Fréttatíminn - 27.02.2015, Blaðsíða 42
42 heilsa Helgin 27. febrúar–1. mars 2015
Ráðgöf
Karlapúl
OrkulausnirLyklaþjálfun
Ei
ns
ta
kl
in
gs
þj
ál
fu
n Jóga
Hreyfilausnir
Stoðkerfislausnir
Þj
ál
fu
na
rá
æ
tlu
n
Kv
en
n
al
ei
kfi
m
i
Sj
úk
ra
þ
já
lf
un
Start 16-25
í f
or
m
fy
rir
g
ol
fið
A
ðh
al
d
íþ
ró
tt
af
ræ
ði
ng
s
Morgunþrek
- Þín brú til betri heilsu
www.heilsuborg.is Heilsuborg ehf. • Faxafeni 14 • 108 Reykjavík • Sími 560 1010
Hvaða hreyfing hentar þér?
Hafðu samband og fáðu fría ráðgjöf
Ný námskeið að hefjast, tryggðu þitt sæti!
– Viltu hreyfa þig reglulega?
– Þarftu að fá aðstoð til að komast af stað?
– Viltu auka orkuna og fá meira út úr deginum?
– Viltu hreyfa þig í skemmtilegum félagsskap?
– Viltu fá stuðning og aðhald?
Auðvelda fjölskyldum að elda heima
Fjölskyldufyrirtækið Eldum rétt
var stofnað fyrir rúmu ári og en
það sérhæfir sig í að afhenda
ferskt hráefni í réttum hlutföllum
þannig að fólk geti eldað heima
með sem minnstri fyrirhöfn. Valur
Hermansson rekur fyrirtækið
ásamt mági sínum, Kristófer Júlíusi
Leifssyni, og smakka þeir alla rétti
áður en þeir fara í umferð. Upp-
haflega var aðeins hægt að panta
sígilda rétti en nú fást einnig réttir
sérsniðnir að paleo-mataræðinu.
V ið höfum ekki sett mikið púður í eigin-lega markaðssetningu heldur lagt áherslu
á að maturinn sé fyrsta flokks
og höfum svo treyst á að varan
auglýsi sig sjálf með umtali eða
svokölluðu „word-of-mouth“.
Þannig hefur þetta vaxið jafnt og
þétt,“ segir Ívar Freyr Sturluson,
markaðs- og viðskiptafræðingur
hjá Eldum rétt. Fyrirtækið sér-
hæfir sig í að útbúa uppskriftir
og taka saman hráefni þannig
að fólk geti eldað heima með
sem minnstri fyrirhöfn. Í raun
má segja að Eldum rétt skipu-
leggi matseðilinn, kaupi inn og
mæli hráefnið nákvæmlega, og
afhendi það loks til viðskiptavina
sem elda heima með nákvæmar
eldunarleiðbeiningar sér við hlið.
Enginn afgangur
Fyrirtækið samanstendur af
tveimur ungum fjölskyldum
og var stofnað fyrir rúmu ári.
Valur Hermannsson og Krist-
ófer Júlíus Leifsson, mágur hans,
eru stofnendur og eigendur
Eldum rétt. Þar starfar einnig
systir Vals og kona Kristófers,
Hrafnhildur Hermannsdóttir sem
sér um markaðsmál, og Hanna
María Hermannsdóttir, kona Vals,
sem hefur umsjón með mannauðs-
málum. Eldum rétt var stofnað að
erlendri fyrirmynd en þeir Valur og
Kristófer ákváðu að prófa á Íslandi
hugmynd sem þegar hefur gefið
góða raun á hinum Norðurlöndun-
um. Ívar Freyr er síðan æskuvinur
Kristófers og hefur verið þeim
innan handar í markaðsmálum.
„Þetta er nýjung og hugsunin er
að einfalda lífið. Þetta er hugsað
fyrir fjölskyldufólk sem er upp-
tekið, vill borða hollan mat sem það
eldar sjálft en hefur ekki tíma til að
kaupa gott hráefni eða velja upp-
skriftir. Það getur líka verið flókið
að fara eftir nýjum uppskriftum en
hjá Eldum rétt eru öll handtök út-
skýrð í skrefum þannig að allir geta
fylgt þeim. Við pökkum líka öllu í
hárréttu magni þannig að ekkert
fer til spillis,“ segir Ívar Freyr en ef
það á að setja 1 teskeið af ákveðnu
kryddi í matinn þá fylgir nákvæm-
lega það magn sendingunni. „Það
kannast líklega flestir við að vera
að prófa nýja uppskrift og kaupa
heilu dunkana af nýju kryddi og
sitja svo jafnvel uppi með þá,“ segir
hann.
Fastur hluti af tilverunni
Enn sem komið er þarf að panta
þrjá rétti í einu, ýmist fyrir 2 eða
4 fullorðna, og er pöntun lögð inn
með um viku fyrirvara í gegnum
vefsíðuna Eldumrett.is. Vonir
standa til að seinna meir verði jafn-
vel aðeins hægt að panta einn rétt.
„Þetta er ekki orðinn mikill rekstur
en vöxturinn hefur verið stöðugur.
Það hefur komið vel út að þetta vaxi
bara hægt og rólega þannig að það
komi ekki niður á gæðunum. Það
skiptir máli að fara ekki fram úr sér
og missa tökin. Okkur hefur líka
tekist að halda vel í þá kúnna sem
við höfum,“ segir Ívar Freyr. Hann
er áskrifandi að mat frá Eldum
rétt og segist vart geta hugsað sér
annað en að fá alltaf minnst þrjár
kvöldmáltíðir á viku sem hann
eldar heima. „Þetta er bara orðinn
fastur hluti af tilverunni,“ segir
hann. Valur og Kristófer prófa sjálf-
ir allar uppskriftir áður en þær fara
í umferð en hjá fyrirtækinu starfar
einnig næringarfræðingur.
Upphaflega var aðeins hægt að
panta svokallaða „sígilda rétti“ en
seinna bættist við sá möguleiki að
panta rétti sem eru sérsniðnir að
paleo-mataræðinu sem hefur notið
mikilla vinsælda á Íslandi sem
erlendis. „Við erum að prófa okkur
áfram. Maður verður að prófa hlut-
ina til að sjá hvernig þeir virka og
fólk hefur allavega verið að nýta sér
þennan valkost,“ segir Ívar Freyr.
Erla Hlynsdóttir
erla@frettatiminn.is
Tvær fjölskyldur sjá um reksturinn, parið Valur Hermannsson og Hanna María Her-
mannsdóttir, og síðan Kristófer Júlíus Leifsson og Hrafnhildur Hermannsdóttir sem
eiga saman litla dóttur. Valur og Hrafnhildur eru systkini. Ljósmynd/Hari
Þrjár máltíðir eru afhentar í einu og eru þær merktar gulum, rauðum og grænum lit
eftir því í hvaða röð er best að elda þær til að hráefnið sé sem ferskast. Ljósmynd/Hari
Það kannast líklega
flestir við að kaupa heilu
dunkana af nýju kryddi
og sitja svo uppi með þá.