Tímarit lögfræðinga - 01.10.1979, Blaðsíða 60
yrði valfrjáls eða skyldugrein. Lagadeild hefur í framhaldi af þessu ákveðið
að heimspekileg forspjallsvísindi skuli vera skyldugrein í lagadeild, en þó
aðeins sem hluti af námi í almennri lögfræði. Voru á deildarfundi 3. maí 1979
eftirfarandi reglur samþykktar, sem fela í sér þessar breytingar.
1. Haldið skal námskeið í heimspekilegum forspjallsvísindum fyrir laganema
á hverju haustmisseri (október—desember), sem nemur 24 fyrirlestrum.
2. Námskeiðið skal einkum fólgið í heimspekilegri greiningu hugtakanna lög,
réttur og ríki og innbyrðis tengslum þeirra.
3. Námskeiðið telst hluti almennrar lögfræði og skal tímum þar fækkað um
einn vikulega á haustmisseri (október—desember).
4. Próf skal halda í desember/janúar og einkunn vega 25% einkunnar í al-
mennri lögfræði.
5. Kennarar verði Garðar Gíslason, borgardómari og Mike Marlies lektor..
7. KYNNINGARFUNDIR OG FYRIRLESTRAR
Laugardaginn 10. febrúar 1979 efndi lagadeild Háskóla islands til kynning-
arfundar um mannréttindi í tilefni 30 ára afmælis mannréttindayfirlýsingar
Sameinuðu þjóðanna og þess að 25 ár voru liðin frá því að Mannréttinda-
sáttmáli Evrópu tók gildi. Erindi fluttu dr. Gaukur Jörundsson prófessor,
Jakob Möller deildarstjóri í mannréttindadeild S.Þ. í Genf og Þór Vilhjálmsson
hæstaréttardómari. Fundurinn var haldinn í Norræna húsinu.
Þriðjudaginn 27. mars 1979 hélt Ebbe Nielsen, skrifstofustjóri í danska
dómsmálaráðuneytinu, fyrirlestur fyrir almenning á vegum lagadeildar Háskóla
íslands. Fjallaði hann um efnið: Lögfræðiaðstoð fyrir almenning. Greindi hann
frá framkvæmd slíkrar aðstoðar á undanförnum árum í Danmörku og fleiri
löndum. Fyrirlesturinn var haldinn í Lögbergi.
Miðvikudaginn 25. apríl 1979 hélt Leif Groth, landshöfðingi Dana í Færeyj-
um fyrirlestur um réttarstöðu Færeyja. Fyrirlesturinn var á vegum lagadeildar
og var haldinn í Lögbergi.
Yfirmaður framkvæmdadeildar barnaárs Sameinuðu þjóðanna, Dr. Guy A.
Kouassigan, hélt fyrirlestur í boði lagadeildar þriðjudaginn 8. maí. Efni fyrir-
lestursins var: Barnaárið og barnaréttindi. Fyrirlesturinn var haldinn í Lögbergi.
Allar ofangreindir fyrirlestrar voru vel sóttir, bæði af laganemum og öðrum.
8. INNRITUN NÝSTÚDENTA
Heildarfjöldi stúdenta á fyrsta námsári í lagadeild undanfarin þrjú ár er
þessi:
Árið 1976 112 stúdentar,
árið 1977 66 stúdentar,
árið 1978 78 stúdentar.
í lok október höfðu 93 stúdentar verið skráðir til náms í fyrsta sinn í
lagadeild. Svo sem áður hefur verið bent á í þessum pistlum gefa tölur um
fjölda nýskráðra nemenda að sjálfsögðu ekki nema takmarkaða vísbendingu
um stærð sama stúdentaárgangs, þegar líður á námið. Undanfarin ár hefur
fjöldi stúdenta í hverjum árgangi frá og með 2. námsári, yfirleitt verið milli
30 og 40.
Gunnar G. Schram.
154