Fréttatíminn - 27.02.2015, Blaðsíða 22
TENERIFE f rá
Tímabi l : apr í l - maí 2015
16.999 kr.
TAKMARKAÐ MAGN Í BOÐI
BÓKAÐU NÚNA Á WOWAIR.IS
É g lenti í miklu einelti þegar ég var yngri sem varð til þess að ég flutti frá Íslandi,“
segir Eva Sigurðardóttir, sjón-
varps- og kvikmyndaframleiðandi,
en hún flutti nýverið heim til Ís-
lands eftir 16 ára dvöl erlendis. „Ég
var alltaf í sama bekknum í Digra-
nesskóla og þar átti ég tvær góðar
vinkonur þar til í lok 7. bekkjar en
þá fluttu þær í önnur bæjarfélög.
Þá versnaði eineltið mjög mikið og
ég átti mjög erfitt þennan vetur.
Fjölskyldan hafði miklar áhyggjur
af mér og við ákváðum í sam-
einingu að ég þyrfti að komast úr
þessu umhverfi. Við veltum því
fyrir okkur hvort ég ætti að flytja til
ömmu eða þá að fara til Tékklands
þar sem foreldrar mínir þekktu til
í alþjóðlegum heimavistarskóla,“
segir Eva.
Á endanum var ákveðið að hún
færi í heimavistarskólann og að
pabbi hennar myndi vera með
henni fyrsta árið. Eitt ár varð þó
að fimm því Eva ákvað að klára
líka menntaskólann í Tékklandi.
„Leiðin að kvikmyndagerð var ekk-
ert svo bein hjá mér. Ég hélt eftir
menntaskólann að ég vildi verða
læknir og planið var að koma aftur
til Íslands í læknanám. En ég var
bara ekki tilbúin til að koma aftur
heim,“ segir Eva sem ákvað eftir
nokkrar vangaveltur að hana lang-
aði til að segja sögur og læra að
framleiða þær.
Mikið hark en skemmtilegt að
búa í London
Eva lærði sjónvarpsframleiðslu
í University of Westminster og
byrjaði að vinna við barnaefni hjá
BBC fljótlega eftir útskrift. „Að
starfa við framleiðslu er rosalega
skemmtilegt, aðallega vegna þess
hversu fjölbreytt það er. Margir
halda að til að framleiða kvikmynd-
ir þurfi maður að eiga fullt af pen-
ingum en það er alls ekki þannig,
heldur er maður alltaf að leita að
peningum og leiðum til að fjár-
magna myndirnar. En góðir fram-
leiðendur þurfa fyrst og fremst
að vera skapandi og hafa tilfinn-
ingu fyrir því hvað sé góð saga og
hvernig best sé að miðla henni.“
„Það var að mörgu leyti mjög
erfitt að vinna í London en á sama
tíma alveg frábært. Ég þakka Bret-
landi allt sem ég hef lært. Þar eru
mörg góð verkefni í boði en það eru
auðvitað svakalega margir að kepp-
ast um þau. Margir vinna ókeypis
í mörg ár, eru í þremur vinnum og
fæstir eiga nokkurt fjölskyldulíf.
Það er að hluta til þess vegna sem
ég hef haft þá tilfinningu að ég
verði að drífa mig í að gera allt sem
mig dreymir um að gera, áður en
ég eignast fjölskyldu. Ekki vegna
þess að það verði ekki hægt síðar
en ég bara veit að það
verður erfiðara. Margar
þeirra kvenna sem ég
hef unnið með eru með
börn og standa sig alveg
ótrúlega vel. En þetta er
slítandi vinna og ekki
auðvelt fyrir fjölskyld-
ur, þó allt sé auðvitað
hægt.“
BAFTA tilnefningin
breytti öllu
Meðfram því að vinna
hjá BBC vann Eva að
kappi að því að fram-
leiða sínar eigin myndir
og árið 2013 var hún
tilnefnd til BAFTA verð-
launanna fyrir fram-
leiðslu á stuttmyndinni
„Good Night“. „Það
breytti öllu fyrir mig
og var eiginlega það sem að fékk
mig til að hugsa alvarlega um hvað
ég vildi gera í framhaldinu. Það er
alltaf flott að fá verðlaun en ég lít
fyrst og fremst á þau sem tækifæri
til að framkvæma næsta markmið.
Ég fór að spá hvernig væri best
fyrir mig að nýta þetta og tók þá
ákvörðun um að hætta í dagvinn-
unni í London, flytja loks heim og
stofna Askja Films, mitt eigið fram-
leiðslufyrirtæki,“ segir Eva sem þá
var komin í góða, og í fyrsta sinn
vel borgaða, vinnu í London. „Ég
var farin að vinna fyrir „Save the
Children“ sem framkvæmdastjóri
í ljósmynda-og kvikmyndadeild.
Þetta var mjög fín vinna en samt
ekki draumurinn. Ég man að pabbi
spurði mig hvað ég ætlaði nú að
BAFTA tilnefningin breytti öllu
Eineltið sem Eva Sigurðardóttir upplifði sem unglingur varð til
þess að hún flutti frá Íslandi, 14 ára gömul. Eftir að hafa klárað
menntaskóla í Tékklandi flutti hún til London þar sem hún lærði
og vann við framleiðslu í mörg ár. Eva ákvað að flytja aftur
heim þegar hún var tilnefnd til BAFTA verðlaunanna árið 2013
og í dag rekur hún sitt eigið framleiðslufyrirtæki sem frumsýnir
meðal annars tvær myndir á Stockfish-kvikmyndahátíðinni. Í lok
mars hefjast svo tökur á hennar fyrsta leikstjórnarverkefni sem
byggir á reynslu hennar af einelti unglingsáranna. Hún segir
mikilvægt að framleiðendur þori að vinna með konum.
Sjónvarps- og kvikmyndaframleiðandinn Eva Sigurðardóttir fluttist frá Íslandi þegar hún var 14 ára til að flýja einelti. Hún er
flutt heim eftir 16 ára fjarveru og hefur stofnað sitt eigið framleiðslufyrirtæki, Askja Films. Hún segir konur í kvikmyndum þurfa
hvatningu til að þora að stíga fram. Eins verði framleiðendur að þora að veðja á konur. Ljósmynd/Hari
gera eftir BAFTA tilnefninguna,
hvað það væri sem mig hefði alltaf
dreymt um að gera, og ég komst
að þeirri niðurstöðu að það væri
að framleiða mynd í fullri lengd.
Og síðan þá hefur stefnan verið
þangað.“
Tók 16 ár að snúa aftur heim
„Það tók mig 16 ár að verða tilbúin
til að koma aftur heim. Ég hélt
reyndar að ég mundi aldrei koma
aftur en ég ákvað nú samt að prófa
og mér hefur bara liðið ótrúlega
vel síðan. Ég hef allavega ekki enn
séð eftir því, enda held ég líka mjög
góðu sambandi við London, er að
vinna þar á fullu og fer út næstum
mánaðarlega. En á sama tíma er
ég nær fjölskyldunni og vinum hér
heima. Lífsgæðin á Íslandi eru líka
ótrúleg miðað við harkið í London.
Leigan hér er dýr en úti þarf maður
að vera í þremur vinnum til að
leigja litla holu með öðrum. London
getur verið mikið hark. Ég var
alltaf í vinnunni en átti samt aldrei
peninga,“ segir Eva og hlær. „Þetta
var samt svakalega gaman og ég sé
alls ekki eftir þessu þegar ég lít til
baka.“
Leikstýrir kvikmynd um einelti
Næsta verkefni Evu er að koma
sinni eigin sögu á kvikmyndaform,
en í lok mars hefjast tökur á stutt-
myndinni „Regnbogapartý“ sem
byggir að hluta til á reynslu hennar
sjálfrar af einelti. Auk þess að
skrifa handritið og framleiða mynd-
ina mun Eva þreyta frumraun sína
sem leikstjóri. Myndin hefur fengið
mikinn meðbyr úr öllum áttum.
Hún er gerð í samvinnu við Saga
Film með styrk frá Kvikmyndamið-
stöð Íslands og frá Film London en
auk þess vann handritið Pitch-hug-
myndakeppni í Cannes á síðasta
ári og var handritið verðlaunað af
Doris Film verkefni WIFT á íslandi.
„Þetta er saga sem ég þurfti
bara að koma frá mér. Hún er um
Soffíu, fjórtán ára stelpu í miðbæ
Reykjavíkur, sem er lögð í einelti
af vinsæla stelpuhópnum í skól-
anum. Myndin fjallar um það hvað
gerist þegar Soffía fær tækifæri
til að komast inn í hópinn. Hversu
langt hún er tilbúin til að ganga til
að falla inn. Hún gengur ansi langt
og fórnar mörgu í sögunni. Þetta
verður átakanleg mynd sem tekur
á þeim hættulegum hlutum sem
unglingar leiðast oft út í.“
Konur þurfa hvatningu
Framleiðslufyrirtæki Evu, Askja
Films, leggur áherslu á að miðla
sögum um og eftir konur. „Ég er
opin fyrir öllum góðum sögum en
mig langar mest til að gera myndir
um konur því mér finnst lang
skemmtilegast að horfa á myndir
um konur, líklega því ég er kona
sjálf. Svo hef ég bara mjög gaman
af því að vinna með konum og kven-
leikstjórum.“
„Mér finnst WIFT mjög flott
félag sem er að gera góða hluti
og mér finnst umræða um konur
í kvikmyndum síðustu ár vera að
skila sér. Það er margt sem betur
mætti fara en að sama skapi er út-
litið betra en það hefur verið lengi.
Það eru fullt af flottum konum
sem komnar eru með vilyrði fyrir
framleiðslu á næstu árum og það
er mjög spennandi,“ segir Eva.
Henni finnst umræðan oft snúast
of mikið um Kvikmyndamiðstöð
og styrki en telur að konur mættu
berjast á fleiri vígstöðvum. „Það er
mikilvægt að framleiðendur þori að
vinna með konum og dreifingarfyr-
irtæki verða að treysta því að saga
um konu fái fólk til að mæta í bíó.
Kerfið þarf auðvitað að gefa konum
séns en ég held að aðal áherslan
ætti að vera á hvatningu. Það þarf
að styrkja konur í að trúa á sín verk-
efni og þora að stíga fram og taka
sénsinn.“
Halla Harðardóttir
halla@frettatiminn.is
Eva Sigurðardóttir
Starf: Sjónvarps- og kvikmynda-
framleiðandi, og bráðum
leikstjóri.
BAFTA tilnefning 2013 fyrir fram-
leiðslu á Good Night.
Vann Pitch-hugmyndakeppni í
Cannes 2014 fyrir handritið að
næstu mynd sinni, Regnboga-
börn.
Sýnir tvær myndir á Stockfish
kvikmyndahátíðinni; Foxes og
Substitute.
Hjúskaparstaða: Einhleyp.
Áhugamál: Kvikmyndir, ferðalög,
gott spjall með vinkonum, veit-
ingastaðir, góðar sjónvarps-
seríur og útihátíðir.
Uppáhaldsmatur: Avocado og
gott kaffi (ekki saman!).
22 viðtal Helgin 27. febrúar–1. mars 2015