Fréttablaðið - 20.12.2014, Síða 124

20. desember 2014 LAUGARDAGUR| MENNING | 96
Nikký er 12 ára ákveðin stelpa
með einstaka hæfileika,“ segir
Brynja Sif Skúladóttir, höf undur
bókarinnar Nikký og baráttan
um bergmálstréð sem er fram-
hald sögunnar Nikký og slóð
hvítu fjaðranna sem kom út í
fyrra. „Hún býr hjá mömmu sinni
í Reykjavík þegar sagan hefst en
amma hennar Mandana og föður-
fjölskylda hennar búa í sirkus við
Zürich-vatn og eiga ættir sínar
að rekja til Rúmeníu. Hún fær að
eyða sumrinu hjá ömmu sinni í
Zürich þar sem hún ætlar að læra
betur að beita óvenjulegum hæfi-
leikum sem hún er gædd en hún
getur náð sambandi við trén og
skilur tungumál þeirra. Nikký
hefur haldið þessum hæfileika
leyndum á Íslandi en í föðurætt
hennar hefur þessi hæfileiki erfst
mann fram af manni og þykir full-
komlega eðlilegur þar.“
Nikký og baráttan um bergmáls-
tréð hefst þegar Nikký er á leið-
inni ein til Zürich til þess að kynn-
ast fjölskyldunni betur og eyða
sumrinu í sirkusnum. Hún er auð-
vitað rétt lögð af stað þegar dular-
fullir atburðir fara að gerast. Við
sögu koma galdrar og álög sem
ógna sirkusnum og margt spenn-
andi gerist, sem ekki er ástæða til
að fara nánar út í hér til að spilla
ekki fyrir lesendum.
Býrð þú í Sviss, eða hvers vegna
ákvaðstu að hafa sögu sviðið þar?
„Fyrir tíu árum bjuggum við í
Þýskalandi, rétt við landamæri
Sviss, og næsta stóra borg var
Zürich sem bara heillaði mig
algjörlega,“ segir Brynja Sif.
„Hins vegar er það skemmtileg til-
viljun að núna í febrúar erum við
að flytja til Zürich á nýjan leik þar
sem maðurinn minn er að taka við
yfirlæknisstöðu á borgarspítalan-
um. Hann segir reyndar að þetta
hljóti að hafa verið skrifað í stjörn-
urnar fyrst ég var búin að skrifa
tvær bækur sem gerast þar í borg-
inni,“ segir Brynja Sif og hlær.
„Okkur þykir óskaplega vænt um
Zürich þannig að þetta er mjög
spennandi og gaman að fara inn á
sögusvið Nikkýjar og sjá landið og
borgina með hennar augum.“
Þannig að það er nokkuð ljóst
að hún mun halda áfram að vera
í Sviss í næstu bók? „Það kemur
í ljós,“ segir Brynja Sif dular-
full. „Ég er aðeins byrjuð á þriðju
bókinni og í henni ferðast sirkus-
inn reyndar til Íslands, en aðal-
einkenni Nikkýjar eru hennar
einstöku hæfileikar og auðvitað
að hún er frá tveimur löndum og
hefur þá sýn sem fólk hefur þegar
það hefur kynnst einhverju öðru
en heimahögunum.“
fridrikab@frettabladid.is
Flytur á sögusviðið
Brynja Sif Skúladóttir, höfundur bókanna um Nikký sem að hluta gerast í Zürich,
er að fl ytja til Sviss og segist hlakka til að sjá landið með augum Nikkýjar.
BRYNJA SIF „Okkur þykir óskaplega vænt um Zürich þannig að þetta er mjög
spennandi.“ MYND ÚR EINKASAFNI
Lokahóf sýningar Daníels Björns-
sonar, Bismút, verður haldið í dag
klukkan 15 í Kling & Bang galler-
íi. Einnig verður fagnað útgáfu á
ritinu Hugleiðingar um verk Daní-
els Björnssonar og annað, sem
byggt er á viðtölum sem Ingibjörg
Sigurjónsdóttir tók við Daníel í
tilefni sýningarinnar.
Sýning Daníels hefur staðið yfir
síðan 8. nóvember. Daníel teikn-
ar upp sýningarrýmið með lit-
uðu ljósi og stillir þar upp nýjum
skúlptúrum úr brunni sínum.
Verkin snerta á umbreytingum,
enda dregur sýningin nafn sitt af
frumefninu bismút sem er þung-
ur, brothættur, hvítkristallaður
málmur sem umbreytist við hitun
í tilkomumikinn kristal í öllum
regnbogans litum. Verk Daníels
draga fram hið stöðuga ferli sem
núningur tímans við efni, anda og
aðstæður er, að því er fram kemur
í tilkynningu frá galleríinu.
Sýningin stendur til 21. des-
ember. Opið er í Kling & Bang
fimmtudaga til sunnudaga frá
klukkan 14 til 18 og er aðgangur
ókeypis.
Fagna útgáfu bókar í lokahófi Bismút
Sýningu Daníels Björnssonar, Bismút, er að ljúka í Kling & Bang. Í lokahófi nu verður fagnað útgáfu
bókar sem Ingibjörg Sigurjónsdóttir byggir á viðtölum við listamanninn í tilefni sýningarinnar.
BISMÚT Sýningu Daníels Björnssonar
lýkur í Kling & Bang á morgun.
MYND/ KLING & BANG
➜ Daníel teiknar upp sýn-
ingarrýmið með lituðu ljósi og
stillir þar upp nýjum skúlptúr-
um úr brunni sínum.
AÐGANGUR ÓKEYPIS
ALLIR VELKOMNIR
JÓLARÓ
Á ÞORLÁKSMESSU
í anddyri Hörpu kl. 17-18
fjölmargir óperusöngvarar
syngja jóla- og hátíðarlög
umsjón og píanóleikur
antonía hevesi
MENNING
Fjölskylduleikritið Sitji guðs engl-
ar verður flutt í Útvarpsleikhúsinu
yfir jólahátíðina. Leikritið byggir
á sögu hins ástsæla rithöfundar
Guðrúnar Helgadóttur og er í sex
þáttum. Það verður flutt sex daga í
röð, einn þáttur á dag, frá aðfanga-
degi til og með mánudeginum 29.
desember, klukkan 15 alla dagana.
Leikgerðin er eftir Illuga Jök-
ulsson og leikstjóri er Hallmar
Sigurðsson. Tónlist er eftir Stefán
S. Stefánsson og um hljóðvinnslu
sá Grétar Ævarsson. Fjölmargir
leikarar taka þátt í flutningnum,
bæði fullorðnir og börn, en í aðal-
hlutverkum eru Rúrik Haraldsson,
Þóra Friðriksdóttir, Edda Heiðrún
Backman, Valdimar Örn Flygen-
ring og Brynhildur Guðjónsdóttir.
Upptakan er frá árinu 1999.
Endurflutningur verksins er
meðal annars í tilefni af því að
Guðrún Helgadóttir fagnar á
þessu ári 40 ára rithöfundar-
afmæli sínu.
Í Sitji guðs englar kynnast
hlustendur stórmerkilegri fjöl-
skyldu í Firðinum en þó mest
hinni alvörugefnu Heiðu.
Úti í heimi geisar stríð, amer-
ískir hermenn þramma um bæinn
og mannlífið tekur öðrum breyt-
ingum. Í heimi barnanna eiga sér
líka stað miklar sviptingar, gáska-
full gleðin ræður ríkjum en sorg-
in nær að varpa skugga sínum á
leik þeirra.
Undir glaðværu yfirborði sög-
unnar er veruleiki stríðsáranna
sem börnin skynja á allt annan
hátt en fullorðnir.
Englar í útvarpinu
Leikgerð Illuga Jökulssonar á sögu Guðrúnar Helga-
dóttur, Sitji guðs englar, fl utt í Útvarpsleikhúsinu.
Boðið verður upp á notalega sögustund fyrir yngstu börnin og fjöl-
skyldur þeirra í aðalsafni Borgarbókasafnsins í dag klukkan 14.
Katrín Ósk Jóhannsdóttir rithöfundur mun lesa úr bókum sínum
Karólína og eggið og Karólína og týndu skórnir. Boðið verður upp á
heitt kakó og smákökur.
Enginn aðgangseyrir og allir velkomnir.
Sögustund fyrir alla fj ölskylduna
JÓLASTEMNING Boðið verður upp á kakó og smákökur.
FJÖRUTÍU ÁRA FERILL Guðrún Helgadóttir , höfundur sögunnar Sitji guðs englar,
fagnar fjörutíu ára rithöfundarferli í ár.