Kirkjuritið - 01.03.1956, Blaðsíða 44

--------------------J bækurJ-----------------------------------
+-—----*-----------+
Tréskurður og mannamyndir.
(Bókaútgáfan Norðri 1955).
Norðri hefir gefið út margar ágætar bækur á liðnum árum. Bæði að
efni og frágangi. Einkum rit, sem snerta sögu, atvinnulíf og menntun þjóð-
arinnar. Nægir að minna á ritsöfnin: Saga landpóstanna og Göngur og
Réttir.
Og í haust kom þessi úrvalsbók. Glæsileg og skínandi falleg myndabók
af um þrjú hundruð verkum Ríkharðs Jónssonar. Sumum alkunnum, öðrunr
siður. Þetta er sannkallað stofustáss og augnayndi. Einnig holl og vekjandi
listsýning og furðu margbreytileg.
Eg dæmi ekki um listamennsku Ríkharðs Jónssonar. Richard Beck lætur
svo ummælt í formála: „Vissulega er Ríkharður Jónsson einn sá íslend-
ingur, „sem með mestum trúleik og listfengi túlkar sérkenni lands og þjóð-
ar“, eins og sagt hefir verið um hann.“
Og Jónas frá Hriflu kveður þannig að orði í eftirmála: „Hagleikur hans
er frábær. Tækni hans fullkomin. Listarstarfsemi hans alþjóðleg og þjóð-
leg.“
Hér er sérstök ástæða til að minna á þann merka þátt, sem Ríkharður
Jónsson á í kirkjuskreytingum með gerð margra fagurra kirkjugripa. Hefir
þar að nokkru verið eyða í söguna frá því um siðaskipti. Væri vel, ef nú
væri upphaf þeirrar aldar, að íslenzkir listamenn tækju meir að sinna þess-
um viðfangsefnum, og söfnuðurnir hefðu ráð á að kaupa verk þeirra.
Þessar myndir af helgimyndum R. J. eru m. a. í bókinni: Ljósastika (í
Skarðskirkju á Landi) — Jesús blessar ungbörnin. — Góði hirðirinn. — Trú
og friður (englamyndir í Bessastaðakirkju). — Skírnarlaug (í Útskálakirkju).
— Önnur skírnarlaug (í Akraneskirkju). — Prédikunarstóll (í Eyrarbakka-
kirkju). — Helgimynd (á prédikunarstólnum á Melstað). — Kristsmynd (í
Bessastaðakirkju).
Allar þessar myndir lýsa lotningu og helgi.
Og ekki má gleyma hinum ágætu myndum Ríkharðs af ýmissum öndvegis
kirkjumönnum fyrr og síðar, svo sem séra Hallgrími Péturssyni, séra
Matthíasi Jochumssyni og séra Ama Þórarinssyni. Seinni tímar munu kunna
að meta þær.