Fréttablaðið - 20.12.2014, Síða 2
20. desember 2014 LAUGARDAGUR| FRÉTTIR |
Efnahagssvið Samtaka
atvinnulífsins gagnrýnir
skort á aðhaldi í fjár-
lögum næsta árs. Ásdís
Kristjánsdóttir er for-
stöðumaður efnahags-
sviðsins.
2
FIMM Í FRÉTTUM BRCA-GEN OG HÖNNUNARHÚSGÖGNGLEÐIFRÉTTIN
FRÉTTIR
Björguðu 98 af 100
Læknum á Landspítalanum tókst að bjarga
lífi 98 af eitt hundrað sjúklingum sem komu
á spítalann á fimmtán ára tímabili með
alvarlega stunguáverka. Þetta sýna frum-
niðurstöður nýrrar rannsóknar þar sem allir
alvarlegir stunguáverkar á Landspítalanum
sem kröfðust innlagnar á sjúkrahús á ár-
unum 2000 til 2014 voru skoðaðir.
Tómas Guðbjartsson, hjarta- og æða-
skurðlæknir, segir þennan góða árangur
skýrast af þrennu. Í fyrsta lagi af skömmum
viðbragðstíma neyðarbílsins, í öðru lagi
af góðum aðgangi að blóði og í þriðja lagi
keðjum á spítalanum sem virki vel.
➜ Reykjavíkurborg hefur
ákveðið að farga húsgögnum í
Ráðhúsinu og koma
sér þannig undan
málshöfðun
húsgagnafram-
leiðandans Cass-
ina. Kristbjörg
Stephensen er
borgarlögmaður.
Alþingi fór í jólafrí
í vikunni. Einar K.
Guðfinnsson, forseti
Alþingis, stýrði þing-
fundum sköruglega
síðustu fundardagana.
Þrjú hundruð Íslend-
ingar hafa fengið úr því
skorið að þeir beri stökk-
breytingu í BRCA-geni.
Frá þessu greinir Vigdís
Stefánsdóttir hjá erfða-
ráðgjöf Landspítalans.
Genið eykur líkur á krabbameini.
José Garcia, veitinga-
maður á Caruso, var
læstur úti af staðnum
af húseigandanum
vegna deilna um
leigusamning.
Skógarhlíð 18 • Sími 595 1000
www.heimsferdir.is
Salzburg
B
irt
m
eð
fy
rir
va
ra
u
m
p
re
nt
vi
llu
r.
H
ei
m
sf
er
ði
r á
sk
ilj
a
sé
r r
ét
t t
il
le
ið
ré
tt
in
g
a
á
sl
ík
u.
A
th
. a
ð
ve
rð
g
et
ur
b
re
ys
t á
n
fy
rir
va
ra
. Frá kr.
59.900
Flugsæti báðar leiðir með sköttum.
SÉRTILBO
Ð
LÖGREGLUMÁL Íslensk kona á fer-
tugsaldri var handtekin á Schip-
hol-flugvelli í Amsterdam, höfuð-
borg Hollands á sunnudaginn
síðastliðinn. Konan var með 300
grömm af MDMA falin á sér.
Ekki hefur verið upplýst hvort
konan var með efnin innvortis eða
falin í farangri sínum.
MDMA er best þekkt undir
öðrum nöfnum eins og Ecstasy, e-
pillur eða Molly.
Upplýsingafulltrúi lögregl-
unnar í Amsterdam staðfestir
handtöku konunnar við Frétta-
blaðið og að hún hafi verið leidd
fyrir dómara miðvikudaginn
17. desember þar sem hún var
úrskurðuð í gæsluvarðhald. Kon-
unni hefur verið úthlutaður lög-
maður þar í landi. Lögreglan vildi
ekki tjá sig um hversu langan
dóm konan gæti séð fram á.
Borgaraþjónusta utanríkisráðu-
neytisins er að aðstoða konuna og
ættingja hennar við málið. Utan-
ríkisráðuneytið vildi ekki veita
Fréttablaðinu frekari upplýsingar
um málið að svo stöddu.
Lögfræðingar sérfróðir í refsi-
rétti sem fréttastofa ráðfærði sig
við segja að refsing hér á landi
fyrir innflutning á þessu magni
MDMA yrði um eins til tveggja
ára fangelsisdómur, eftir saka-
ferli og sögu sakbornings, hrein-
leika efnis og svo framvegis. Hafa
skal í huga að íslensk fíkniefna-
löggjöf er þó ekki sú sama og í
Hollandi.
Konan á tvö börn sem urðu eftir
hér á landi. Samkvæmt heim-
ildum Fréttablaðsins mun konan
ekki koma til landsins fyrir hátíð-
arnar. fanney@frettabladid.is
Íslensk kona í haldi í
Hollandi fyrir smygl
Íslensk kona handtekin fyrir að smygla 300 grömmum af MDMA á Schiphol-
flugvelli í Amsterdam síðustu helgi. Tvö börn konunnar eru á Íslandi. Konan var
úrskurðuð í gæsluvarðhald á miðvikudaginn og kemur ekki heim fyrir jól.
GÆSLUVARÐHALD Í AMSTERDAM Íslensk kona var handtekin á Schiphol-flugvelli
í Hollandi fyrir að smygla 300 grömmum af fíkniefninu MDMA.
FRÉTTABLAÐIÐ/NORDICPHOTOS/GETTY
MDMA, eða methylendioxymetamfetamín, er
samheiti yfir hóp ofskynjunarlyfja. MDMA er oft-
ast í töfluformi og framleitt í ólöglegum efnaverk-
smiðjum. Ekkert eftirlit er því með framleiðslunni,
hvorki með magni MDMA né heldur hvort öðrum
efnum er blandað saman við. Dæmi eru um að
rottueitri hafi verið blandað í töflurnar.
Dæmigerð áhrif eru víma af völdum örvunar
miðtaugakerfisins með geðhæð, auknu sjálfs-
mati og sjálfstrausti og blaðri, ásamt tilfinningu
um samkennd og ást til annarra. Taki neytandi
stærri skammt geta komið fram skyntruflanir og ofskynjanir. Stundum er
slík víma hlaðin svo miklum ofskynjunum og rugli að hún kemur fram sem
bráð sturlun. Auknir skammtar auka hættuna á slysum og ofbeldi í vímu.
Vímueinkennin, einnig sturlunareinkennin, hverfa venjulega þegar efnið
fer úr líkamanum. Eftirverkunin er þreyta, dofi, ógleði og misjafnlega mikið
þunglyndi, sem getur staðið í einn dag eða lengur. Stöku sinnum koma fram
alvarlegir læknisfræðilegir fylgikvillar vímu. Einkennin eru ofhitnun, alvarleg
blóðþrýstingshækkun með hættu á blæðingu í heila, aukinn hjartsláttur
með aukinni hættu á hjartsláttartruflunum, nýrnabilun, blóðstorknun í
æðum og hugsanlega lifrarskemmd. Þá eru dæmi þess að fólk hafi látist eftir
að hafa neytt aðeins eins skammts af efninu.
FJÁRMÁL Nasdaq-kauphöllin hefur
ákveðið að vísa Kópavogsbæ til svo-
kallaðrar viðurlaganefndar vegna
samþykktar í bæjarstjórn inni 14.
janúar á þessu ári um kaup á íbúð-
um og byggingu fjölbýlishúsa.
Kauphöllin lætur til sín taka í
málinu þar sem Kópavogsbær er
útgefandi skuldabréfa. Fyrrnefnd
samþykkt í bæjarstjórninni hafi
verið talin geta leitt til sjö til níu
prósenta aukningar á skuldum bæj-
arins umfram áætlanir. Um slík-
ar upplýsingar hafi verið að ræða
sem allir aðilar á markaði ættu að
fá aðgang að á sama tíma. Með því
að birta ekki tilkynningu um málið
fyrr en daginn eftir hafi Kópa-
vogsbær gerst brotlegur við reglur
Kauphallarinnar. Eftir athugun sína
hafi Kauphöllin nú óskað eftir að
viðurlaganefnd taki málið fyrir. - gar
Kauphöllin segir lög hafa verið brotin við ákvörðun um hækkun skulda:
Kópavogur til viðurlagsnefndar
KÓPAVOGUR Samþykkt um íbúðauppbyggingu og -kaup var ekki rétt kynnt.
FRÉTTABLAÐIÐ/VILHELM
VERSLUN Jón Ólafur Halldórs-
son, forstjóri Olís, segir það mat
fyrirtækisins að verðlækkun á
eldsneyti á erlendum mörkuðum
hafi skilað sér til neytenda hér á
landi.
Þetta kemur fram í tilkynn-
ingu þar sem gagnrýni úr frétt af
vefsíðu Félags íslenskra bifreiða-
eigenda (FÍB) um að verðlækk-
anir undanfarna mánuði hafi ekki
skilað sér til neytenda er svarað.
„Þegar borið er saman elds-
neytisverð á Íslandi og í nálæg-
um löndum, svo sem Danmörku,
kemur í ljós að það er ekki mikill
munur á verðinu,“ segir í tilkynn-
ingunni. - hg
Verðlækkun hafi skilað sér:
Olís ósammála
FÍB um olíuverð
Hvað er MDMA eða methylendioxymetamfetamín?
DANMÖRK Leit að tvítugum
Íslendingi í Danmörku, Þor-
leifi Kristínarsyni, hefur verið
hætt en hans hefur verið sakn-
að síðan á laugardagsmorgun.
Þetta staðfesti lögreglan á Norð-
ur-Jótlandi í samtali við Frétta-
blaðið í gærkvöldi.
Á öryggismyndbandi frá höfn-
inni í Fredrikshavn sést maður,
sem talinn er vera Þorleifur,
klifra yfir grindverk og inn á
hafnarsvæðið. Talið er að hann
hafi farið í höfnina og engar
líkur á að hann finnist á lífi.
Þorleifur býr í bænum Nykob-
ing en var í heimsókn hjá félaga
sínum þegar hann hvarf. - jóe
Ólíklegt að hann finnist á lífi:
Hætta leit að
Íslendingi
FÓLK Sigríður Laufey Gunnarsdóttir endurheimti í gær poka með
afmælis- og jólagjöfum sem hún vissi ekki að hún hefði týnt.
Forsaga málsins er að Eyrún Fríða Árnadóttir fann poka með
gjöfum á förnum vegi og auglýsti eftir eiganda pokans á Facebook.
Eigandinn á ekki aðgang að vefnum en starfsmenn verslunarinnar,
þar sem gjafirnar voru keyptar, könnuðust við þær og höfðu upp á
eigandanum með hjálp greiðslukortafyrirtækisins. Gjafirnar eru nú
komnar í réttar hendur og fara undir rétt tré á jólunum. - jóe
Stúlka fann poka með gjöfum og auglýsti eftir eigandanum:
Krókaleið gjafa í réttar hendur
AFHENDING Mikael Andrason og Andri Lúthersson, sonur og eiginmaður eiganda,
taka á móti gjöfunum úr hendi Eyrúnar Fríðu Árnadóttur. FRÉTTABLAÐIÐ/ERNIR