Fréttablaðið - 20.12.2014, Blaðsíða 150
20. desember 2014 LAUGARDAGUR| SPORT | 122
FÓTBOLTI Stórleikur helgarinnar í
ensku úrvalsdeildinni er viðureign
Liverpool og Arsenal á Anfield.
Fyrir leikinn er Liverpool í ellefta
sæti deildarinnar með 21 stig, sjö
stigum frá Meistaradeildarsæti,
en Arsenal í sjötta sæti, tveimur
stigum frá West Ham sem verm-
ir fjórða sæti deildarinnar með 26
stig.
Arsenal er búið að vinna þrjá af
síðustu fjórum leikjum liðsins,
þar af 4-1 sigur á Newcastle í síð-
ustu umferð, en Liverpool kemur
inn í leikinn eftir bikarsigur á
B-deildar liði Bournemouth. Það
er aftur á móti án sigurs í síðustu
þremur leikjum deildarleikjum og
þurfti að sætta sig við 3-0 tap fyrir
erkifjendunum í Manchester Uni-
ted í síðustu umferð.
Liverpool-menn vonast til að
bikarsigurinn, þar sem Raheem
Sterling fór á kostum, kveiki
neista í sínum mönnum sem þeir
þurfa svo sárlega á að halda. Sterl-
ing þarf að halda áfram á sömu
braut því Liverpool er ekki sama
liðið og þegar það mætti Arsenal á
heimavelli síðast fyrir tæpum ell-
efu mánuðum.
Búið eftir 20 mínútur
Daniel Sturridge skoraði fyrir
Liverpool á 20. mínútu gegn Ars-
enal þegar liðin mættust á Anfield
8. febrúar. Hann var ekki að koma
heimamönnum yfir í leiknum held-
ur að skora fjórða markið. Staðan
var 4-0 eftir 20 mínútur og Liver-
pool-liðið sjaldan eða aldrei litið
betur út í sögu úrvalsdeildarinnar.
Með Luis Suárez, Daniel Sturr-
idge og Raheem Sterling í þrusu-
formi í framlínunni og óþreytta
miðjumenn, fulla sjálfstrausts,
keyrði Liverpoo-liðið yfir læri-
sveina Wengers og vann, 5-1.
Tapið var vandræðalegt fyrir
Arsenal en ein af gullnu stund-
unum á ferli Brendans Rodgers
hjá Liverpool. Hann setti upp full-
kominn leik sem leikmennirnir
útfærðu fullkomlega, leikmenn
sem voru að spila allt að því full-
komlega. En það var þá.
Ellfu mánuðum síðar er eng-
inn Luis Suárez til staðar, Dani-
el Sturr idge meiddur fram á nýtt
ár, Steven Gerrard árinu eldri og
heimkoma Rickie Lambert hefur
ekki verið táranna sem hann grét
við samningsgerðina virði.
Eins og staðan gefur til kynna
er Liverpool-liðið ekki líkt því sem
spilaði á síðasta tímabili og býst
því enginn við sömu yfirburðum. Í
raun er Arsenal mun sigurstrang-
legra. Þótt varnir beggja liða séu
ekki upp á marga fiska stendur
Arsenal-vörnin sig betur og hefur
fengið færri mörk á sig til þessa.
Raheem Sterling er fram-
tíð Liverpool. Hann batt enda á
marka stífluna gegn Bourne mouth
í deildabikarnum í vikunni og
þarf að vera maðurinn sem keyr-
ir skröltandi Liverpool-vagninn
áfram.
Pólverjinn aftur mættur
Það er stutt á milli þess að vera
hetja og skúrkur í úrvalsdeildinni.
Emilano Martínez var búinn að
spila frábærlega fyrir Arsenal og
héldu margir að þar færi nýr aðal-
markvörður liðsins. En það þurftu
ekki nema þrír boltar að liggja í
netinu í 3-2 tapi fyrir Stoke til að
fá Wenger til að missa trúna. Woj-
ciech Szczesny var aftur kominn í
rammann gegn Newcastle og verð-
ur þar áfram.
Aðalmarkvörður Liverpool,
Simon Mignolet, verður þó áfram
á tréverkinu. Þrátt fyrir að Brad
Jones hafi sýnt í síðustu tveim-
ur leikjum af hverju himinn og
jörð þurftu nánast að farast áður
en Mignolet var settur á bekkinn
hefur Rodgers gefið út að Belginn
mun sitja á spýtunni um óákveð-
inn tíma.
Jones veitir óöruggri vörn
Liverpool, sem fær á sig 1,38 mörk
í leik, ekki mikið traust. Liverpool-
vörnin er þó aftur á móti kannski
smá blóraböggull fyrir miðjumenn
liðsins sem veita varnarlínunni
ekki mikla vörn. Liverpool-vörnin
er í níunda sæti yfir þau lið með
flest skot varin af varnarmönnum,
flesta bolta hreinsaða frá marki
og hafa komist inn í flesta bolta.
Pressan á varnarlínunni er mikil.
Þegar liðið fær á sig tæpt eitt
og hálft mark í leik þarf einhver
að skora á hinum endanum og það
hefur verið vesen. Arsenal gengur
mun betur að skora, búið að setja
28 mörk sem er fjórði besti árang-
urinn í deildinni.
Bæði lið eru brothætt sem þýðir
að leikurinn lofar mörkum. Yfir-
burðirnir ættu þó ekki að vera
neinir hjá hvorugu liðinu. Það sem
gerðist fyrir ellefu mánuðum ger-
ist ekki aftur. Bæði lið eru á allt
öðrum stað í dag. tomas@365.is
Margt breyst á ellefu mánuðum
Liverpool og Arsenal eigast við í stórleik helgarinnar í ensku úrvalsdeildinni. Þegar liðin mættust á Anfi eld í febrúar vann Liverpool
sigur í leik sem var í raun lokið eft ir 20 mínútur. Aðalmarkvörður Arsenal er mættur aft ur en hjá Liverpool situr Mignolet á bekknum.
FRAMTÍÐIN Raheem Sterling minnti hressilega á sig í vikunni, en hér fagnar hann
marki sínu gegn Arsenal í stórsigrinum í febrúar. FRÉTTABLAÐIÐ/GETTY
GOLF Ólafía Þórunn Kristins dóttir
og Valdís Þóra Jónsdóttir þurfa
báðar að vera upp á sitt allra
besta í dag til að eiga möguleika á
að komast í gegnum niðurskurð-
inn á lokaúrtökumótinu fyrir Evr-
ópumótaröð kvenna í golfi.
Af tæplega 120 kylfingum
komast 60 í gegnum niðurskurð-
inn sem verður framkvæmdur
eftir fjórða keppnisdaginn í dag.
Á lokadeginum á morgun mun sá
hópur keppa um 30 laus sæti á
Evrópumótaröðinni.
Ólafía Þórunn er sem stendur
í 76.-88. sæti á átta höggum yfir
pari og Valdís Þóra í 103.-107.
sæti á tólf höggum yfir pari en
báðar léku á 77 höggum í gær.
Niðurskurðarlínan eftir þriðja
keppnisdaginn í gær var við 221
högg eða fimm yfir parinu. - esá
Stelpurnar
gáfu eft ir í gær
VALDÍS ÞÓRA Á litla möguleika á
að komast í gegnum niðurskurðinn í
Marokkó í dag. FRÉTTABLAÐIÐ/DANÍEL
FÓTBOLTI Íslenska kvennalands-
liðið féll um fjögur sæti á styrk-
leikalista Alþjóðaknattspyrnu-
sambandsins, FIFA, frá upphafi
ársins. Ísland er í 20. sæti listans
og stendur í stað frá því í haust
en stelpurnar byrjuðu árið í 16.
sætinu.
Ísland byrjaði árið vel með því
að ná bronsi á Algarve-æfinga-
mótinu í Portúgal en tapaði svo
fyrir Sviss og Danmörku í undan-
keppni HM 2015 og hafnaði í 2.
sæti síns riðils. - esá
Ísland lýkur
árinu í 20. sæti
FÓTBOLTI Framkvæmdastjórn
Alþjóða knattspyrnusambandsins,
FIFA samþykkti einróma í gær
að birta rannsóknarskýrslu sem
siðanefnd sambandsins lét vinna
um umsóknarferlið fyrir úthlutun
heimsmeistarakeppnirnar 2018 og
2022. Áður hafði aðeins útdráttur
úr skýrslunni, sem bandaríski lög-
maðurinn Michael Garcia vann,
verið birtur.
Garcia eyddi tveimur árum í
rannsókn sína þar sem hann skoð-
aði allar níu umsóknir þeirra ell-
efu landa sem sóttu um að fá að
halda HM í knattspyrnu. Garcia,
sem hafði aldrei séð knattspyrnu-
leik áður en FIFA réð hann til
verksins, ferðaðist um allan heim-
inn til að sanka að sér upplýsing-
um og vann 430 síðna skýrslu.
Samstarfsmaður Garcia í siða-
nefnd FIFA, Þjóðverjinn Hans-
Joachim Eckert, tók svo við skýrsl-
unni og vann 42 síðna útdrátt sem
birtist fyrr í mánuðinum. Garcia
mótmælti birtingunni harðlega og
sagði að í útdrættinum væru bæði
rangfærslur og ófullnægjandi upp-
lýsingar.
Garcia sagði sig úr siðanefnd
FIFA á miðvikudag vegna máls-
ins en Sepp Blatter, forseti sam-
bandsins, sagði að það hafi alltaf
verið vilji þess að allur sannleik-
urinn kæmi fram.
„Það er ástæðan fyrir því að
sjálfstæðri siðanefnd var komið
á fót. Hún hefur sinn eigin rann-
sóknararm til að geta fram-
kvæmt allar þær athuganir sem
henni sýnist,“ sagði Blatter eftir
fund framkvæmdastjórnarinnar í
Marrakesh í Marokkó í gær.
Rússlandi var úthlutað keppn-
inni árið 2018 og Katar árið 2022.
FIFA segir að skýrslan breyti
engu um það – keppnirnar verði
haldnar í þessum löndum eins og
ákveðið var á sínum tíma.
Málinu er þó langt í frá lokið.
Rannsókn á fimm mismunandi
aðilum, þar af einstaklingum sem
sátu í framkvæmdastjórn FIFA, er
enn ekki lokið og þangað til verð-
ur ekki hægt að birta skýrsluna
umræddu í heild sinni. Þá hefur
ágreiningur Garcia við samstarfs-
félaga í siðanefndinni og forráða-
menn FIFA ýtt enn undir ásakanir
um spillingu og ógagnsæi í efstu
þrepum sambandsins. - esá
Niðurstöður spillingar -
rannsóknar birtar
Enn eitt málið sem hefur varpað skugga á starf
Alþjóðaknattspyrnusambandsins vindur upp á sig.
HVAÐ STENDUR Í SKÝRSLUNNI? Michael Garcia vann ítarlega skýrslu þar sem
ásakanir um spillingu innan FIFA voru rannsakaðar. FRÉTTABLAÐIÐ/AFP
KÖRFUKNATTLEIKSSAMBAND ÍSLANDS
óskar öllum innan körfuknattleikshreyfingarinnar
sem og landsmönnum öllum gleðilegra jóla og
farsældar á komandi ári.
KKÍ þakkar öflugum samstarfsaðilumn sínum
fyrir stuðninginn á árinu og hlakkar til
áframhaldandi samstarfs á nýju ári.