24 stundir - 11.06.2008, Blaðsíða 16
Eftir Sigurð Elvar Þórólfsson í Róm
seth@24stundir.is
„Þetta er hálfgert flökkulíf í at-
vinnumennskunni í körfubolta. Ég
veit ekki af hverju þetta er svona.
Það er meira um að leikmenn geri
langtímasamninga í fótbolta og
handbolta en í körfuboltanum er
það frekar undantekning en regla,“
sagði Jón Arnór þegar rætt var við
hann í Ólympíuhöllinni í Róm þar
sem lið hans, Lottomatica Roma,
var að undirbúa sig fyrir fjórða
leikinn í úrslitum um ítalska meist-
aratitilinn gegn Siena.
Ekur um á jeppa í Róm
Það eru ekki margir jeppar á ferð
í Róm að öllu jöfnu en fyrir utan
höllina voru nokkrir glæsivagnar
og þar á meðal Porsche Cheyenne-
jeppi í eigu íslenska landsliðs-
mannsins.
Jón hefur búið í tæp tvö ár í Róm
og kann ákaflega vel við sig í borg-
inni.
„Þetta er einstök borg. Umferðin
er gríðarlega mikil og mesti ókost-
urinn við borgina. Það er stundum
erfitt að komast á milli staða en að
öðru leyti er þetta frábær staður. Ég
sé mig alveg búa hérna í nokkur ár
til viðbótar ef allt gengur upp hvað
varðar liðið mitt. Það er reyndar
óljóst. Ég var að vonast til þess að
geta fest mig í nokkur ár á þessum
stað eftir talsvert rót undanfarin ár.
En það eru blikur á lofti og allt eins
líklegt að ég fari frá félaginu í sum-
ar. Kannski er það kostur fyrir at-
vinnumann að fara á nýja staði sem
oftast. Það heldur manni á tánum
og það hefur virkað vel fyrir mig
fram að þessu. Eftir árið sem ég tók
í Rússlandi þá held ég að ég sé bú-
inn að upplifa nánast allt. Það var
lærdómsríkt ár.“
Bækur og tónlist framarlega í
forgangsröðinni
Margir eiga þann draum að
komast í atvinnumennsku í íþrótt-
um en það er ekki alltaf dans á rós-
um. Jón segir að hann nýti frítím-
ann í marga hluti og þá sérstaklega í
lestur góðra bóka og tónlistin er
einnig framarlega í forgangsröð-
inni. Þeir sem hafa fylgst náið með
landsliðsmanninum undanfarin ár
hafa tekið eftir því að vöðvar hans
hafa „bólgnað“ út og er ástæðan
einföld.
„Ég reyni alltaf að lyfta lóðum
þegar tími gefst til. Það er nauðsyn-
legt að æfa aðeins meira en hinir.
Ég hef reyndar verið rólegur í lyft-
ingunum í úrslitakeppninni og
sleikt frekar sólina við sundlaugina
heima í staðinn. Þetta er erfiður
tími og það fer mikil orka í þessa
leiki. Stundum fer allur dagurinn í
það að undirbúa sig fyrir næstu æf-
ingu eða leik. Við þurfum að huga
vel að matarræðinu, það þarf að
teygja á vöðvunum og ná líkaman-
um í lag eftir átökin. Þetta er allt
hluti af vinnunni.“
Skoppari á unglingsárunum
Áhugamál Jóns eru mörg og þar
stendur bóklestur og tónlistin upp
úr. Hann var „skoppari“ á ung-
lingsárunum sem leikmaður KR.
Rapptónlistin átti hug hans á þeim
tíma en eftir því sem árin hafa liðið
hefur smekkur hans breyst. Bók-
lestur er það sem allt snýst um í dag
hjá Jóni.
„Við ferðumst gríðarlega mikið
og þar gefst tími til þess að lesa og
hlusta á tónlist. Ég geri mikið af
því. Bækurnar sem ég les eru fjöl-
breyttar. Skáldsögur, spennusögur
og nú upp á síðkastið hef ég lesið
margar bækur um sálfræði, heim-
speki og íþróttasálfræði. Ég verð 26
ára gamall í september og mér
finnst ég eiga mikið inni.
Hugarþjálfun er eitthvað sem ég
hef lítið spáð í fram að þessu en ég
hef lagt mikla vinnu í að afla mér
upplýsinga um slíka hluti. Ég trúi
því að slík þjálfun geti bætt mig
sem leikmann um allt að 50%.
Þetta snýst allt um rétt hugarfar og
að geta tekið réttar ákvarðanir und-
ir miklu álagi. Ég hef því verið að
„hella“ mér út í slíka hluti í vetur og
ég er rétt að komast í gegnum
grunnatriðin í þeim efnum.“
Gefst mikill tími til þess að gera
eitthvað annað en að æfa og keppa?
„Ég er ekkert öðrvísi en aðrir 25
ára gamlir „strákar“. Við förum
saman í bíó félagarnir úr liðinu, út
að borða og það kemur fyrir að við
getum farið út á næturlífið. Ég geri
því ósköp svipaða hluti og aðrir.
Það eru margir sem þekkja okkur
úti á götu en sem betur fer er
ástandið ekki það slæmt að fólk sé
að elta okkur í búðir eða á kaffi-
hús.“
Reyni að afla mér menntunar
Hvað fer Jón Arnór Stefánsson
að gera þegar ferlinum lýkur eftir
um 10 ár?
„Já, þetta er góð spurning. Ég hef
velt þessu fyrir mér og ég held að
viðskipti séu það sem ég hef mestan
áhuga á. Ég held að ég sé ekki þessi
týpa sem fer í þjálfun. Það er samt
aldrei að vita. Ég er að reyna að afla
mér menntunar meðfram atvinnu-
mennskunni. Það gengur hægt. Hef
ekki hellt mér almennilega út í
námið en það kemur að því. Ég hef
áhuga á ýmsum hlutum en líklega
verða viðskipti fyrir valinu.“
Þarftu eitthvað að vinna eftir að
ferlinum lýkur? Ertu ekki moldrík-
ur?
„Ja, ég gæti svo sem haft það
ágætt þegar ferlinum lýkur. Ég ætla
ekki að sitja á rassinum og gera ekki
neitt. Það kemur ekki til greina. Ég
fer örugglega í golfið. Það er eitt af
því sem ég mun stunda í ellinni.“
Fer í viðskipti
eftir 10 ár eða svo
Jón Arnór Stefánsson fær að vera í friði á götum Rómaborgar Lyftingar, hugar-
þjálfun og tónlist efst á forgangslista Sest ekki í helgan stein að loknum ferlinum
Flökkulíf Jón Arnór
Stefánsson notar tímann
á ferðalögunum til að
lesa og hlusta á tónlist.
24stundir/Sigurður Elvar
➤ Jón Arnór Stefánsson hefur áatvinnumannsferli sínum í
körfubolta afrekað ýmislegt.
➤ KR-ingurinn fékk fyrstulaunaseðlana hjá Trier í
Þýskalandi og þaðan lá leiðin
til Dallas í NBA-deildinni.
➤ Á undanförnum fjórum árumhefur Jón leikið í Rússlandi,
Spáni og á Ítalíu.
HNOTSKURN
16 MIÐVIKUDAGUR 11. JÚNÍ 2008 24stundir
„Pabbi (Stefán Eggertsson) sá
til þess að tónlistarsmekkur
minn er fjölbreyttur. Ég hlust-
aði á Bítlana, Rolling Stones
og Cream með honum þegar
ég var yngri. Ég kann vel við
þessa tónlist og reyndar er ég
með mjög breiðan tónlist-
arsmekk. Ég á það til að setja
klassíska tónlist á heima. Þeg-
ar ég var yngri var rapp-
tónlistin „það eina rétta“ en
að sjálfsögðu hefur það breyst.
Mér finnst gaman að hlusta á
fjölbreytta tónlist en alterna-
tive eða indie rokk er það sem
ég hlusta mest á.“
Jón Arnór spilar ekki á hljóð-
færi sjálfur en hann lét sig
dreyma um að geta glamrað á
gítar. „Ég fékk gítar á sínum
tíma. Það gerðist ekki neitt. Ég
nennti ekki að æfa mig og ég
kann því ekki á hljóðfærið. Því
miður.“
Stones, Bítlarnir
og klassík
„Þegar ég var ungur var NBA-
deildin það eina sem ég hugs-
aði um. Ég setti mér það
markmið að verða atvinnu-
maður í NBA án þess að hafa
hugmynd um hvað þyrfti til
þess. Við gátum séð leiki frá
NBA-deildinni á Íslandi og
það var viðmiðið sem maður
fékk á þeim tíma. Ég hafði
aldrei spáð í körfuboltann í
Evrópu. Vissi ekki neitt um
styrkleika deildanna í Evrópu.
Eftir að hafa kynnst þessu frá
báðum hliðum þá er ég ekkert
svo viss um að NBA sé það
eina rétta. Það eru frábær lið í
Evrópu sem gefa NBA-
liðunum ekkert eftir. Ég held
að ungir leikmenn á Íslandi
hugsi of mikið um NBA, enda
er það skiljanlegt þar sem þeir
sjá ekki mikið af körfubolta
frá Evrópu í sjónvarpi. Á sín-
um tíma ætlaði ég mér bara að
vera ógeðslega góður í körfu-
bolta og ég gerði allt til þess
að bæta mig,“ segir Jón Arnór
en hann var í herbúðum NBA-
liðsins Dallas Mavericks í eitt
ár án þess að fá tækifæri í
deildakeppninni með liðinu.
Evrópa ekki
síðri kostur
ÍÞRÓTTIR
ithrottir@24stundir.is a
Ég held að ég sé ekki þessi týpa sem fer í
þjálfun. Það er samt aldrei að vita. Ég er að
reyna að afla mér menntunar meðfram atvinnu-
mennskunni. Það gengur hægt.
- kemur þér við
AUGLÝSINGASÍMI: 510 3744
íþróttir útivist
pólitík heilsa
fréttir fé&frami
golf 24fólk veiði
neytendavaktin
golf dagskrá
menning viðtöl
ferðalög viðskipti
garðurinn grill
24lífið bílar
neytendur umræða