Tímarit hjúkrunarfræðinga - 01.02.1997, Blaðsíða 6
Ritstjórnarspjall
Blaðið ykkar
Bryiuiís Krisljánsdóttir
T.
A. il hvers gefa stéttarfélög útfélagsblað?
Mjög mörg stéttarfélög gefa út félagsblað og eru blöðin jafn misjöfn og þau eru mörg. Sum eru eingöngu fréttablöð,
þ.e. blöð sem hafa þann eina tilgang að miðla upplýsingum um starfið í félaginu og oft þá eingöngu því starfi sem
stýrt er af stjórn félagsins. Onnur eru hvort tveggja í senn frétta- og fagblöð þar sem saman fer faglegt efni, unnið af
hinum ýmsu félagsmönnum sem og fréttir af starfi félagsins og öðru sem gagn og gaman er fyrir félagsmenn að vita.
Hjúkrunarfræðingar hafa gefið út félagsblað síðan 1925 og hefur það tekið miklum breytingum í áranna rás. Margir
hafa lýst skoðunum sínum á því hvemig Tímarit hjúkrunaifrœðinga eigi að vera og því er ekki að neita að einkum
heyrast tvær raddir, sem tjá sig um þetta mál, þ.e. þær sem segja að blaðið eigi að einbeita sér að faglegu efni og
hinir sem segjast ekki lesa rannsóknargreinar og vilja eingöngu létt efni og fréttir.
Eitt af markmiðunum með útgáfu félagsblaðs er að vera nauðsynlegur tengiliður milli félagsmanna og stjórnar
félagsins. Einnig að það verki sem tengiliður félagsmanna á milli. Það skiptir því miklu máli að allir hjúkmnar-
fæðingar hafi áliuga á að lesa lilaðið. Því var valin sú leið að fara bil beggja og í hverju blaði em rannsókargreinar,
eða annað fræðilegt efni, en einnig léttara efni, s.s. viðtöl við hjúkrunarfræðinga („hin hliðin“), álit hjúkmnar-
fræðinga á hinum ýmsu málum („Þankastrik), framhaldssaga, o.fl. Auk þess sem formaður tekur oft fyrir, í pistli
sínum, mál sem em efst á baugi hjá hjúkrunarfræðingum eða í heilbrigðisþjónustunni og oftar en ekki vekja þau
skrif almenna athygli.
Uppsetning blaðsins er á þann veg að rannsóknargreinar og fræðilegt efni (þyngri hlutinn) er á fremstu sfðum
blaðsins en fréttir frá félaginu, og erlendum félögum hjúkrunarfræðinga, eru á aftari síðum þess og eru aðgreindar
frá öðm efni með titilsfðu. Þannig á að vera aðgengilegt fyrir hjúkmnarfæðinga að nálgast það efni sem þeir hafa
mestan áhuga á hverju sinni. Rík áhersla er lögð á vönduð vinnubrögð í hvívetna.
Margir hafa nefnt að þeir rífi blaðið úr plastinu um leið og það berst og lesi það spjaldanna á milli. Aðrir
segjast lesa það í „skömmtum" auk þess sem alltaf komi upp sú staða að fletta þurfi upp á efni eða upplýsingum í
einhverju blaðinu. Þetta metum við svo að blaðið sé á réttri leið. Og til að auðvelda lesendum að geyma blaðið á
aðgengilegan hátt hafa verið útbúnar sérstakar möppur fyrir það sem taka um tvo árganga hver. Því miður hafa þó
heyrst einstaka raddir sem segjast aldrei lesa blaðið og ekki einu sinni taka það úr plastinu! I raun segir það meira
um viðkomandi en blaðið. Ritstjórn er ávallt tilbúin að hlusta óskir hjúkrunarfræðinga varðandi efni og efnistök í
hlaðinu og ritstjóri hefur ítrekað við formenn fagnefnda og svæðisdeilda að senda efni í l)laðið. Eins og lesendur
hafa tekið eftir em sumar nefndir og deildir duglegri en aðrar að svara þessu kalli en hinar hafa enn tækifæri til að
hæta þarna úr. Það er mikilsvert fyrir alla hjúkrunarfræðinga að fá fréttir (og myndir) af starfsfélögunum og þar er
blaðið er rétti miðillinn. Hér er því ítrekuð hvatning til allra stofnana sem starfa innan félagsins að hirta fréttir af
störfum sínum. Að auki em ítrekuð tilmæli formanns ritnefndar til þess fjölda hjúkrunarfræðinga sem þegar hefur
skrifað fræðigreinar að koma greinunum til ritstjóra til birtiugar í blaðiuu.
Talsverðar breytingar verða nú á næstunni á högum starfskvenna á skrifstofu félagsins. I blaðinu er sagt frá
starfslokum Ingibjargar Gunnarsdóttur og í næsta blaði verða nýjar starfskonur kynntar félagsmönnum. Sú sem þetta
skrifar lætur nú af störfum því Þorgerður Ragnarsdóttir, ritstjóri, kemur til starfa á ný að loknu bamsburðarleyfi. Ég
vil þvf nota tækifærið og þakka fyrir það tækifæri að fá að starfa fyrir hjúkmnarfræðinga. Þetta hefur verið afar
skemmtilegur og lærdómsríkur tími sem hefur gefið mér góða innsýn í hinn fjölbreytta heim hjúkmnar. Auk þess
sem mér hlolnaðist sá heiður að vera titluð: „Fröken hjúkrunarkona . . .“ af lækni einum hér í borg.
Sérstakar þakkir fyrir einkar gott samstarf og ánægjuleg kynni langar mig að senda öllum samstarfskonum
mínum á skrifstofu Félags íslenskra hjúkrunarfræðinga, ritnefnd sem og öllum þeim hjúkmnarfræðingum sem, á
einn veg eða annan, hafa unnið með mér að blaðinu.
& Breidholts ^sStjörnu Apófek
Apótek HAFNARSTRÆTl 91-95
Álfabakka 12, Mjódd, Sími: 557-3390 Opið virka daga kl. 09.00-19.00 AKUREYRI
og laugardaga kl. 10.00-14.00 SÍMI: 463-0452
Garðs Apótek
Sogavegi 108, v/Réttarholtsveg
108 Reykjavík, Sími: 568-0990
6
TÍMARIT HJÚKRUNARFRÆÐINGA 1. tbl. 73. árg. 1997