Fréttatíminn - 15.06.2012, Blaðsíða 16
Litlir tappar
eru varasamir
... fyrir litla tappa
Ung börn, sérstaklega yngri en 3 ára, eiga það til að setja hluti
upp í munninn. Skrúftappi á Fjörmjólk, D-vítamínbættri mjólk og á
Stoðmjólk er af þeirri stærð að hann gæti verið varasamur
ungum börnum.
Við viljum biðja forráðamenn smábarna að hafa þetta hugfast.
E
N
N
E
M
M
/
S
IA
•
N
M
52
46
4
Í
upphafi, 1978, átti Dallas
aðeins að vera svokölluð
„mini-sería“, sex þættir sem
fjölluðu fyrst og fremst um
forboðna ást Bobbys Ewing
og Pamelu Barnes en fjölskyldur
þeirra hötuðust heitt og innlega
vegna áralangra deilna um skipt-
ingu olíauðs á milli ættfeðranna
Jocks Ewing og Digger Barnes.
Þetta Rómeó og Júlíu ævintýri í Tex-
as vatt þó svo hressilega upp á sig
að þættirnir gengu óslitið í tólf ár.
J.R. gerðist strax frekur til fjörs-
ins og þetta siðspillta illmenni sem
áhorfendur elskuðu að hata varð
fljótt þungamiðja sögunnar og leik-
arinn Larry Hagman á skuldlaust
mestan heiður af vinsældum þátt-
anna.
Einnar-sjónvarpsstöðvar-þjóðin
á Íslandi fór ekki varhluta af vin-
sældum Dallas og í byrjun níunda
áratugarins voru miðvikudags-
kvöld heilög á fjölmörgum heim-
ilum landsins þar sem fjölskyldan
sameinaðist agndofa fyrir framan
imbakassann og sökkti sér ofan í
draumaheim ríka og fallega fólksins
í Dallas. Og sjálfsagt hefur margur
verðbólginn mörlandinn ornað sér
við að horfa upp á að miklum auð-
ævum fylgi ekki endilega hamingja.
Dallas sýndi nefnilega svo skemmti-
lega fram á að raunveruleg lífsgæði
felast ekki endilega í því að hafa
sundlaug við veröndina, keyra um
á flottum bílum og geta fengið sér í
glas í stásstofu á hverju kvöldi áður
en þjónustufólkið ber fram kvöld-
verð. Lærðar bókmenntakenningar
hafa verið settar fram þess efnis
að Dallas-þættirnir hafi verið sér-
lega vel til þess fallnir að viðhalda
ríkjandi ástandi.
Olía, bensín og kvenfyrirlitning
Eftir einhver ár fékk sjónvarps-
þjóðin kjaftshögg þegar Sjónvarp-
ið hætti að sýna Dallas en það er
til marks um vinsældirnar að þá
streymdi fólk á bensínstöðvar Olís
– á þeim bænum fékk einhver þá
frábæru hugmynd að laða fólk að
bensíndælunum með því að leigja
út nýjustu þættina á myndböndum.
Stöð 2 tók síðar við keflinu og Dallas
lauk keppni á þeirri sjónvarpsstöð
1990.
Dallas-æðið tók á sig ýmsar
myndir í þjóðlífinu og sjálfsagt
muna enn margir texta Dúkkulísu-
lagins Pamela í Dallas. „Fimmtán
ára kasólétt/Það er fúlt og ógeðs-
legt/Ég vildi ég væri Pamela í
Dallas.“ Ó já. Konurnar í Dallas
voru glæsilegar og komu fram eins
fáklæddar og þeirra tíma viðmið
leyfði og Pamela var auðvitað sætust
og hefur líklega átt viðkomu í blaut-
um draumum ófárra unglingspilta.
Dallas var löðrandi í kvenfyrir-
litningu sem þótti ef til vill lúmsk
í þá daga en þegar gömlu þættirnir
eru skoðaðir í dag er hún æpandi
og í raun eru þættirnir ómetanleg
heimild um hversu skammt á veg
jafnréttisbaráttan var komin fyrir
aðeins þrjátíu árum. Fyrir J.R. voru
konur ekkert annað en viðfang og
verkfæri og skúrkurinn var svo
óforskamaður á þessu sviði að æðsti
páfi karlrembunnar, James Bond,
fölnar í samanburðinum.
Samtök áhugafólks um
áfengisvandann í Dallas
Þættirnir voru einnig gegnsósa af
áfengi og vægast sagt alkóhólíser-
aðir en af miklu göfuglyndi reyndu
framleiðendur þáttanna að opna
umræðu um alkóhólisma sem sjúk-
dóm og þar fór blessunin hún Sue
Ellen fremst í flokki inn og út af geð-
deildum og meðferðarstofnunum,
lóðbeint í ræsið, endalaust úr og í
arma J.R. sem braut hana jafnan
markvisst niður.
Alkóhólisminn í Dallas kemur
meira að segja við sögu í barátt-
unni við Bakkus á Íslandi en þeg-
ar SÁÁ-samtökin voru stofnuð var
leikaranum Ken Kercheval boðið
sérstaklega til landsins. Hann lék
hinn lánlausa Cliff Barnes, bróður
Pamelu, sem J.R. valtaði yfir með
reglulegu millibili. Cliff varð því
eðlilega fyllibytta og sömu sögu var
að segja af leikaranum sem mætti í
sjónvarpssal í Reykjavík og ræddi
fjálglega um bölið.
Enn eymir af þeim áhrifum sem
Dallas hafði á íslenska þjóðarsál og
líklega munu kynslóðirnar safnast
saman við sjónvarpstækin eða tölv-
urnar í kvöld, föstudagskvöld, þeg-
ar Stöð 2 frumsýnir fyrsta þáttinn í
nýrri Dallas-seríu.
Stríðið á Southfork
heldur áfram á nýrri öld
Dallas, sjónvarpsþættirnir um ástir, undirferli, svik, framhjáhald, græðgi, drykkju, sorgir, sigra ríka og olíuauð fallega og ríka fólksins í samnefndri borg
í Texas, náðu óhemjuvinsældum á níunda áratug síðustu aldar og eru í raun stórmerkilegt fyrirbæri í vestrænni dægurmenningarsögu. Þættirnir hófu
göngu sína árið 1978 og runnu ekki sitt skeið fyrr en 1990. Þættirnir lifa enn góðu lífi á fornri frægð sem sjónvarpsstöðin TNT hefur nú virkjað með nýrri
Dallas-þáttaröð og þar eru Ewingarnir enn við sama heygarðshornið. J.R., Sue Ellen og Bobby eru öll mætt til leiks á ný en halda sig þó að nokkru til hlés
þar sem á nýrri öld verða átök sona þeirra J.R. og Bobbys í forgrunni og, líkt og við má búast, draga synirnir dám að feðrum sínum.
Synirnir sem hafa tekið stöður feðranna. John Ross sver sig í ætt við J.R. og er meira
að segja með kúrekahatt á meðan Christopher horfir til Bobby sem fyrirmyndar.
16 sjónvarp Helgin 15.-17. júní 2012