Kirkjuritið - 01.09.1948, Blaðsíða 78

252
KIRKJURITIÐ
ágúst. Messuðu prestarnir í öllum kirkjum prestakallsins.
Síðan var setið að umræðum og hinum bezta fagnaði í Laufási
allt til kvölds. Var ráðið að halda áfram þess konar kynning-
arfundum árlega í prófastsdæminu.
Minningarguðsþjónusta
var haldin í Haukadal 5. sept. Biskup prédikaði og minntist
Ara prests hins fróða. Eru nú liðnar 8 aldir frá dauða hans.
Séra Jóhann Hannesson kristniboði
er nýfarinn héðan áleiðis til Kína.
Heiðurssamsæti.
Eftir messu að Lundarbrekku í Bárðardal 22. ágúst s. 1.,
efndi Lundarbrekku-söfnuður til myndarlegs samsætis til að
heiðra sóknarprestinn, séra Þormóð Sigurðsson, og frú hans,
Nönnu Jónsdóttur, í tilefni af 20 ára prestsskaparafmæli hans,
sem jafnframt er 20 ára starfsafmæli hans í Þóroddsstaðar-
prestakalli. Sigurður Baldursson, oddviti og forsöngvari, hafði
orð fyrir safnaðarmönnum, þakkaði séra Þormóði hans drengi-
legu og farsælu störf í þágu sóknar og byggðar og afhenti
prestshjónunum gjöf, stóra og fagra ljósmynd af Aldeyjar-
fossi í Skjálfandafljóti. Kári Tryggvason, kennari, flutti kvæði.
Margir fluttu ræður. Séra Þormóður þakkaði hlýjum orðum.
Tókst samsætið hið bezta og veitti viðstöddum eftirminnilega
gleðistund.
Séra Finnur Tulinius og frú hans,
fra Strö á Norður-Sjálandi, hafa verið hér á ferð síðari
hluta sumarsins. Hafa þau verið ágætir gestir, og mun koma
þeirra stuðla að því að treysta böndin milli dönsku og íslenzku
kirkjunnar.
Alþjóða kirkjuþing
var haldið í Amsterdam dagana 22. ág.—4. sept. Merkasta
verk þess mun hafa verið stofnun alþjóða kirkjuráðs.
Séra Jakob Jónsson sat þingið fyrir hönd þjóðkirkjunnar a
íslandi og mun skýra nokkuð frá því í næsta hefti Kirkju-
ritsins.
Frásagnir um deildafundi Prestafélagsins
og fund Prestafélags Hólastiftis og kirkjudag að Hólum,
verða að bíða næsta heftis.