Fréttatíminn - 15.06.2012, Blaðsíða 6

Óskar Hrafn
Þorvaldsson
oskar@
frettatiminn.is
 Ísland Búferlaflutningar
Meðaleyðsla aðeins
3,8 lítrar á hverja 100 km*
www.volkswagen.is
Sparar sig vel
Volkswagen Polo Trendline TDI
Komdu og reynsluaktu Volkswagen Polo
* Miðað við blandaðan akstur á beinskiptum
Volkswagen Polo Trendline 1.2 TDI
Polo kostar aðeins frá
2.390.000 kr.
A
uk
ab
ún
að
ur
á
m
yn
d:
1
8“
á
lfe
lg
ur
, þ
ok
ul
jó
s
og
li
ta
ða
r
rú
ðu
r
Söfnun Neyðarástand í Vestur-Afríku
Barnaheill vantar 5,2 milljarða
Samtökin Barnaheill – Save the
Children hafa hrundið af stað
heimssöfnun vegna neyðar-
ástands í Vestur-Afríku. Nær átj-
án milljón manns standa frammi
fyrir alvarlegum matarskorti á
svæðinu og telst samtökunum til
að um 40 milljónir dollara, eða
sem nemur um 5,2 milljörðum
íslenskra króna, þurfi til að hægt
sé að hjálpa 1,5 milljón manna,
þar af nærri einni milljón barna,
sem þurfa á mestri hjálp að
halda. Fjármagnið sem samtökin
safna mun renna til lífsnauðsyn-
legra þátta á borð við næringu,
heilsuvernd og tryggum aðgangi
að matvælum fyrir berskjölduð-
ustu fjölskyldurnar í Burkina
Faso, Níger, Malí og Máritaníu.
„Ástandið á Sahel-svæðinu
er nú þegar orðið skelfilegt. Í
löndum eins og Níger, berjast
fjölskyldur við að halda lífi á
nánast engu og börnin fara ekki
varhluta af því,“ segir Björg
Björnsdóttir, verkefnisstjóri
erlendra verkefna hjá Barna-
heillum – Save the Children á
Íslandi. Ef ekki kemur til aukinn
stuðningur alþjóðasamfélagsins,
mun ástandið fara versnandi.
„Við verðum að bregðast við
núna því allur dráttur á aðstoð
getur kostað fleiri börn lífið. Við
vitum að við getum bjargað þess-
um börnum, fáum við tækifæri
til þess,“ segir Björg í samtali við
Fréttatímann. Matarskorturinn er mikill í Níger og nærliggjandi löndum.
Stuðningur
Þeir sem vilja styðja hjálparstarf Barnaheilla – Save the Children í Vestur-
Afríku er bent á söfnunarsíma samtakanna 904 1900 (1.900 kr.) og 904
2900 (2.900 kr.). Einnig er hægt að leggja frjáls framlög inn á reikning
samtakanna 0327-26-1989 kt. 521089-1059.
Lj
ós
m
yn
d/
N
or
di
c
Ph
ot
os
/
G
et
ty
Im
ag
es
Ómeðvituð um
breytt hugarfar
Hulda Þórisdóttir, lektor í stjór-
nmálafræði vísar í kafla sem
hún ritaði í Rannsóknarskýrslu
Alþingis; Afsprengi aðstæðna
og fjötruð skynsemi, þegar hún
er spurð um áhrif boðsferða á
þá sem þær þiggja.
Hún segir að sama hversu
vel fólk telji sig vera í stakk
búið til að skilja fagurgalann
frá því sem það telji skipta
máli gangi það oft ekki eins vel
og það telur sjálft. Hún vísar í
bandaríska umræðu um gjafir
lyfjafyrirtækja til lækna úr
skýrslunni:
„Gjafirnar hafa verið allt
frá pennum til lúxusferðalaga
undir yfirskini vísindaráðstefna.
Flestir læknar þvertaka fyrir
að þeir verði fyrir áhrifum frá
þessum gjöfum og að fagleg
dómgreind þeirra ráði ferðinni.
En rannsóknir hafa sýnt að
læknar eru jákvæðari í garð
fyrirtækja sem þau hafa þegið
af gjafir og líklegri til að ávísa
lyfjum frá þeim en öðrum.
Læknarnir eru jafnframt fúsir
til að viðurkenna að gjafir lyfja-
fyrirtækja gætu haft áhrif á
aðra lækna en hafna því alfarið
að þær geti blindað þeirra eigin
dómgreind.“
Það eru því ekki hin beinu
áhrif gjafa eða boðsferða sem
þarf að varast heldur þau
óbeinu; breyttu hugarfari gagn-
vart þeim sem gefa.
 Boðsferð fyrirmenni ferðuðust frÍtt með icelandair
Steingrímur J. í
boðsferð Icelandair
Steingrímur J. Sigfússon ráðherra, aðstoðarmaður hans, bæjarstjóri Akureyrar og lykil-
menn íslenskra ferðayfirvalda fóru í boði Icelandair til Denver. Upplýsingafulltrúi Icelandair
segir að þar sem ráðherrann var með í för hafi tekist að bóka fundi með háttsettum aðilum
ytra. Ferðin vakti mikla athygli í fjölmiðlum þar, að sögn upplýsingafulltrúans.
s teingrímur J. Sigfússon ráðherra og for-maður Vinstri grænna, aðstoðarmaður hans, fulltrúar bæjarstjórnar Akureyrar
og lykilmenn íslenskrar ferðaþjónustu fóru í boði
Icelandair til Denver í Bandaríkjunum um miðjan
maí-mánuð.
Í siðareglum ráðherra segir að ráðherra þiggi
„að jafnaði“ ekki boðsferðir af einkaaðilum nema
opinberar embættisskyldur séu hluti af dagskrá
ferðarinnar. Huginn Freyr Þorsteinsson, aðstoðar-
maður Steingríms, segir þá hafa verið í opinberum
erindagjörðum og því ekki brotið siðareglur.
Ráðherrann vildi treysta viðskiptasambönd við
Colorado-fylkið fyrir íslensk fyrirtæki; ekki aðeins
Icelandair heldur fjölda annarra svo sem fyrirtæki
útivistarfatnaðar. „Ferðin var metin mikilvæg fyrir
hagsmuni Íslands.“
Helgi Hjörvar, formaður við-
skipta- og efnahagsnefndar
Alþingis, vildi ekki tjá sig um
málið.
Guðjón Arngrímson, upp-
lýsingafulltrúi Icelandair, segir
hefð fyrir því að útbúa dagskrá í
kringum fyrsta flug á hvern
áfangastað af hálfu flug-
félagsins og ferðamálayfir-
valda hér og ytra til að vekja athygli á fluginu og fá
hingað ferðamenn.
„Í þessu tilviki óskuðum við eftir því að ráð-
herra myndi veita okkur liðsinni í þessari dagskrá.
Steingrímur Sigfússon tók því ljúflega. Hann kom
með okkur og var í þessari ferð í rúman sólar-
hring,“ segir Guðjón. Haldnir hafi verið tveir
blaðamannafundir auk þess sem Steingrímur
sat morgunverðarfundi með fylkisstjóranum í
Colorado og viðskiptaleiðtogum í fylkinu og náði
einnig hádegisverðafundi með borgaryfirvöldum
og ferðamálayfirvöldum.
„Þetta byggir á því að ef háttsettir aðilar
héðan taka þátt tryggir það samband við hátt-
setta aðila ytra. Það var því mikilvægt að
njóta liðsinnis ráðherra við opnun þess-
arar leiðar. Enda vakti ferðin mikla
athygli í viðskipta- og stjórnarlífinu
fyrir vestan.“
Blaðamenn voru meðal boðs-
gesta Icelandair. Blaðamaður
Fréttatímans fór fyrir blaðið í
álíka, eins dags reisu með Wow
Air á dögunum og nýtti til að viða
að sér efni. Hann hefur heimildir
fyrir því að fulltrúa ríkisstjórnarinn-
ar hafi verið boðið en sá ekki þegið.
Einar Örn Benediktsson, borgar-
fulltrúi Besta flokksins og formaður
menningar- og ferðamálaráðs, var í boðsferð Wow
Air og sætti gagnrýni þess vegna. Minnihluti
borgarinnar hefur óskað eftir áliti innri endur-
skoðanda á ferðalaginu „með hliðsjón af siða-
reglum og góðum starfsháttum kjörinna fulltrúa
og embættismanna á vegum borgarinnar.“
Eiríkur Björn Björgvinsson, bæjarstjóri á Akur-
eyri, Geir Kristinn Aðalsteinsson og Sigríður
María Hammer fóru í ferðina fyrir hönd Akureyr-
arbæjar. Eiríkur segir hana hafa verið allt annars
eðlis en Wow-ferðin. „Við erum í vinabæjarsam-
skiptum við Denver og vorum að koma þeim á.“
Oddur Helgi Halldórsson forseti bæjar-
ráðs, segir að bæjaryfirvöld hafi tekið vel í
hugmyndina um að Denver og Akureyri yrðu
vinabæir. Hann segir töluverða hagsmuni
í húfi fyrir bæinn. Þá telji bæjarfulltrúar
sig ekki skuldbundna Icelandair þótt þeir
hafi þegið flugið. „Það hvarflaði ekki að
okkur,“ segir hann: Iceland Express fljúgi
norður á sumrin og bæjarstjórnin hafi þátt
í að liðka til fyrir þeim líka.
Gunnhildur Arna Gunnarsdóttir
gag@frettatiminn.is
Eiríkur Björn Björgvinsson
Steingrímur J. Sigfússon ráðherra
hitti ráðamenn í Colorado í boði Ice-
landair um miðjan maí.
6 fréttir Helgin 15.-17. júní 2012