Náttúrufræðingurinn - 1940, Qupperneq 23

NÁTTÚRUFRÆÐINGURINN
15
Á ensku hefir dílaþrösturinn verið kallaður White’s Thrush,
á þýzku Erddrossel og á norsku Flæktrost. Með tilliti til útlits-
ins virðist vel viðeigandi að kalla hann dílaþröst á íslenzku.
6. Skræklóa (Charadrius vociferus vociferus L.).
(Oxyechus vociferus vociferus (L.)).
Þessi ameríska lóutegund var skotin hjá Gröf á Rauðasandi
í V.-Barð. 16. marz 1939. Hún var send Náttúrugripasafninu í
Reykjavík af Eyjólfi Sveinssyni kennara á Lambavatni. Sam-
kvæmt upplýsingum, sem forstöðumaður safnsins, Dr. Bjarni
Sæmundsson, hefir fengið frá Eyjólfi, var fuglinn vel feitur, og
í maga hans var mikið æti, bjöllur o. fl. Lóutegund þessi hefir
aldrei sézt hér áður. Á ensku (amerísku) heitir hún Killdeer
eða Killdeer Plover. Dr. Bjarni Sæmundsson hefir stungið upp
á því, að kalla hana skræklóu á íslenzku. *
Á skræklóunni (í vorbúningi) eru þessir hlutar hvítir: enni,
rák aftur frá auga, kverk og hringur í kringum hálsinn ofan til,
þverband yfir framanverðan háls neðan til, bringa, kviður, und-
irstélþökur, undirvængþökur og vængkrikafjaðrir. Hvíti litur-
inn á rákinni aftur frá auganu og þverbandinu yfir framanverð-
an háls neðan til ,er þó meira eða minna blandaður ljósgulbrún-
um lit. Þessir hlutar eru svartir: mjótt band ofan við hvíta lit
ennisins, mjó rönd ofan við nefrótina og mjó rák frá nefi til
auga og aftur frá auga neðan við hvítu rákina, hringur allt í
kringum hálsinn neðan til og þverband yfir uppbringuna neð-
an við hvíta bandið. Herðar, bak, axlarfjaðrir og yfirvængþök-
ur ásamt höfði að ofan og aftan og að nokkru leyti á hliðum er
grábrúnt; yfirgumpur riðrauður og yfirstélþökur gulrauðar.
Flugfjaðrirnar eru brúnsvartar með hvítum blettum. Miðstél-
fjaðrirnar 2 eru grábrúnar, hinar stélfjaðrirnar að mestu ljós-
riðrauðar eða gulrauðar með hvítum oddi að undanskilinni yztu
stélfjöðrinni sinni hvoru megin, sem er næstum hvít með dökk-
um þverflikrum, einkum á innföninni; á öllum stélfjöðrunum
er auk þess svart þverband ofan við oddinn. Stélið er langt,
fleyglaga. Bæði kynin eru eins að lit. Á ungum fuglum og fugl-
um í vetrarbúningi eru f jaðrajaðrarnir á fuglinum ofanverðum
meira eða minna riðlitaðir, að öðru leyti eru þeir eins eða mjög
svipaðir að lit og fullorðnir fuglar í vorbúningi. — Nefið er