Fréttatíminn - 27.02.2015, Blaðsíða 64

Fáðu meira
út úr Fríinu
gerðu verðsamanburð á hótelum og bílaleigubílum á túristi.is
AMSTERDAM f rá
Tímabi l : jún í 2015
12.999 kr.
TAKMARKAÐ MAGN Í BOÐI
BÓKAÐU NÚNA Á WOWAIR.IS
K ate er leikrit sem ég skrif-aði og fjallar um Ísland á stríðsárunum, segir Agnes
Wild, leikkona, leikstjóri og leik-
skáld. „Það fjallar um unga stúlku
frá Sauðárkróki, sem flytur til
Reykjavíkur árið 1940. Hún fær
vinnu í búðinni Flórída, sem var til
á Hverfisgötunni. Þetta er þó ekki
sönn saga, alls ekki,“ segir Agnes.
„Sagan segir frá Kate og annarri
stúlku sem vinnur í búðinni og
þeirra sjónarhorni á ástandinu
og hermönnunum sem hingað
komu. Upplifun þeirra og reynsla
er mjög ólík á þessum tíma og fara
mjög ólíkar leiðir í sínu lífi. Þetta
er byggt á sönnum atburðum þó
sagan sé samin af mér,“ segir Ag-
nes sem segist hafa lesið sér mikið
til um þennan tíma og hlustað á
sögur frá ömmu sinni sem bjó á
Grettisgötu á þessum tíma. „Það
eru margir „konfliktar“ í þessu og
sagan endar ekkert endilega vel,“
segir Agnes. „Þrátt fyrir það er
þetta kómedía, með dramatísku
tvisti.“
Ástandið á Íslandi óþekkt í
Englandi
Leikhópurinn Lost Watch, sem
Agnes stofnaði, hefur sýnt verkið
nokkrum sinnum í Bretlandi. Fyrst
árið 2013 á lokaári Agnesar í námi,
svo fóru þau með verkið á Fringe
Festival í Edinborg þar sem verkið
fékk NSDF verðlaunin á hátíðinni,
eða National Student Drama Festi-
val Award. Verðlaunin eru veitt
þeim sem eru nýútskrifaðir, eða
eru með verk þar sem nýútskrifað-
ir leikarar koma fram. Agnes fékk
einnig verðlaun fyrir leikstjórn og
sviðshönnun á sömu hátíð svo það
er greinilegt að verkið féll í kramið
hjá Bretunum.
„Mér fannst það mjög skemmti-
legt, þar sem leikmyndin er bara
einn kassi sem er notaður á marg-
an hátt,“ segir Agnes. „Stundum
þarf bara ekki meira. Svo hefur
þetta undið alveg svakalega upp á
sig þarna úti. Það var uppselt á all-
ar sýningarnar í Edinborg, en við
sýndum nánast daglega í mánuð.
Bretum finnst þetta viðfangsefni
alveg svakalega merkilegt, vegna
þess að þeir hafa ekki hugmynd
um þetta,“ segir Agnes. „Þeir vita
margir hverjir ekkert um það að
þeir hafi átt hermenn á Íslandi á
stríðsárunum.“
Í kjölfarið af þessum verðlaunum
hefur Agnes fengið tækifæri til
þess að sýna Kate í London og í
næstu viku, þann 4. mars verður
verkið frumsýnt í Greenwich
Theater sem hefur verið partur af
 LeiKList sýnir verK um „ástandið“ í London
Ætlaði að verða forseti
Agnes Wild útskrifaðist á síðasta ári úr leiklistarskól-
anum East 15 í London, þar sem hún lagði stund á leik-
list og sköpun. Hún samdi leikrit fyrir leikhópinn Lost
Watch, sem hún stofnaði ásamt fleirum og sýndi verkið
á Edinborgarhátíðinni í fyrra og fékk verðlaun fyrir.
Hún byggir leikritið, sem heitir Kate, á hernámi breskra
hermanna á Íslandi á stríðsárunum. Hún er staðráðin í
því að sýna verkið hér heima, en fyrst verður það sett
upp í London, sem Agnes segir mikla viðurkenningu.
Bretar vita margir hverjir ekkert um það að þeir hafi átt hermenn á Íslandi á
stríðsárunum, segir Agnes Wild. Ljósmynd/Hari
leikhúslífi Lundúna í 150 ár. „Þeir
sáu verkið í Edinborg og vildu fá
okkur, sem er mjög skemmtilegt,“
segir Agnes. „Það eru gríðarleg
tækifæri fólgin í því að vera boðið
þetta. Leikritið gæti farið víðar og
jafnvel verið útgefið, sem er stór
stimpill í Bretlandi,“ segir Agnes.
„Þetta er mjög flott viðurkenning
fyrir mig og hópinn sem við höfum
haldið úti í þrjú ár.“
Vildi verða forseti
Agnes segist ætla að koma með
verkið til Íslands, þó hún sé ekki al-
veg viss hvenær það verður. „Núna
erum við að safna styrkjum bæði í
Bretlandi og á Íslandi til að kom-
ast með sýninguna hingað heim,
næsta skref er svo að finna eitt-
hvert leikhús sem vill leyfa okkur
að sýna.
Ef allt gengur upp verðum við
með sýningar á Kate seinni part
þessa árs,“ segir Agnes. „Ég mun
sýna verkið á ensku eins og það
hefur
verið gert, en ég er búin að þýða
það líka. Mig langar einhvern tím-
ann að setja það upp á íslensku, en
með blönduðum leikarahópi af
Íslendingum og Bretum.“
Agnes hefur haft í nógu að
snúast eftir útskriftina og nýverið
leikstýrði hún Footloose söng-
leiknum fyrir Menntaskólann við
Sund. „Mér finnst mjög gaman að
skapa og leikstýra,“ segir Agnes.
„Það hefur líka einhvern veginn
þróast út í það. Ég setti upp Ronju
ræningjadóttur hjá Leikfélagi Mos-
fellsbæjar í vetur og svo Footloose
núna hjá MS, og ég er að fara út að
vinna að nýju verki með leikhópn-
um mínum,“ segir hún. „Svo það er
nóg að gera sem er gaman.“
Stóð það alltaf til að fara í leik-
list, var aldrei neitt annað sem kom
til greina?
„Nei eiginlega ekki. Mig langaði
alltaf að verða forseti en það var
ekkert nám sem undirbjó mann
undir það, svo leiklistin var það
næsta. Svo verð ég kannski forseti
þegar ég hef aldur til,“ segir Agnes
Wild, leikstjóri, leikkona og leik-
skáld.
Hannes Friðbjarnarson
hannes@frettatiminn.is
www.birkiaska.is
Birkilauf (Betulic) hefur góð áhrif á bæði
vökvajafnvægi líkamans og húð, örvar
starfsemi nýrna og þvagfæra. Hraðar
efnaskiptum og losar vatn úr líkamanum,
dregur úr bólgum og afeitrar líkamann (detox).
Birkilaufstöflur
www.birkiaska.is
Minnistöflur
Bætir skammtímaminnið. Nýtist
fólki sem er undir álagi og fæst
við flókin verkefni. Hentar vel
fyrir eldri borgara, lesblinda og
nemendur í prófum. Dregur úr
streitu, eykur ró og bætir skap.
64 menning Helgin 27. febrúar–1. mars 2015