24 stundir - 11.06.2008, Blaðsíða 20

20 MIÐVIKUDAGUR 11. JÚNÍ 2008 24stundir
Eftir Kristjönu Guðbrandsdóttur
dista@24stundir.is
„Krakkarnir hafa ekki undan að reyta arfann og
seinna í sumar verða þau líka upptekin við að taka
upp grænmetið. Það er alltaf heilmikil uppskera,“
segir Arnór Kári Egilsson, leiðbeinandi í skóla-
görðunum. „Við erum búin að setja niður flest en
eigum til dæmis eftir að setja niður radísur.
Hverju barni er úthlutað reit, fræjum, útsæði og
grænmetisplöntum. Þau koma hingað á hverjum
degi og eru hér minnst tvær stundir á dag. Við
leiðbeinum þeim og hjálpum og hér er oft mikið
stuð.“
Undir það tekur Matthildur Óskarsdóttir sem er
að fara að vökva reitinn sinn. „Arfinn sprettur svo
hratt,“ andvarpar hún. „Ég þarf að vera dugleg að
reyta hann,“ segir hún og bendir á beðið sitt sem
er alveg laust við arfa. „Ég er búin að setja niður
kál og alls kyns grænmeti og kartöflur líka. Mér
finnst grænmeti mjög gott og ég hlakka til að
borða þetta allt saman,“ segir hún. „Nú ætla ég að
halda áfram að vökva,“ bætir hún við og er greini-
lega afar einbeittur grænmetisbóndi.
Fleiri grænmetisbændur reyta arfa og hlúa að
reitunum sínum.
„Við hendum arfanum þarna,“ segir Glafki Col-
laku og bendir að holu með skilti sem á stendur:
Arfi! „Ég hugsa um garðinn minn alveg sjálf og
kem alltaf klukkan tíu á morgnana,“ bætir hún
við. „Ég ætla líka að hjálpa honum Andra sem er
að byrja á morgun, hann er ekki búinn að setja
neitt niður.“
24stundir/Valdís Thor
Geta ekki beðið eftir að bragða á uppskerunni
Stuð í skólagörðunum
Í skólagörðunum við Þorragötu í Vest-
urbænum er mikið líf og fjör þegar
blaðamann ber að. Börn burðast með
garðkönnur fullar af vatni að reitnum
sínum sem kallast skemmtilegum nöfn-
um, t.d. Sjónarhóll og Kattholt.
Hjálpsöm Ég
ætla að hjálpa
honum Andra að
setja niður á
morgun, segir
Glafki Calluki.
Vel gallaður
Bjartur Bachm-
an segist koma
á hverjum degi
og vera dugleg-
ur að vökva.
Arfinn vex og vex Matthildur Ósk-
arsdóttir segist hörkudugleg að
reyta arfa enda spretti hann upp
nærri jafnóðum.
Flottur hópur
Krökkunum í skóla-
görðunum við Þorra-
götu finnst ekki leið-
inlegt að reyta arfa!
Í borginni eru nokkrir garðar.
Skólagarðar Árbæjar eru vestan
Árbæjarsafns. Í Fossvogi við
Bjarmaland, í Grafarvogi austan
Logafoldar og í Breiðholti austan
Jöklasels og fyrir vesturbæjar-
börnin í Skerjafirði. Börn sem búa
í miðbænum, Sundum og Hlíðum
geta ræktað kálið í Laugardal við
Holtaveg og þá má ekki gleyma
þeim reit sem er í Elliðaárdal. Flest
sveitarfélög hafa að auki reiti fyrir
börnin til ræktunar yfir sumartím-
ann og skólagarðarnir eru geysi-
vinsælir hjá börnum á aldrinum 7-
11 ára. Skráning í skólagarðana er í
byrjun júní og því eru garðarnir ef-
laust að fyllast. Smíðavellirnir
njóta líka mikilla vinsælda og
skráning á þá er hafin um land allt.
Skólagarðarnir eru flestir opnir kl.
8-12 og 13-16. Smíðavellir eru
flestir opnir frá 9 til 12 og 13 til 16
og ætlaðir börnum á aldrinum 8-
12 ára. Ekki er boðið upp á gæslu á
smíðavöllum en leiðbeinendur eru
á staðnum sem aðstoða laghenta
krakka við kofasmíðar og fleira.
Kofasmíðarnar fara af stað um
miðjan júnímánuð.
dista@24stundir.is
Skólagarðar og smíðavellir um land allt
Kofi og kál í sumar
Polarolje
Selolía, einstök olía
Gott fyrir:
Maga- og þarma starfsemi
Hjarta og æðar
Ónæmiskerfið
Liðina
Polarolían fæst í:
apótekum, Þín verlsun Seljabraut,
heilsuhúsum, Fjarðarkaupum
og Melabúð
Meiri virkni
Hátt hlutfall Omega 3
fitusýrur
Sumar og sól
Úrval af
sumarfatnaði.