24 stundir - 11.06.2008, Blaðsíða 19
24stundir MIÐVIKUDAGUR 11. JÚNÍ 2008 19
Hver sem áfangastaðurinn er
þá þarf að huga að ýmsu áður en
lagt er af stað. Nýjar aðstæður
fela í sér nýjar hættur sem barnið
þekkir ekki. Mikilvægt er að for-
eldrar kynni sér allar aðstæður
áður og sleppi samt sem áður
ekki hendinni af barninu. Þannig
verður sumarfríið skemmtilegt og
öruggt.
Slysin verða líka á Íslandi
Þekkt er að foreldrar gæta ef til
vill betur að börnum sínum á
ferðalögum erlendis en á ferða-
lögum innanlands en jafnvel bara
uppi í sumarbústað eru hætt-
urnar fjölmargar. Nefna má sér-
staklega heita potta, læki og vötn
í grennd við bústaðinn. Gætið
barnsins vel í námunda við vatn,
því börn geta drukknað á innan
við 3 mínútum í aðeins 2-5 cm
djúpu vatni. Það getur gerst mjög
skyndilega og hljóðlega. Það
heyrist ekkert kall á hjálp eða busl
í vatninu. Helsti áhættuhópurinn
er börn yngri en 5 ára en 1-3 ára
börn þurfa þó sérstaka aðgæslu
enda eru þau afskaplega forvitin,
sífellt á ferðinni og klaufaleg í
hreyfingum. Ef þau lenda í erf-
iðleikum hafa þau litla möguleika
á að bjarga sér. Rétt viðbrögð
skipta öllu máli ef barn fellur of-
an í vatn og það er því mikilvægt
að kunna endurlífgun. Heilaskaði
eða jafnvel dauði getur átt sér
stað á innan við þremur mín-
útum. Aldrei skal undir nokkrum
kringumstæðum skilja barn eftir
eftirlitslaust í nágrenni við vatn.
Setjið barninu reglur
Mikilvægt er að foreldrar kynni
sér vel nánasta umhverfi sum-
arbústaðarins og setji barninu
reglur um hvar það megi leika
sér. Ef ár, lækir, fjara eða vötn eru
nærri skal sýna sérstaka varkárni.
dista@24stundir.is
Jafnmargar hættur uppi í sumarbústað og á erlendri strönd
Heilræði til foreldra
24stundir/Frikki
Öruggt og skemmtilegt frí Ekki líta af börnum ykkar í grennd við vatn.
Húð barna er sérstaklega viðkvæm
fyrir skaðlegum geislum sólarinnar
og nauðsynlegt að verja hana vel
svo að hún brenni ekki.
Foreldrum reynist auðveldast að
kaupa sprey til að nota á líkama
barna og krem á andlit. Athugið að
æskilegt er að nota sólarvörn með
háan stuðul (40-50) fyrir börn og
bera oftar en einu sinni á þau yfir
daginn. Þá er æskilegt að verja hár-
svörðinn með léttu höfuðfati.
Sólarvörnin
nauðsynleg
Margir foreldrar glíma við óhóf-
lega sjálfstæðisbaráttu barna sinna.
Algengt er að stærstu stríðin fari
fram við matarborðið og einkenn-
ist af matvendni. Leikskólakenn-
arar eiga ráð undir rifi hverju og í
matartímum á mörgum leikskól-
unum er brugðið á það ráð að
bregðast við herkænsku barnanna
með því að leyfa þeim að taka út
eina fæðutegund af diskinum í
skiptum fyrir að borða allt annað.
Barnið borðar
bara egg!
Sólbrennd húð getur valdið mikl-
um sársauka. Best er að kæla húð-
ina með 18-20 gráða heitu vatni í
allt að klukkustund. Ef barnið er
mjög kvalið má gefa því væg
verkjalyf. Þá er hægt að kaupa
krem sem virkar kælandi og græð-
andi á húðina og það má nota ef
bruninn er vægur eftir að húðin
hefur verið kæld.
Rétt er að leita til læknis ef korna-
barn eða yngra barn sólbrennur.
Sólbruni er
sársaukafullur