Náttúrufræðingurinn - 1940, Page 41

NÁTTÚRUFRÆÐINGURINN
33
ströndum fram, ,eða við ár og vötn, sem ekki leggur. f skýrsl-
unni er aðeins getið um eina blesönd, sem sézt hefir hér á því
tímabili, sem athuganirnar ná yfir. Þar með eru þó sjálfsagt
ekki öll kurl komin til grafar, því að vitað er, að blesöndin er
hér ekki óalgengur flækingur á haustin og veturnar, og dæmi
eru til þess, að eitt og eitt par hafi verpt hér. Talsvert hefir orð-
ið vart við, að hún hafi veslazt hér upp. Landsvölur sjást alloft
sunnanlands á vorin (í maí) og fram eftir sumri. Virðast þær
komast sæmilega af, en varptilraunir hafa þó oftast mistekizt.
Hér hefir verið minnzt nokkuð á algengustu flækingsfugl-
ana, sem vart hefir orðið við hér á landi síðastliðin tvö ár. Enda
þótt við vitum, að talsvert margir einstaklingar flestra þessara
tegunda geti framfleytt hér lífinu í lengri eða skemmri tíma,
þá er þó víst, að margir þeirra veslast fyrr eða síðar upp úr hor
og harðrétti, svo framarlega sem þeir hverfa þá ekki fljótlega
aftur á brott héðan, en um afdrif þeirra fugla getum við nátt-
úrlega ekkert sagt. Sama gildir auðvitað um hina sjaldgæfari
flækinga, sem hér hafa ekki verið gerðir sérstaklega að umtals-
efni. Nokkur dæmi eru til þess, að sumir af þessum fuglum hafi
verpt hér (t. d. starar, landsvölur og blesendur), án þess þó að
þeir hafi ílenzt hér enn sem komið er, þó að slíkt geti orðið síð-
ar. Nokkrir fuglar, sem bætzt hafa við hóp íslenzkra varpfugla
á síðari áratugum, og ýmsir aðrir íslenzkir varpfuglar, hafa
auðvitað byrjað landnám sitt á sama hátt.
Margir vilja halda því fram, að hlýindatímabil það, sem við
nú eigum við að búa, valdi því, að á síðari árum komi hingað
meira en áður af sjaldgæfum fuglum og flækingum frá suðlæg-
ari löndum eða löndum, sem hafa hlýrra loftslag en ísland. Ég
er þó alls ekki viss um að þetta sé rétt, en hitt er ekki nema
eðlilegt, að meira beri nú á slíkum fuglum en áður, vegna þess
að í köldu árunum hafa þeir sjálfsagt mjög fljótlega annað-
hvort hrökklazt á brott aftur eða drepist, en aftur á móti hefir
hin milda veðrátta yfirstandandi hlýindatímabils þau áhrif, að
þeim tekst betur að framfleyta hér lífinu, vegna hinna bættu
lífsskilyrða, sem því eru samfara. Undanfarandi hlýindatímabil
er líka vafalaust orsök þess, að nokkrar fuglategundir, sem áð-
ur töldust flækingar, hafa á síðustu áratugum farið að verpa
hér á landi, og hafa nú algerlega ílenzt hér. Auk þess er víst,
að sjaldgæfum fuglum og flækingum er veitt meiri athygli af
almenningi nú en áður, enda standa menn nú ólíkt betur að vígi,
3