Litli Bergþór - 01.12.2013, Blaðsíða 7
Litli-Bergþór 7
Á þemadögum í haust í Bláskógaskóla sem haldnir
voru í tilefni af Degi íslenskrar tungu voru unnin ýmis
skemmtileg og áhugaverð verkefni. Eitt af þeim var
samvinnuverkefni sem var unnið þvert á skólastigin,
þ.e. allir nemendur skólans tóku þátt í því. Þemað
var Lofsöngurinn eftir Matthías Jochumsson og varð
hugmyndin að verkefninu til þegar þrír kennarar
settust niður og ræddu hugmyndir að þemadögum.
Hugmyndin kviknaði út frá púsluspilshugmynd
þ.e. verk þar sem allir nemendur gætu gert sinn part í
einu og sama verkefninu og þróaðist út í þá hugmynd
að túlka þjóðsönginn með myndum þar sem tveir
til þrír nemendur fengju
eina ljóðlínu úr söngnum
og fyndu leið til að túlka
hana. Fyrsti bekkur sá um
að mála grunninn á plötur
sem áttu að bera verkið
uppi. Máluð voru himinn
og jörð á átta þykkar karton
plötur. Nemendur fengu svo
frjálsar hendur með það
hvernig þau túlkuðu sönginn
og hvaða efni þau notuðu til
þess. Í verkið var m.a. notað
þæfð ull, pappír, efnisbútar,
garn, pappír, trélitir,
túss, þekjulitir, perlur,
pípuhreinsarar, gúmmí-
hanski, klósettrúllur, sogrör
og fjaðrir.
Verkefnið tókst í alla staði
vel. Áhugavert var að sjá
hve samvinnan tókst vel í
hópunum. Nemandi í öðrum
bekk átti fulla samleið með
nemanda í tíunda bekk í
sköpuninni og allir fengu
að njóta sín. Almennt sýndu
nemendur metnað og áhuga
fyrir verkefninu ásamt því að
leysa það vel þrátt fyrir erfið
orð að túlka. Afraksturinn
má sjá á gangi skólans á efri
hæð og tók smíðakennarinn
að sé að hengja það upp og
ramma inn.
Skipulag þemadaganna
var á þann hátt að skól-
anum var skipt upp í
stöðvar og þess vegna
gafst einnig kostur á að
syngja þjóðsönginn á einni
stöðinni. Þeir sem leið eiga
um skólann ættu endilega
að kíkja á þetta skemmtilega
verk og kanna hvort þeir nái
að syngja alla myndina.
Fyrir hönd kennara,
Sigurlína Kristinsdóttir.
Myndverk um Lofsönginn
unnið af nemendum Bláskógaskóla