Tímarit lögfræðinga - 01.10.1979, Blaðsíða 7
sonurinn, Reynir, drukknaði vorið 1944, aðeins 6 ára gamall. Hinir synirnir
eru: Ólafur verkfræðingur í Kópavogi, kvæntur Ágústu Guðmundsdóttur,
Gunnar Örn tæknifræðingur á ísafirði, kvæntur Ástu Guðbrandsdóttur,
Hilmar loftskeytamaður í Vestmannaeyjum, kvæntur Guðrúnu Jónsdóttur
og Kristinn Reynir lyfsali á Siglufirði kvæntur Ólöfu Baldvinsdóttur.
Jóhann Gunnar Ólafsson var einkar vel gerður maður til sálar og líkama.
Hann var bjartur yfirlitum, svipmótið festulegt, blandið gamni og alvöru,
hógværð og glettni. Kynnin við hann voru í fullkomnu samræmi við svipmót
hans. Það var ætíð gott að vera í návist hans, það gladdi mann. Slíkra manna
er gott að minnast.
Jóhann Gunnar hafði mikinn áhuga á sögulegum fróðleik, bókmenntum,
íþróttum og listum. Hann var aðalhvatamaður að stofnun Sögufélags ísfirð-
inga og formaður frá stofnun þess 1953 óslitið þar til hann baðst undan
endurkjöri á liðnu sumri. Hann var formaður stjórnar Byggðasafns Vest-
fjarða frá stofnun þess 1955 þangað til hann fluttist til Reykjavíkur 1968.
Hann var einn af stofnendum Tónlistarfélags ísfirðinga 1948 og átti sæti í
stjórn þess flest árin þar til hann fluttist suður. Hann var fyrsti formaður þess
og aftur seinna, árin 1963—1965.
Ritstörf Jóhanns Gunnars verða ekki rakin hér en vísað til Lögfræðinga-
talsins, sem greinir gjörla frá þeim. Það sætir furðu, hve miklu hann fékk
áorkað á því sviði, samfara erilsömu og umfangsmiklu embætti, sem hann
gegndi í aldarfjórðung. Af því má ráða hvílíkur afburðamaður hann var til
starfa.
Með Jóhanni Gunnari Ólafssyni er genginn merkur maður og drengur góður.
Ég votta fjölskyldu hans einlæga samúð.
Hjálmar Vilhjálmsson.
JÓN N, SIGURÐSSON
Jón N. Sigurðsson hæstaréttarlögmaður
andaðist í Landspitalanum 21. júlí s.l. eftir
alllanga vanheilsu, sjötugur að aldri.
Hann var fæddur 25. janúar 1909 á Siglu-
firði, sonur hjönanna Sigurðar Helga Sigurðs-
sonar kaupmanns og konu hans Margrétar
Péursdóttur, kaupmanns frá Gunnsteinsstöð-
um Péturssonar.
Jón ólst að mestu upp hjá frændfólki sínu
á Gunnsteinsstöðum í Húnaþingi og minntist
jafnan dvalar sinnar þar með hlýjum huga.
Snemma mun hafa verið ráðið, að Jón gengi
menntaveginn, og er hann hafði aldur til, inn-
ritaðist hann í Gagnfræðaskólann á Akureyri.
Þaðan lá leiðin í Menntaskólann í Reykja-
vik og lauk hann stúdentsprófi vorið 1930.
Settist hann þá í lagadeild Húskólans og lauk embættisprófi í lögum vorið 1936.
101