Fréttablaðið - 20.12.2014, Síða 56
20. desember 2014 LAUGARDAGUR| HELGIN | 56
1 „Á þessum einangraða stað var oftast skýjað og dumbungur í lofti og það
gerðist aldrei neitt, enda leiddist stúlkunum
sem voru komnar að fermingu.“
2 „Ég og Jesú erum eins og tvær akfeitar manneskjur á pínulitlum báti rekumst
hvort á annað hlæjandi kinn við kinn vömb
við vömb klessast saman
hlæjandi keppirnir dúa undirhökurnar
hristast bátsskelin tekur aðra dýfu ég dett
á Jesú sem puðrar með vörunum og blikkar
mig: Here’s looking at you, kid ég dey úr
hlátri!“
3 „Hvass vindur blés yfir Miðnesheiðina. Hann kom norðan af hálendinu og yfir
úfið hafið á Faxaflóanum og klifraði upp á
heiðina, napur og kaldur.“
4 „Kristófer lítur á úrið, svo dregur hann andann djúpt og reynir að slaka
á. Hann situr við fjögurra manna borð á
kaffihúsinu á fjórðu hæð Perlunnar í Öskju-
hlíð með ósnertan kaffibolla fyrir framan
sig.“
5 „Fyrir mitt minni, í sveitinni á Bruna-sandi, byrjaði ég daginn á því að klifra
upp á eldhúsborð, klessa nefi á rúðu og gá
til jökuls.
„Æ, æ, bless, hann fór í kvöld ... æ, æ, þá
...!“ þuldi ég fram og aftur, ef það sást ekki
til hans.“
6 „Þau mynduðu eins konar tröppur á bekknum. Telpan sem var minnst
sat við annan endann og eldri bræðurnir
tveir við hlið hennar. Eins, þriggja og fjög-
urra ára. Grannir leggirnir héngu fram af
harðri setunni. Ólíkt venjulegum börnum
iðuðu systkinin ekki í sætinu og ekkert
þeirra sveiflaði fótunum.“
7 „Lestarstöðin í Cambridge var nánast mannlaus. Á brautarpalli 6 stóð maður
og beið eftir hraðlestinni frá London. Þetta
var meðalmaður á hæð, klæddur gráum
jakkafötum, yfirhafnarlaus; dagurinn hafði
verið sólríkur og loftið var enn heitt og
rakt.“
8 „Ég hafði losað um hálstauið í lang-þráðu hléi milli skjólstæðinga, farið úr
skónum og lagst sjálfur á meðferðarbekk-
inn þegar ég sá nafn Önnu O blikka á far-
símaskjánum. Hún hafði aldrei hringt í mig
öll þau ár síðan við skiptumst á númerum.“
9 „Annað hvort ykkar þarf að koma strax heim. Engar afsakanir! Afmælis-
boð aldarinnar endaði í algjöru rugli áðan
… en byrjaði samt eiginlega aldrei.“
10 „Sara veit hvorki í þennan heim né annan. Við hlið hennar sefur nætur-
gestur eins og ungbarn, vafinn inn í mjúka
dúnsæng. Það hvílir ró yfir hlýlegri íbúð-
inni. Á gömlum tekkskenk hringsnýst vín-
ylplata á eikarklæddum „vintage“ Pioneer
plötuspilara frá árinu 1975. Nálin í spilar-
anum hjakkar í djúpri rispu í ágætu lagi
hljómsveitarinnar Smokie, Living next door
to Alice.“
HVER ER
HÖFUNDURINN?
Fjölmargar skáldsögur koma út þessi jólin. Fréttablaðið tók
saman upphaf tíu þeirra svo lesendur geti spreytt sig á fimi
sinni við það að þekkja stílbragð íslenskra rithöfunda.
GUÐBERGUR
BERGSSON
Svör 1. Guðbergur Bergsson Þrír sneru aftur 2. Guðrún Eva Mínervudóttir Englaryk
3. Arnaldur Indriðason Kamp Knox 4. Stefán Máni Litlu dauðarnir 5. Steinunn Sigurðardótt-
ir Gæðakonur 6. Yrsa Sigurðardóttir DNA 7. Jón Óttar Ólafsson Ókyrrð 8. Bjarni Bjarnason
Hálfsnert stúlka 9. Jónína Leósdóttir Bara ef ... 10. Ingibjörg Reynisdóttir Rogastanz
JÓNÍNA
LEÓSDÓTTIR
INGIBJÖRG
REYNISDÓTTIR
STEINUNN
SIGURÐARDÓTTIR
BJARNI
BJARNASON
STEFÁN
MÁNI
JÓN ÓTTAR
ÓLAFSSON
GUÐRÚN EVA
MÍNERVUDÓTTIR
YRSA
SIGURÐARDÓTTIR
ARNALDUR
INDRIÐASON