24 stundir - 11.06.2008, Blaðsíða 22
Eftir Maríu Ólafsdóttur
maria@24stundir.is
„Mikilvægt er að börnin borði
hollan og næringarríkan morg-
unmat eins og t.d. létt ab-mjólk
með múslí eða öðru trefjaríku
morgunkorni út í, ávöxt eða lítið
glas af hreinum ávaxtasafa og eina
teskeið af lýsi. Brauðsneið með
góðu áleggi og grænmeti er líka
góður morgunmatur,“ segir Elva
Gísladóttir, næringarfræðingur hjá
Lýðheilsustöð.
Mörg börn sólgin í makríl
Elva segir að börn á leikja-
námskeiðum þurfi að fá bita
klukkan 10, eins og mörg þeirra
eru vön úr skóla og leikskóla, sem
væri æskilegt að væri ávöxtur eða
grænmeti eins og t.d. litlar gulræt-
ur, niðurskornar paprikur eða
tómatar. Í hádeginu þurfa börnin
síðan að vera með gott nesti og
dæmi um slíkt væri holl samloka
úr trefjaríku brauði með léttsmur-
osti, grænmeti, kotasælu, kalkún
eða jafnvel hummus. Rannsóknir
hafa sýnt að íslensk börn borða
ekki nógu mikið af fiski og er um
að gera að bæta úr því með tún-
fisk- eða rækjusalati með sýrðum
rjóma á móti léttmajonesi eða
makríl í tómatsósu sem Elva segir
mörg börn vera sólgin í.
Enga íþróttadrykki
„Hreinn ávaxtasafi er ekki nauð-
synlegur hluti af mataræði en eitt
lítið glas er allt í lagi og þá með
mat til að vernda tennurnar. Ferna
af léttmjólk er líka góður kostur en
annars er vatn langbesti kosturinn.
Börnin geta tekið með sér vatns-
brúsa að heiman sem er jafnvel
hægt að setja klaka í til að halda
vatninu köldu dálítið lengur. Þá vil
ég taka sérstaklega fram að börn á
leikjanámskeiðum þurfa ekki á
íþróttadrykkjum að halda frekar
en önnur börn,“ segir Elva.
Rúsínupakkar vinsælir
„Nestið hjá krökkunum okkar
er fjölbreytt og valið eftir því hvað
hverjum og einum finnst gott.
Nestið er hollt og gott, alls konar
brauðmeti eins og samlokur með
skinku og osti sem hægt er að hita
eða flatkökur. Síðan eru krakkarnir
duglegir við að koma með litlar
gulrætur, vínber og niðurskorið
grænmeti í pokum og einnig hefur
verið vinsælt að koma með litla
rúsínupakka sem eru mjög snið-
ugir. Við biðjum fólk um að senda
börnin ekki með eitthvað sætt eins
og súkkulaðikex sem hefur ekki
verið neitt vandamál enda fólk al-
mennt orðið meðvitað um úr
hverju börnin fá bestu orkuna,“
segir Elísabet Albertsdóttir hjá fé-
lagsmiðstöðinni Árseli.
24stundir/Ásdís
Grænmeti, ávextir og fiskur í aðalhlutverki
➤ Mörg börn eru sólgin í makrílí tómatsósu sem er góður of-
an á brauð.
➤ Mikilvægt er að gleyma ekkiað setja grænmeti á samlok-
una.
➤ Hollur og góður morg-unmatur má ekki gleymast til
að börnin fari södd og sæl út
í daginn.
NESTIÐKakkar þurfa að hafa
með sér hollt og gott
nesti á leikjanámskeið og
í aðra tómstundaiðju sem
iðkuð er á sumrin. Enda
er ómögulegt annað en
að tankurinn sé fullur
þegar ærslast er allan
daginn í leikjum og fjöri.
Orkuríkt Börn á
leikjanámskeiðum
verða að borða vel.
Elva Gísladóttir
Næringarfræðingur.
Hollt nesti skiptir
miklu máli
22 MIÐVIKUDAGUR 11. JÚNÍ 2008 24stundir
Með hrísgrjónapappír er hægt
að búa til öðruvísi og spennandi
vefjur. Skerið niður lárperu, rauða
papriku og þrjár gulrætur og rífið
niður salat. Mýkið hrísgrjónablöð-
in í volgu vatni og vefjið þeim síð-
an utan um grænmetið.
Bananar og rúsínur
Fyrir dálítið sætara nesti og
kannski meira til spari má stappa
saman banana og rúsínur. Smyrja
síðan ofan á gróft brauð og búa til
samloku. Samloka með tómötum,
mozzarella og lárperu er líka góð.
Tiltekt í pítu
Pítur eru tilvaldar til að fylla
með hinu og þessu sem safnast
hefur upp í ísskápnum. Skinku,
salati, gúrku, osti og jafnvel falafel
með góðri jógúrtsósu eða smá
pítusósu. maria@24stundir.is
Hollt og gott í nestisboxið
Litríkar hugmyndir fyrir sumarið
Mörgum krökkum finnst
skemmtilegt að vasast með foreldr-
unum í eldhúsinu og búa til eitt-
hvað sem þeir geta sullað í með
höndunum. Hér er girnileg upp-
skrift að eftirmiðdagssnarli eða
sparimorgunmat á helgarmorgn-
um.
Ávextir og hafrar
Til að búa til síróps- og
valhnetugranóla þarf þrjá bolla af
höfrum, einn bolla af hveitikími,
hálfan bolla af valhnetum, rús-
ínum og þurrkuðum trönuberjum
plús ¼ bolla af sesamfræjum og
hlynsírópi og loks tvær matskeiðar
af melassa og eina teskeið af kanil.
Hrærið allt hráefnið vel og vand-
lega saman í skál og hitið ofninn í
um 180 gráðu hita. Hellið úr skál-
inni í eldfast mót eða ofnskúffu og
bakið í um 25 mínútur þar til
blandan er orðin fallega gullin og
gætið vel að hræra í henni á nokk-
urra mínútna fresti.
maria@24stundir.is
Gott og hollt
Granóla-morgunkorn