmiðstöð skáta og starfa
skátar við rekstur þeirra
SUMARBÚÐIRNARHæsti klifurturn á land-
inu, vatnasafarí og svefn í
tjaldi eða jafnvel undir
berum himni eru nokkrar
af fjölmörgum ástæðum
fyrir því að það er mikil
aðsókn í sumarbúðir
barna á Úlfljótsvatni.
Drullumallað Það er auð-
velt að skemmta sér kon-
unglega úti í náttúrunni.
Sjónvarpsmaðurinn Sverrir Þór
Sverrisson, betur þekktur sem
Sveppi, hefur atvinnu af því að
sprella fyrir börn. Sjálfur á hann
tvö, fjögurra ára stelpu og eins árs
strák, og er ekki síður á heima-
velli þegar kemur að föðurhlut-
verkinu. Þau hjónin hafa notast
við skemmtilega aðferð til að
venja dótturina á að sofa í eigin
rúmi.
„Við erum með töflu sem er
búið að hluta niður í nokkur hólf.
Í hvert skipti sem hún sefur í
rúminu sínu heila nótt fær hún
stimpil eða límmiða á töfluna.
Þegar búið er að fylla í öll hólfin
fær hún svo pakka,“ segir Sveppi.
„Þetta byrjaði á fimm hólfum og
að því loknu gerðum við nýja
töflu með aðeins fleiri hólfum.“
Sveppi tekur fram að dótið
þurfi ekki að vera sérstaklega veg-
legt. „Þetta er bara eitthvert
bensínstöðvadót, svona lítið og
skemmtilegt. Bursti eða spennur
eða eitthvað slíkt, en við reynum
að sleppa því að vera með nammi.
Aðalatriðið fyrir hana er að fá
pakka. Þessi aðferð hefur gert það
að verkum að hún hefur svolítinn
metnað fyrir þessu og finnst þetta
spennandi,“ segir hann.
Sveppi segir að vel megi nota
töfluna við fleiri hluti sem börnin
þurfa að takast á við. „Næst á
dagskrá hjá okkur er að fá hana til
þess að klæða sig sjálf á morgnana
og þá kemur taflan vonandi að
góðum notum.“
bjornbragi@24stundir.is
Sveppi notaði gott ráð til að venja dóttur sína á að sofa í eigin rúmi
Fyllt í töflu og pakki í verðlaun
Sveppi
Góður í
föðurhlut-
verkinu.
Börn og uppeldi
Umsjónarmenn:
Svanhvít
Ljósbjörg
svanhvit@24stundir.is
Kristjana
Guðbrandsdóttir
dista@24stundir.is
María
Ólafsdóttir
maria@24stundir.is
Sumir krakkar hafa prófað að
tálga og telja sig kunna það. Full-
orðnir verða þó að leiðbeina börn-
um sínum um hvernig best er að
tálga en mikilvægt er að tálga frá
sér til að forðast skurði. Lykilatriði
er að finna góða grein til að tálga
en best er að tálga mjúkan við og
stundum er hægt að finna greinar
með skemmtilegri lögun.
Listin að tálga
Skeifunni 8 - s. 568 2200 - Smáralind - s. 534 2200
www.babysam.is
Hjá okkur fáið þið mikið
úrval af barnabílstólum
Dr.Hauschka
Náttúrulegar snyrtivörur
Rósakrem
fyrir þurra og viðkvæma húð
Lífrænt ræktuð Rósablóm og rósaber
hjálpa til við að varðveita rakann í
húðinni. Það gerir húðina silkimjúka og
veitir henni sérstaka vernd.
Rósakremið inniheldur einungis hrein
náttúruleg efni og lífrænt ræktaðar
lækningajurtir. Það er án allra kemiskra
rotvarnarefna og ilmefna. Imurinn
er úr hreinum ilmkjarnaolíum. Þetta á
einnig við um allar aðrar vörur frá
Dr.Hauschka.
Útsölustaðir: Yggdrasill Skólavörðustíg 16,
Fræið Fjarðarkaup, Lyf & heilsa Kringlunni,
Lífsins Lind Kringlunni, Lyfja, Maður Lifandi
og Heilsuhornið Akureyri.
dreifing:
30%
afsláttur
af sumarvörum
frá Legó