Fréttablaðið - 20.12.2014, Blaðsíða 116

20. desember 2014 LAUGARDAGUR| TÍMAMÓT | 88
Ég er búin að
kalla saman alla
helstu fiðluleikara
þjóðarinnar til að
vera með mér,
nokkrir þeirra eru
vinnandi eða í námi
erlendis og koma til
landsins í fyrra-
málið. Fyrsta algera
sam æfingin verður
því klukkutíma fyrir
tónleikana.
„Allir núverandi nemendur mínir eru
með atriði á þessum tónleikum. Þeir á
aldrinum fjórtán ára til tvítugs og eru
í alls konar hlutverkum. Við ætlum að
hafa þetta fjörlegt og afslappað,“ segir
Guðný Guðmundsdóttir fiðluleikari í
léttum tón. Hún virðist ekkert stressuð
þótt mikið standi til á morgun í tilefni
af 40 ára kennsluafmæli hennar, stór-
tónleikar í Seltjarnarneskirkju með
30 listamönnum, henni þar á meðal.
„Ég er búin að kalla saman alla helstu
fiðluleikara þjóðarinnar til að vera
með mér, nokkrir þeirra eru vinnandi
eða í námi erlendis og koma til lands-
ins í fyrramálið. Fyrsta algera sam-
æfingin verður því klukkutíma fyrir
tónleikana.“
Guðný kveðst engan veginn ná
utan um allan þann fjölda sem sótt
hafi fiðlutíma hjá henni. Það sé úti-
lokað. „En það koma fram dúó og tríó
og aðeins stærri hópar og svo spilar
stærsti hópurinn saman í lokin. Við
erum tuttugu og fjögur í honum,“ segir
hún og kveðst hlakka til.
Verkin á tónleikunum ná aftur til
tíma barokksins og á dagskránni er
meðal annars sónata fyrir tvær fiðlur
eftir Prokofiev sem nemendur Guð-
nýjar, sá elsti og yngsti, spila. Einn-
ig segir Guðný verða frumflutt eitt
nýtt verk eftir fimmtán ára nemanda
hennar. „Væntanlega! Ég hef reyndar
ekki séð verkið enn þá en það er nú
ekki kominn sunnudagur,“ segir hún
hlæjandi. „Þetta er bara spennandi og
skemmtilegt.“
Hápunkt tónleikanna segir Guðný
verða flutning á hinu stórbrotna verki
Ciaccone, sem Johann Sebastian Bach
skrifaði fyrir einleiksfiðlu en einn af
fyrrverandi nemendum hennar, Bjarni
Frímann Bjarnason, hefur útsett fyrir
margar fiðlur og víólur. „Bjarni Frí-
Kalla saman alla helstu
fi ðluleikara þjóðarinnar
Veglegir tónleikar verða í Seltjarnarneskirkju á morgun, til heiðurs Guðnýju Guðmunds-
dóttur, fyrrverandi konsertmeistara, sem fagnar fj örutíu ára kennsluafmæli. Ókeypis er inn.
FIÐLULEIKARINN „Ég er
bæði að kenna og spila og
geri það eins lengi og ég get.
En auðvitað er gaman að
halda upp á svona tímamót,“
segir Guðný. FRÉTTABLAÐIÐ/STEFÁN
MEÐ NÚVERANDI NEMENDUM Pétur Björnsson, Hjalti Nordal Gunnarsson, Sólveig Vaka
Eyþórsdóttir, Ragnheiður Ingunn Jóhannsdóttir, Pétur Úlfarsson, Júnía Lín Hua Jónsdóttir,
Hekla Finnsdóttir, Guðný og Herdís Mjöll Guðmundsdóttir.
Guðný hóf fiðlunám 6 ára gömul, fyrst hjá Ernu Másdóttur við Tónlistarskóla
Hafnarfjarðar. Tveimur árum síðar varð Björn Ólafsson, þáverandi konsertmeistari,
kennari hennar og var það allt þar til hún hóf nám við Eastman-tónlistarháskólann
í Rochester í New York. Þaðan útskrifaðist hún með bakkalárgráðu og fékk sérstaka
viðurkenningu fyrir einleik. Síðan nam hún eitt ár við Royal College of Music í
London.
Guðný lauk mastersgráðu við Juilliard-skólann í New York nokkrum dögum
áður en hún vann prufuspil fyrir 1. konsertmeistarastöðuna hjá Sinfóníuhljóm-
sveit Íslands árið 1974, þeirri stöðu gegndi hún til októberloka árið 2010. Kennsla
hefur verið stór þáttur í starfi Guðnýjar frá árinu 1974, bæði við tónlistarskóla og í
einkatímum.
Nám og störf Guðnýjar
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
Okkar innilegustu þakkir fyrir auðsýnda
samúð og hlýhug við andlát og útför móður
okkar og systur,
LAUFEYJAR GUÐMUNDSDÓTTUR
frá Hofstöðum.
Sérstakar þakkir færum við starfsfólki
Dvalarheimilis aldraðra og sjúkrahússins í
Stykkishólmi fyrir einstaka alúð og hlýju við
umönnun hennar. Guð blessi ykkur öll.
Valgerður Gunnarsdóttur Jón V. Ásgeirsson
Kolbrún Gunnarsdóttir Jón Guðmundsson
Guðmundur Á. Gunnarsson Erla Þórðardóttir
Jónína Þorbjörg Gunnarsdóttir
Kristín Guðmundsóttir
og fjölskyldur þeirra.
Davíð
Ósvaldsson
útfararstjóri
Óli Pétur
Friðþjófsson
útfararstjóri 551 3485 • www.udo.is
Ástkær faðir okkar, afi og unnusti,
PÁLL ÞÓRARINSSON
Hraunbæ 34, Reykjavík,
var bráðkvaddur á heimili sínu 12. desember
sl. Útförin fer fram frá Árbæjarkirkju
mánudaginn 22. desember kl. 13.00. Blóm
og kransar vinsamlegast afþakkaðir en
þeim sem vilja minnast hans er bent á reikn.
Bræðranna: 0113-26-060595, kt. 060595-2599.

Hanna Lára,
Ingi Hrafn, Þórarinn Árni, Jón Guðmann Pálsbörn
Ásta Sveinbjörnsdóttir
Útför móður okkar, tengdamóður og ömmu,
GUÐRÚNAR SIGURÐARDÓTTUR
Fossvogsbrún 6, Kópavogi,
sem lést mánudaginn 8. desember fer fram
frá Bústaðakirkju mánudaginn
22. desember kl. 13.
Sigrún Alda Michaelsdóttir Guðjón Ágústsson
Bragi Michaelsson Auður Ingólfsdóttir
Snorri Guðlaugur Tómasson Jóna Björg Jónsdóttir
Margrét Sigríður Halldórsdóttir
og aðrir aðstandendur.
mann gerir ýmislegt fleira, enda fjöl-
hæfur piltur. Hann kemur fram í víólu-
verki og spilar líka eitthvað á píanó,“
lýsir hún.
Það er ekki bara fjörutíu ára
kennsluafmæli hjá Guðnýju heldur vill
líka svo til að bærinn hennar er fjöru-
tíu ára og sóknin einnig. „Seltjarnar-
nes er minn heimabær núna þótt ég sé
upphaflega úr Kópavoginum. Því er
algerlega við hæfi að halda tónleikana
í Seltjarnarneskirkju,“ segir hún.
Þótt Guðný eigi 40 ár að baki í tón-
listarkennslunni er hún hvergi nærri
hætt. „Ég er bæði að kenna og spila og
geri það eins lengi og ég get. En auð-
vitað er gaman að halda upp á svona
tímamót,“ segir hún. Og þegar mynda-
takan er skipulögð: „Ég er að kenna
heima, vinnustofan er bak við hús og
ljósmyndarinn getur örugglega runnið
á hljóðið.“
Tónleikarnir hefjast klukkan 16 á
morgun í Seltjarnarneskirkju, aðgang-
ur er frír og allir velkomnir meðan
húsrúm leyfir. gun@frettabladid.is
TÍMAMÓT